Մոսկվայի հետ հարաբերությունների ամրապնդումը Պեկինի ռազմավարական ընտրությունն Է. Սի Ծինփին

Չինաստանի նախագահ Սի Ցզինպինը Մոսկվայում ՌԴ նախագահ Վլադիմիր Պուտինի հետ հանդիպման ժամանակ անվանել է Պեկինի ռազմավարական ընտրությունը, այն է՝ ամրապնդել և զարգացնել հարաբերությունները երկու երկրների միջև։ Այս մասին ասվում է Չինաստանի արտգործնախարարության՝ երկու առաջնորդների ոչ պաշտոնական հանդիպման արդյունքներով երեքշաբթի օրը հրապարակված հաղորդագրության մեջ, գրում է ՏԱՍՍ-ը։

«Չին-ռուսական հարաբերությունների ամրապնդումն ու զարգացումը Չինաստանի ռազմավարական ընտրությունն է, որը բխում է սեփական հիմնարար շահերից և աշխարհում գերիշխող միտումներից»,- ասվում է Չինաստանի նախագահի հայտարարությունների տեքստում։

Սի Ցզինպինը նաև նշել է, որ Չինաստանը հաստատակամորեն հավատարիմ է Ռուսաստանի հետ ռազմավարական համագործակցության ամրապնդման ընդհանուր կուրսին։

Բացի այդ, երկու երկրների ղեկավարների միջև տեղի է ունեցել «մտքերի խորը փոխանակում ուկրաինական հարցի շուրջ»։ Չինաստանի ղեկավարն ընդգծել է, որ երկրների մեծ մասն աջակցում է լարվածության թուլացմանը, կողմ է խաղաղ բանակցություններին, ինչպես նաև «դեմ է կրակի վրա յուղ լցնելուն», ասել են ՌԴ ԱԳՆ-ում։ Նախարարության տվյալներով՝ Սի Ցզինպինը վստահեցրել է Պուտինին, որ «Չինաստանը կշարունակի կառուցողական դեր խաղալ ուկրաինական հարցի քաղաքական կարգավորմանը նպաստելու գործում»։

Մարտի 20-ից մարտի 22-ը Չինաստանի Ժողովրդական Հանրապետության Նախագահը ՌԴ նախագահի հրավերով պետական ​​այցով գտնվում է Ռուսաստանում։

Այս թեմայով Շվեդ ամուսիններին թույլ չեն տվել իրենց երեխային անվանել «Պուտին» Մակրոնը Պուտինի որոշումը համեմատել է ՆԱՏՕ-ի համար ուժեղ էլեկտրաշոկի հետ Վահան Քերոբյանը 5 օրով մեկնում է Չինաստան Պուտինն ու Զելենսկին Էրդողանի երդմնակալությունից հետո կայցելեն Թուրքիա. Hurriyet Ռուսաստանն ու Ադրբեջանը խորհրդակցություններ են անցկացրել Պուտինը մեկնաբանել է Մոսկվայի վրա անօդաչու թռչող սարքի հարձակումը Պուտինն ու Էրդողանը հեռախոսազրույց են ունեցել Պուտինը շնորհավորել է Էրդողանին՝ Թուրքիայի նախագահի պաշտոնում վերընտրվելու կապակցությամբ ՀՀ-ում ՌԴ Հարավային ռազմական օկրուգի վերանորոգման ստորաբաժանումները վարժանքներ կանցկացնեն Մոսկվայում մեկնարկել է Փաշինյան-Ալիեւ-Պուտին հանդիպումը