Մոսկվայում քննարկվել է ՌԴ-ի, ՀՀ-ի և Ադրբեջանի ԱԳ նախարարների եռակողմ հանդիպում անցկացնելու հարցը․ Միրզոյան

Առաջիկայում հնարավոր է, որ Հայաստանի, Ադրբեջանի և Ռուսաստանի արտաքին գործերի նախարարների միջև հանդիպում տեղի ունենա: Այս մասին այսօր՝ մարտի 22-ին, Ազգային ժողովում հայտարարեց ՀՀ ԱԳ նախարար Արարատ Միրզոյանը:

«Բնականաբար, այդ թեման քննարկվել է։ Անցած տարի դեկտեմբերի 23-ին նախատեսված էր այդպիսի եռակողմ հանդիպում՝ իմ, Ադրբեջանի և Ռուսաստանի արտաքին գործերի նախարարների միջև, հանդիպումը պետք է տեղի ունենար Մոսկվայում, բայց հայկական կողմը չմասնակցեց, մենք հետաձգեցինք մեր մասնակցությունը այդ հանդիպմանը, որովհետև Լաչինի միջանցքը ապօրինի կերպով փակվել էր Ադրբեջանի կողմից։ Լեռնային Ղարաբաղում և սննդամթերքի, և դեղորայքի, և մնացած առաջին անհրաժեշտության ապրանքների շատ սուր կարիք կար։ Պարզ է, որ բանակցությունները ընթանում են այս պահին հեռավար տեսքով, որովհետև փոխանակվում ենք մեր առաջարկներով, մեր պատկերացումներով խաղաղության պայմանագրի վերաբերյալ, բայց ենթադրվում է, որ ինչ-որ փուլից պետք է նաև վերսկսվեն ֆիզիկական հանդիպումները և քննարկումները։ Այո, այդ թեման քննարկվել է Մոսկվայում, և այդպիսի հանդիպման հնարավորություն առաջիկայում կա»,-  նշեց Միրզոյանը։

Այս թեմայով Ժամանակին կոլխոզների որոշումով արված սահմանազատումները հիմք չեն կարող լինել. Միրզոյան ՀՀ-Ադրբեջան հարաբերությունների կարգավորման գործընթացին ԵՄ-ն ջանքեր է ներդնում. Միրզոյան Ունենք մտահոգություններ, որ կանխամտածված կերպով փորձ է արվում ՀՀ-ից նորանոր տարածքներ պոկել. Միրզոյան Հայաստանի իշխանությունները պետք է փորձեն ապահովել Ստեփանակերտ-Բաքու երկխոսության մեխանիզմն ու հարթակը․ Միրզոյան Ճիշտ է՝ Ալիևը հրապարակավ չի ասել՝ ճանաչում է ՀՀ 29 800 քկմ տարածքը, բայց չի առարկել. Միրզոյան ԱԳ նախարար Արարատ Միրզոյանը ԱԺ-ում ներկայացնում է 2022-ի բյուջեի կատարողականը «Ժողովուրդ». Արարատ Միրզոյանը կգնա խորհրդարան. ՔՊ-ականները սպասում են Հայաստանի և Ադրբեջանի ԱԳ նախարարները ոչ պաշտոնական հանդիպում են անցկացրել Արարատ կատարած այցի ժամանակ Արամ Հովհաննիսյանը քննարկել է ծառայողական կարգապահության մասին հարցեր Խաղաղության առաջընթացի համար կարևոր է Ադրբեջանի կողմից իր պարտավորությունների կատարումը․ Միրզոյան