Հաստատվել են մագիստրոսի կրթական ծրագրով ընդունելության տեղերը. ԿԳՄՍՆ

ՀՀ կառավարության որոշմամբ հաստատվել են բուհերի 2023/2024 ուսումնական տարվա` պետության կողմից ուսանողական նպաստների ձևով ուսման վարձի լրիվ փոխհատուցմամբ (անվճար), առկա ուսուցմամբ, մագիստրոսի կրթական ծրագրով ընդունելության տեղերը:

ԿԳՄՍՆ-ից հայտնում են, որ ըստ այդմ՝ ուսման վարձի լրիվ փոխհատուցմամբ (անվճար), առկա ուսուցմամբ, մագիստրոսի կրթական ծրագրով ընդունելությանը հատկացվել է 1271 տեղ, որից 1014-ը՝ պետական բարձրագույն ուսումնական հաստատություններին: Պահուստային տեղերի քանակը՝ 14 տեղ:

Ընդունելության տեղերը ձևավորելիս հաշվի է առնվել ՀՀ կառավարության 2021-2026 թվականների ծրագիրը, համաձայն որի՝ պետության համար առաջնային և կարևորություն ունեցող ոլորտները պետք է ապահովել համապատասխան որակավորմամբ մասնագետներով: Մասնավորապես՝ տեղեր են հատկացվել համակարգչային  գիտությունների, մաթեմատիկայի, ֆիզիկական գիտությունների, ճարտարագիտության, կենսաբանական գիտությունների ոլորտներին:

Մագիստրատուրայի ընդունելության տեղերը նախագծվել են` հիմք ընդունելով բուհերի կողմից ներկայացված հայտերը, աշխատաշուկայում առկա պահանջարկը, նախորդ ուսումնական տարիներին, ըստ մասնագիտությունների, մագիստրոսի կրթական ծրագրով փաստացի ընդունելության ցուցանիշները, բակալավրիատի (ըստ մասնագիտությունների և կրթական ծրագրերի) բարձր առաջադիմություն ունեցող շրջանավարտների թիվը, ինչպես նաև լիցենզիայով բուհերին հատկացված տեղերի քանակը:

Նշենք, որ մագիստրոսի կրթական ծրագրով ընդունելության կազմակերպումը հետապնդում է երկու նպատակ՝ աշխատաշուկայի պահանջներին համապատասխան նեղ մասնագիտական գիտելիքներով կադրերի պատրաստում, որոնք ուսումն ավարտելուց հետո հիմնարար գիտելիքներով աշխատանքի կանցնեն համապատասխան ոլորտում և մասնագետների պատրաստում, որոնք հետագայում իրենց կրթությունը կշարունակեն ավելի բարձր կրթական աստիճանում՝ ասպիրանտուրայում: 

Այս թեմայով Հաստատվել է մանկապարտեզի տնօրենի ղեկավարման իրավունքի համար հավակնորդների քննության ժամանակացույցը Լեռնային Ղարաբաղից բռնի տեղահանված երեխաները պետք է արագ ընդգրկվեն ուսումնական գործընթացում. քննարկում ԿԳՄՍՆ-ում Պարտադիր զինծառայության զորակոչից տարկետման փաստաթղթերի ներկայացման վերջնաժամկետը 2023 թ. հոկտեմբերի 31-ն է. ԿԳՄՍՆ Ադրբեջանի զինված ուժերը հաստատվել են Ստեփանակերտի երկու թաղամասերում՝ Արմենավան, նախկին՝ Կրկժան, և Աջափնյակ. Հակոբյան Խուճապային տրամադրությունների մի տրվեք․ Արցախում դասերն ընթանում են կանոնավոր հունով․ ԱՀ ԿԳՄՍՆ ԿԳՄՍՆ-ն ներկայացրել է դպրոցներում ուսումնական խմբակների ձևավորման կարգը ԿԳՄՍՆ-ն հրապարակել է 7-րդ դասարանի դասագրքերի և ուսումնական նյութերի հղումները Հայաստանում ներդնում ենք միջազգային լավագույն փորձին համապատասխան ռեզիդենտուրայի կրթական ծրագիրը Ինչպես վարել էլեկտրոնային մատյանները. ԿԳՄՍՆ-ն շրջաբերական գրություն է ուղարկել ՀՀ դպրոցներ Ձե՞ռք եք առնում մեզ, հետ բերեք դպրոցի թղթային մատյանները․ ուսուցիչների բողոքի ակցիան ԿԳՄՍՆ-ի դիմաց