Գեղարքունիքում պետական պարգեւներ հանձնվեցին Ադրբեջանի սեպտեմբերյան ագրեսիայի ժամանակ զոհված զինծառայողների ընտանքիներին

ՀՀ պաշտպանության նախարարության նախաձեռնությամբ եւ ՀՀ նախագահ Վահագն Խաչատուրյանի հրամանագրով պետական պարգեւներ են հանձնվել  2022 թվականի սեպտեմբերի 13-15-ի ադրբեջանական ագրեսիայի հետևանքով զոհված զինծառայողների ընտանիքներին։

Ինչպես տեղեկացրին Գեղարքունիքի մարզպետարանի տեղեկատվության եւ հասարակայնության հետ կապերի բաժնից, պարգեւատրման արարողությունը տեղի է ունեցել Վարդենիս քաղաքի Մհեր Մկրտչյանի անվան մշակույթի պալատում։ 

Արարողությանը մասնակցել են Գեղարքունիքի մարզպետ Կարեն Սարգսյանը, Գեղարքունյաց թեմի առաջնորդական տեղապահ Տեր Պարթեւ վարդապետ Բարսեղյանը, ՀՀ ԶՈւ 2-րդ բանակային կորպուսի հրամանատար Գարեգին Պողոսյանը, ՀՀ Պաշտպանության նախարարության գլխավոր շտաբի բարձրաստիճան զինվորականներ, ՀՀ ԶՈւ 2-րդ բանակային կորպուսի զինվորականներ, մարզի համայնքների ղեկավարներ, զոհվածների հարազատներ:

Օրհնության կարգ է կատարել Գեղարքունյաց թեմի առաջնորդական տեղապահ Տեր Պարթեւ վարդապետ Բարսեղյանը։  

Ողջունելով ներկաներին՝ Գեղարքունիքի մարզպետ Կարեն Սարգսյանը շնորհակալություն է հայտնել  հերոսածին ծնողներին՝ հայրենասեր զավակներ դաստիարակելու համար։

«Ցավ եւ ափսոսանք եմ զգում, որ այսօր  այս պարգեւները չենք փակցնում մեր հերոսների կրծքերին, այլ դրանք շնորհում ենք հետմահու։ Տղաները հերոսացել են՝ հայրենիքի պաշտպանության գործում անձնուրաց ծառայություն մատուցելով։ Հանուն մեր հերոսների չապրած կյանքերի՝ այսօր շատ անելիքներ ունենք՝ մեր երկիրը պահպանելու, շենացնելու, հզորացնելու համար։ Հայոց բանակն օր օրի զարգացում է ապրում, եւ ես վստահ եմ, որ, որքան էլ նենգ է թշնամին, այդուհանդերձ, մեր բանակն իր առջեւ դրված խնդիրները կատարում է հերոսաբար ու պատասխանատվության բարձր զգացումով։

Եվս մեկ անգամ գլուխ եմ խոնարհում մեր քաջ տղաների անմար հիշատակի առջեւ։ Փառք ու պատիվ Հայոց բանակի հերոսներին»,-նշել է Կարեն Սարգսյանը։

Ելույթով հանդես է եկել ՀՀ ԶՈՒ բանակային երկրորդ կորպուսի հրամանատար Գարեգին Պողոսյանը։

