Մեկնարկում է սփյուռքահայ պատանիների «Քայլ դեպի տուն» ծրագիրը

ՀՀ սփյուռքի գործերի գլխավոր հանձնակատարի գրասենյակը մեկնարկել է «Քայլ դեպի տուն» 2023 երկշաբաթյա ծրագրի հայտադիմումների ընդունումը:

Ծրագիրը հնարավորություն է տալիս սփյուռքի 13-18 տարեկան պատանիներին ժամանել Հայաստան, բացահայտել իրենց հայրենիքը և ամրապնդել ազգային ինքնությունը:

«Քայլ դեպի տուն»-ն այս տարի կընդունի 600 սփյուռքահայ պատանիների և կանցկացվի հունիսի 19-ից օգոստոսի 26-ը՝ 5 փուլով:

Ծրագիրը ներառում է հայոց լեզվի (արևելահայերեն, արևմտահայերեն), հայրենագիտության, ազգային երգ ու պարի դասընթացներ, ճանաչողական այցելություններ Հայաստանի պատմամշակութային վայրեր, թանգարաններ, կրթական հաստատություններ, հանդիպումներ պետական, հասարակական, մշակույթի և արվեստի գործիչների հետ, մարզական և մշակութային միջոցառումներ:

Ծրագրի հայաստանյան մասի բոլոր ծախսերը հոգում է ՀՀ կառավարությունը: Ծրագրին մասնակցել կարող են սփյուռքահայ այն պատանիները, ովքեր նախորդ տարիներին չեն մասնակցել «Արի տուն» և «Քայլ դեպի տուն» ծրագրերին, ինքնուրույն կարող են հոգալ Հայաստան ժամանման և մեկնման տրանսպորտային ծախսերը և ձեռք բերել երկշաբաթյա տուրիստական ապահովագրություն:

Հայտադիմումները լրացնելու համար պետք է այցելել ՀՀ սփյուռքի գործերի գլխավոր հանձնակատարի գրասենյակի պաշտոնական կայքէջ, և լրացնել հայտադիմումները մինչ մայիսի 10-ը:

Հարցերի դեպքում անհրաժեշտ է կապ հաստատել հետևյալ կոնտակտային տվյալներով՝ հեռ.՝ +374 10 515-517, +374 10 515-514, +374 99 811 083 (WhatsApp, Viber), էլ. փոստի հասցե՝ [email protected]:

Այս թեմայով Իսկապե՞ս, համեստ բնակարանը ո՞րն ա, ես կարող եմ հիփոթեկով տուն վերցնել. Արայիկ Հարությունյան Լաչինի միջանցքի շրջափակման պատճառով շուրջ 550 երեխա զրկվել է տուն վերադառնալու իրավունքից․ Արցախի ՄԻՊ Ստորագրվել է Հայաստանի և Թուրքմենստանի միջև մշակույթի բնագավառում 2023-2025 թթ համագործակցության ծրագիրը Դեպի բարեկեցիկ և ավելի անվտանգ ապագա ճանապարհին ԱՄՆ-ն ձեր կողքին է. ՀՀ-ն պայծառ կետ է տարածշրջանում. ԱՄՆ դեսպան Գյումրիում չոր նավահանգիստ և ինդուստրիալ պարկ հիմնելու ծրագիրը հաջողությամբ առաջ կընթանա. Քերոբյան Մեկնարկում է Հայաստան-Լատվիա հանդիպման տոմսերի առցանց վաճառքը Քննարկվել է Չինաստանից դեպի Հայաստան ուղիղ չվերթերի գործարկման հնարավորությունները Որևէ մեկին չթվա՝ իշխանությունը մեկ քայլ կանի, որով կփակի ԼՂ ժողովրդի իրավունքի իրացումը Որպես Աշոտի հայր բավարարված եմ, որ կալանքի տակ է գտնվում հերոսի նկատմամբ քայլ կատարածը (տեսանյութ) Նրանց բոլորին միավորում է սերը դեպի այս իշխանություն և ատելությունն առ Արցախ և նախկին իշխանություններ․ Ղազինյան