Թուրքիայի նախագահի թեկնածու է առաջադրվել Էրդողանի հակառակորդ Քըլըչդարօղլուն

Թուրքիայի Ժողովրդահանրապետական ​​կուսակցության առաջնորդ Քեմալ Քըլըչդարօղլուն պաշտոնապես դարձել է երկրի նախագահի թեկնածու։ Նրան աջակցում են թուրքական ընդդիմադիր վեց կուսակցություններ, որոնք հույսը դնում են Քըլըչդարօղլուի վրա՝ երկրի գործող ղեկավար Ռեջեփ Թայիփ Էրդողանին հաղթելու համար։

Թուրքական TRT Haber-ի փոխանցմամբ՝ Թուրքիայի Կենտրոնական ընտրական հանձնաժողովը հարցեր չի ունեցել Քըլըչդարօղլուի և նրան առաջադրած կուսակցությունների ներկայացրած փաստաթղթերի վերաբերյալ։ Այժմ քաղաքական գործիչն իրավունք ունի նախընտրական արշավ սկսել։

Ավելի վաղ Ռեջեփ Թայիփ Էրդողանը պաշտոնապես գրանցվել էր` որպես Թուրքիայի նախագահի թեկնածու։ Երկրի ներկայիս ղեկավարին առաջադրել է Հանրապետական ​​դաշինք կուսակցությունը։ Ներկայումս 13 քաղաքական գործիչներ հայտարարել են նախագահի պաշտոնի համար պայքարելու իրենց ցանկության մասին։

Daily Sabah-ի փոխանցմամբ՝ այժմ նախագահական ընտրությունների գլխավոր ֆավորիտներն են Ռեջեփ Թայիփ Էրդողանն ու Քեմալ Քըլըչդարօղլուն։ Սոցիոլոգիական հարցումների համաձայն՝ գործող նախագահը առայժմ մի փոքր առավելություն ունի։ Էրդողանն առաջին փուլում կարող է ստանալ ձայների 52%-ը, իսկ Քըլըչդարօղլուն՝ 47%-ը։

Թուրքիայի նախագահական ընտրությունները նշանակված են մայիսի 14-ին։ Որոշվել է չհետաձգել քվեարկության օրը` չնայած փետրվարի սկզբին Թուրքիայում տեղի են ունեցել ավերիչ երկրաշարժեր, որոնք խլել են ավելի քան 50 հազար մարդու կյանք։ Հարավարևելյան մի շարք շրջաններում քվեարկությունը տեղի կունենա ծայրահեղ պայմաններում։ Թուրքիայում նախագահական ընտրությունների հետ միաժամանակ կանցկացվեն խորհրդարանական ընտրություններ։

Այս թեմայով Նախագահի նստավայրում տեղի է ունեցել փոքրիկ ստեղծագործողների ցուցահանդես Էրդողանը Թուրքիայի Ազգային մեծ ժողովում երդվել է և 5 տարով ստանձնել նախագահի պաշտոնը Փաշինյանը գնացել է Անկարա, որ անձամբ Էրդողանի թրի տակով անցնի․ պատգամավոր Թուրքիայի նախագահի երդմնակալությանը կմասնակցեն աշխարհի ավելի քան 80 երկրների ներկայացուցիչներ. Փաշինյանը պատվավոր հյուրերի ցանկում է 16-ամյա պատանուն ծեծի ենթարկած Դիլիջանի քրեականի պետին մեղադրանք է առաջադրվել. դատախազություն 2 արգելքից հետո Փաշինյանին տեղափոխող ինքնաթիռին թույլատրվել է մտնել Թուրքիայի օդային տարածք․ «Հետք» Որքա՞ն գումար են ծախսել վարչապետի, ԱԺ նախագահի և ՀՀ նախագահի աշխատակազմերը 2022-ին Նիկոլ Փաշինյանը ԵԽԽՎ հանձնաժողովի նախագահի տեղակալի հետ քննարկել է Լաչինի միջանցքի արգելափակումը Կարեն Թամազյանը` ՊԵԿ նախագահի տեղակալ Հայաստան է ժամանել Սլովենիայի ԱԺ նախագահը․ հանդիպումներ կունենա ՀՀ նախագահի, վարչապետի հետ