ԱՄՆ Հետաքննությունների դաշնային բյուրոյի Հայաստանում և Վրաստանում իրավական կցորդն այցելել է ՀՀ քննչական կոմիտե

ՀՀ քննչական կոմիտեի նախագահի տեղակալ Արսեն Այվազյանը մարտի 20-ին ընդունել է ԱՄՆ Արդարադատության դեպարտամենտի Հետաքննությունների դաշնային բյուրոի (ՀԴԲ) Հայաստանում և Վրաստանում իրավական կցորդ տիկին Հեդեր Բերգեյի գլխավորած պատվիրակությանը, որի կազմում են եղել ԱՄՆ ՀԴԲ Վրաստանի գրասենյակի վարչական օգնական Ռեյչլ ՄքԴերմոթը և ՀՀ-ում ԱՄՆ դեսպանատան տարածաշրջանային անվտանգության ծառայության բաժնի հետաքննիչ Տիգրան Պետրոսյանը։

Ինչպես տեղեկացրին ՀՀ քննչական կոմիտեից, ողջունելով հյուրերին՝ ՀՀ քննչական կոմիտեի նախագահի տեղակալը նախ շնորհակալություն է հայտնել ԱՄՆ Արդարադատության դեպարտամենտին և Հետաքննությունների դաշնային բյուրոյին՝ անդրազգային հանցագործությունների դեմ պայքարում սերտ համագործակցության համար։

«Հեդեր Բերգը գոհունակություն է հայտնել ՀՀ քննչական կոմիտեի հետ հաստատված փոխվստահության և գործակցության բարձր մակարդակի կապակցությամբ՝ նշելով, որ իրենք միտված են շարունակելու հայկական կողմի նախանշած առաջնահերթությունների շրջանակում ՀՀ քննչական կոմիտեի կարողությունների զարգացմանն ուղղված նոր նախագծերի իրականացումը»,- ասվում է հաղորդագրության մեջ։

Ըստ աղբյուրի՝ հանդիպման ընթացքում քննարկվել են ՀՀ քննչական կոմիտեի կողմից առավել կարևորված՝ թմրամիջոցների ապօրինի շրջանառության, մաքսանենգության, կիբեռհանցագործությունների, փողերի լվացման ոլորտներում քննիչների մասնագիտական զարգացմանն ուղղված կարիքները, դրանցից բխող փորձի փոխանակման, վերապատրաստման ծրագրերի իրականացման հնարավորությունները։

Նշվում է, որ կողմերը շեշտել են նաև ապօրինի միգրացիայի դեմ պայքարում համատեղ ջանքերն ակտիվացնելու, նշված ուղղություններով տեղեկատվության փոխանակման կառուցակարգերը կատարելագործելու անհրաժեշտությունը։

Այս առումով գոհունակությամբ արձանագրվել է ՀՀ քննչական կոմիտեի և Հայաստանում ԱՄՆ դեսպանատան հետ ձևավորված արագ արձագանքման ձևաչափի արդյունավետությունը։

Հանդիպման ընթացքում քննարկվել են նաև փոխադարձ հետաքրքրություն ներկայացնող այլ հարցեր։  

Այս թեմայով Սամվել Բաբայանը դեմ չէ Արցախում պաշտպանության պետական կոմիտե ստեղծելու և դրան անդամակցելու առաջարկին ՀՀ քննչական կոմիտեն ավարտել է Լոռիում և Շիրակում պարեկների նկատմամբ բռնություն գործադրելու դեպքերի նախաքննությունը Զոհված զինծառայողի ծնողի փաստաբանները մտան քննչական վարչություն` Աշոտ Փաշինյանի հետ առերեսման Գայանեն պետք է անմիջապես ազատ արձակվի, մեր հետ ոչ մի քննչական միջոցառում չի կատարվել. ծնող Ծնողներին քիչ հետո Քննչական կոմիտե են տեղափոխելու, այս պահին մեղադրանք չկա. պատգամավոր Աշոտ Փաշինյանի հաղորդման հիման վրա նախաձեռնվել է քրեական վարույթ Զոհված զինծառայողների ծնողներին խայտառակ ձևով տարել են քննչական. Ռուբեն Մելիքյան ՀՀ քննչական կոմիտեի և ԱՄՆ հետաքննությունների դաշնային բյուրոյի միջև համագործակցության հուշագիր է կնքվել Երևանում քաղաքացուց 5500 ԱՄՆ դոլար են հափշտակել, առևանգել, նրան և հորն ապօրինի զրկել ազատությունից. ՔԿ Էրեբունի վարչական շրջանի ղեկավարի աշխատակազմի պաշտոնատար անձինք հափշտակել են 2 մլն 780 հազ. դրամ