Հայրենիքին մատուցած ծառայության համար  «Մարտական ծառայություն» մեդալով են պարգեւատրվել՝ Ախպրաձոր գյուղի բնակիչ, ավագ լեյտենանտ Գնել Գասպարյանը, Լճավան գյուղի բնակիչ, ավագ   լեյտենանտ Գոռ Ասատրյանը, Մարտունի քաղաքի բնակիչներ՝ ենթասպա Արման Գրիգորյանը, շարքային Արմեն Աբրահամյանը,  Ծովինար գյուղի բնակիչ, շարքային Գարիկ Թադեւոսյանը, Սոթք գյուղի բնակիչներ՝ սերժանտ Լեւոն Նավասարդովը, շարքային  Գեւորգ Ստամբուլցյանը  եւ  Սահակ Գաբրիելյանը, Վարդենիս քաղաքի բնակիչներ՝ ավագ լեյտենանտ Հայկ Գասպարյանը, սերժանտ Մանուկ Կարապետյանը, շարքային Արտյոմ Մինասյանը, կրտսեր սերժանտ Վարդան Զիրոյանը,  շարքային Տիգրան Հովակիմյանը, Արսեն Սարգսյանը, Մխիթար Մարտիրոսյանը,  Ակունք գյուղի բնակիչներ՝ սերժանտ Շահեն Գասպարյանը, Արայիկ Հովհաննիսյանը, շարքային Վարազդատ Վարդանյանը, Կարճաղբյուր գյուղի բնակիչ, շարքային Սաղաթել Սարգսյանը, Ծովակ գյուղի բնակիչ, սերժանտ Հայկ Մուրադյանը, Լուսակունք գյուղի բնակիչ, շարքային Արմեն Մխեյանը, Շատջրեք գյուղի բնակիչ, շարքային Վաղարշակ Սարմոսյանը,  Արեգունի գյուղի բնակիչ, շարքային Վահան Հակոբյանը,  Արծվանիստ գյուղի բնակիչ, շարքային Մխիթար Ավագյանը,  Այգուտ գյուղի բնակիչ, շարքային Արմեն Գասպարյանը, Խաչաղբյուր գյուղի բնակիչ, շարքային Գրիգոր Գեւորգյանը, Վաղաշեն գյուղի բնակիչ, շարքային Արամ Մնացականյանը, Վարդենիկ գյուղի բնակիչ, կրտսեր սերժանտ Գուրգեն Զաքարյանը, Լիճք գյուղի բնակիչ, շարքային Արթուր Մարգարյանը, Գեղհովիտ գյուղի բնակիչ, շարքային  Կարեն Գրեյանը, Ձորագյուղ գյուղի բնակիչ, կրտսեր սերժանտ  Ազատ Զոհրաբյանը, Աղբերք գյուղի բնակիչ, կրտսեր սերժանտ Ադամ Կիրակոսյանը, Զոլաքար գյուղի բնակիչ, կրտսեր սերժանտ Հենրիկ Հարությունյանը,  Փոքր Մասրիկ գյուղի բնակիչ, ավագ սերժանտ Վիլգեն Ավագյանը , Արփունք գյուղի բնակիչ, աշխարհազորային Արմեն Ասլանյանը։

«Մարտական 2-րդ աստճանի շքանշանով» է պարգեւատրվել Ակունք գյուղի բնակիչ, ավագ լեյտենանտ Վեմիր Հարությունյանը, «Հայրենիքին մատուցած ծառայության համար առաջին աստիճան» մեդալով՝ Ծովակ գյուղի բնակիչներ՝  լեյտենանտ Լյովա Սահակյանը, աշխարհազորային Քաջիկ Բարեյանը,  Զոլաքար գյուղի բնակիչ, շարքային  Ալիսա Մելքոնյանը, Վարդենիս քաղաքի բնակիչ, սերժանտ Իրինա Գասպարյանը, Փոքր Մասրիկ գյուղի բնակիչ, սերժանտ Լեւոն Հարությունյանը, Ծովակ գյուղի բնակիչ, կրտսեր սերժանտ Արա Հովհաննիսյանը, Վարդենիս քաղաքի բնակիչ, կրտսեր սերժանտ Կամո Պողոսյանը ։ «Արիության» մեդալով է պարգեւատրվել Վարդենիս քաղաքի բնակիչ, լեյտենանտ Գարիկ Բադեյանը։

Այս թեմայով Իրենք մոռացել են, որ Թուրքիայի ու Ադրբեջանի ագենտ են․ հոգեւոր հայրը՝ իշխանությանը (տեսանյութ) Եգիպտոսը ողջունել է Հայաստանի և Ադրբեջանի միջև սահմանազատման վերաբերյալ համաձայնությունը Հայաստան-Ադրբեջան պետական սահմանի Տավուշ-Ղազախ հատվածում տեղադրվել է առաջին սահմանային սյունը Բաքուն համաձայնել Է Հայաստանի և Ադրբեջանի ԱԳ նախարարների հանդիպմանը. Ալիև Պետական քաղաքականությունն ուղղված է դպրոց-բուհ-գիտություն կապի ամրապնդմանը. Ժաննա Անդրեասյան ԱԺ հանձնաժողովը քննարկում է ընդդիմության ներկայացրած նախագիծը Հայաստանի և Ադրբեջանի միջև սահմանազատման մասին Սլովենիան ողջունել է Հայաստանի և Ադրբեջանի միջև սահմանազատման գործընթաց սկսելու համաձայնությունը ՀՀ և Ադրբեջանի փորձագիտական խմբերը սկսել են կոորդինատների ճշտման գործընթացը Իրանը «հարգում է» Ադրբեջանի և Հայաստանի միջև ձեռք բերված պայմանավորվածությունները Հայոց ցեղասպանության թանգարան-ինստիտուտը խորապես ուսումնասիրում է Ադրբեջանի կողմից արցախահայության դեմ ուղղված բռնությունները