Կադիրովը նշել է՝ որն է Չեչնիայի պատմության գլխավոր իրադարձությունը

Չեչնիայի սահմանադրության ընդունումը հանրապետության պատմության գլխավոր իրադարձությունն է, որը մեր կյանքը բաժանել է «առաջ և հետոյի», - գրել է տարածաշրջանի ղեկավար Ռամզան Կադիրովը Telegram-ի իր ալիքում։

2003 թվականի մարտի 23-ին Չեչնիայում տեղի ունեցած համաժողովրդական հանրաքվեի ժամանակ ընդունվեց հանրապետության սահմանադրությունը։ Նոր սահմանադրության վրա աշխատանքներն իրականացվել են Չեչնիայի սահմանադրական հանձնաժողովի կողմից և ավարտվել 2002 թվականի հուլիսի 10-ին։ Հիմք է ընդունվել հանրապետության վարչակազմի ղեկավար Ախմաթ Կադիրովի առաջարկած տարբերակը։

«Չեչնիայի Հանրապետության Սահմանադրության ընդունումը, իհարկե, մեր պատմության ամենակարեւոր իրադարձությունն է: Այս օրը մեր կյանքը բաժանեց առաջ և հետոյի, ամրապնդեց տարածաշրջանի դիրքերը՝ որպես ուժեղ տերության մաս, և որոշեց հետագա  զարգացման վեկտորը։ Հանրաքվեի անցկացման որոշումը, որը շատերի համար կասկածելի էր, համախմբեց հուսահատ ժողովրդին։ Արդյունքները ցրեցին բոլոր հակասությունները»,- գրել է Կադիրովը։

Նա հիշեցրել է նաև, որ ավազակների՝ ժողովրդին ահաբեկելու փորձերը վերածվեցին իսկական ընդվզման։

«Հասարակությունը հակադրվեց ահաբեկչությանը, որը խորը արմատներ է գցել հանրապետության տարածքում։ Այդ պահից սկսվեց հանցավոր կայսրության անխուսափելի փլուզումը»,- հավելել է Կադիրովը։

Այս թեմայով Այս ամիս անպայման պետք է վերցնել Օդեսան և Խարկովը. Կադիրով Կադիրովը «սադրանք» է անվանել Չեչնիայի ԱԻՆ ղեկավարի ձերբակալությունը Դաղստանում (տեսանյութ) Կադիրովը կոչ է արել պաշտոնյաներին մարել Չեչնիայի բնակիչների պարտքերը խանութներում Կադիրովը մեկնաբանել է «Կրոկուս Սիթի Հոլ»-ում տեղի ունեցած հրաձգությունը Կադիրովն ընտանիքի հետ քվեարկել է ՌԴ նախագահական ընտրություններում (տեսանյութ) Կադիրովը գնահատել է Պուտինի աշխատանքը Կադիրովը որդիների հետ լուսանկարներ է հրապարակել Ավդեևկան ևս մեկ քայլ է դեպի հաղթանակ․ Կադիրով Կադիրովի ավագ որդին պաշտոն է ստացել Գրոզնիում Պուտինի անունով թաղամաս կստեղծվի. Կադիրով