Արտակ Առուստամյանն ազատվել է ՔԿԾ պետի տեղակալի պաշտոնից

Արդարադատության նախարար Գրիգոր Մինասյանը մարտի 17-ին հրաման է ստորագրել, ըստ որի՝ քրեակատարողական ծառայության պետի տեղակալն ազատվել է պաշտոնից։

«Ղեկավարվելով «Հանրային ծառայության մասին» օրենքի 9-րդ հոդվածի 8-րդ մասով և հիմք ընդունելով Քրեակատարողական ծառայության պետ Ս. Ատոմյանի 2023 թվականի մարտի 16-ի թիվ Ե 40/10-1382 գրությամբ ներկայացված առաջարկությունը, ինչպես նաև Ա. Առուստամյանի զեկուցագիրը.

Հրամայում եմ՝

• Արտակ Վասիլի Առուստամյանին 2023 թվականի մարտի 17-ից ազատել քրեակատարողական ծառայության պետի տեղակալի պաշտոնից:
• Քրեակատարողական ծառայության պետ Սերգեյ Ատոմյանին՝ ապահովել Արտակ Առուստամյանի հետ Հայաստանի Հանրապետության օրենսդրությամբ սահմանված կարգով վերջնահաշվարկի կատարումը»,-նշվում է հրամանում:

Ներկայացնում ենք նրա կենսագրությունը․

Ծնվել է 1977թ. սեպտեմբերի 23-ին Երևան քաղաքում:

1999թ. ավարտել է Երևանի ժողովրդական տնտեսության ինստիտուտը տնտեսագետի որակավորմամբ:

1999-2001թթ. ծառայել է ԼՂՀ ՊԲ-ում:

2001-2003թթ. Երևանի «Աուդիտ» ՍՊԸ աուդիտոր:

2003-2006թթ. ՀՀ ԱԱԾ օպերլիազոր:

2006-2008թթ. ՀՀ ԱԱԾ ավագ օպերլիազոր:

2008-2017թթ. ՀՀ ԱԱԾ բաժանմունքի պետ:

2017-2018թթ. ՀՀ ԱԱԾ բաժնի պետի տեղակալ – բաժանմունքի պետ:

2018-2020թթ. ՀՀ ԱԱԾ բաժնի պետ:

2020-2021թթ. ՀՀ ԱԱԾ մարզային վարչության պետի ՊԺԿ:

07.2021-10.2021թթ. ՀՀ ԱԱԾ մարզային վարչության պետ:

ՀՀ արդարադատության նախարարի՝ 2021թ. նոյեմբերի 2-ի հրամանով նշանակվել է ՀՀ ԱՆ քրեակատարողական ծառայության պետի տեղակալ:

Ծառայողական պարտականությունները բարեխիղճ կատարելու համար համապատասխան հրամաններով պարգևատրվել է գերատեսչական մեդալներով, կրծքանշաններով, անվանական զենքով, այդ թվում՝

ՀՀ նախագահի հրամանով՝ Մարտական ծառայության մեդալով:

ՀՀ ԱԱԾ տնօրենի հրամաններով՝ «Անբասիր ծառայության համար» 3-րդ և 2-րդ աստիճանների մեդալներով, «Անվտանգության մարմինների 100-ամյակ» մեդալով, ՌԴ ԱԴԾ ՍՎ հոբելյանական մեդալով, «ՀՀ անվտանգության ապահովման գործում ունեցած ներդրումների համար» կրծքանշանով:

ՀՀ ոստիկանապետի հրամանով՝ «Համագործակցության ամրապնդման համար» մեդալով:

ՀՀ քննչական կոմիտեի նախագահի հրամանով՝ «Համագործակցության համար» մեդալով:

ՀՀ ԱՆ ՔԿԾ պետի հրամանով՝ «Օրինականության ամրապնդման համար» մեդալով:

Խրախուսվել է ՀՀ վարչապետի շնորհակալագրով:

Ամուսնացած է, ունի որդի և դուստր:

Այս թեմայով Արդարադատության միջազգային դատարանը շուտով կներկայացնի իր որոշումը Լաչինի միջանցքում Ադրբեջանի կողմից անցակետ տեղադրելու վերաբերյալ Օրեր առաջ Գառնիում ավտովթարից հետո ծանր վիճակում գտնվողները դեռ երկար բուժման կարիք կունենան. նախարար Քերոբյանը Պեկինում ներկայացրել է Հայաստանի ներդրումային միջավայրը ԵՄ-ն 2.8 մլրդ եվրո չի տրամադրել, ասել է՝ կտրամադրի, եթե լինեն ծրագրեր. ֆինանսների նախարար ԱԳ նախարար Արարատ Միրզոյանը ԱԺ-ում ներկայացնում է 2022-ի բյուջեի կատարողականը ԵՄ դեսպան Անդրեա Վիկտորինն ու ԵԽ անդամները քննարկել են ՀՀ արդարադատության ոլորտի բարեփոխումները Նոր քրեակատարողական հիմնարկը կկառուցվի առաջիկա 2-3 տարում Դիլիջանի քրեականի պետն առաջին անգամ է հանցանք գործել ու զղջացել, կարող է ներվել. Մինասյան Հեսա կասեք` ԴԱՀԿ-ի ինչո՞վ ես հպարտանում, հլը տես` ինչքան դժգոհություն կա. Մինասյան Արդարադատության նախարար Գրիգոր Մինասյանի ճեպազրույցը․ ՈՒՂԻՂ