«30 տարի հայրենիքին ամեն ինչ տված զինվորականին վարկաբեկելը ոչ այլ ինչ է, քան հարված բանակի հիմքերին»
Բլոգոսֆերա
ԱԺ «Պատիվ ունեմ» խմբակցության քարտուղար Տիգրան Աբրահամյանը․
«Արդեն 7 ամիս է՝ կալանքի տակ է ՊԲ նախկին հրամանատար, ԶՈւ-ում տարբեր հրամանատարական պաշտոններ զբաղեցրած Միքայել Արզումանյանը:
Նրա կալանավորման իշխանական դրդապատճառների մասին շատ է խոսվել, սակայն վերջին ասուլիսում նրա անունն անուղղակի շահարկվեց 5-րդ շարասյան բացահայտումների համատեքստում` նշելով, որ հողեր հանձնելու թեմայով` Շուշիի գործով, բարձրաստիճան զինվորական կա կալանավորված:
Գեներալ Արզումանյանը ՊԲ հրամանատարի առաքելությունը ստանձնեց պատերազմի վերջին տասնօրյակում, երբ իրավիճակը բոլոր ուղղություններում չափազանց ծանր էր:
Այդպիսի իրավիճակում ամեն մարդ ՊԲ հրամանատարությունը չէր ստանձնի և այս պայմաններում Արզումանյանի անունը նույնիսկ անուղղակի ձևով դավաճանության հետ կապելը, պարզապես բխում է այս իշխանության անբարոյական հետագծից:
Արզումանյանի անձի հետ կապված հազար հարց ու խնդիր կարելի է քննարկել, սակայն նրա նվիրվածությունն ու անմնացորդ ծառայությունը Հայաստանին ու Արցախին քննարկելի չէ:
Դատարանի վճռի բացակայության, փաշինյանական անփառունակ արդարադատության պայմաններում, ՊԲ ակունքներում գտնվող և 3 տասնամյակ հայրենիքին ամեն ինչ տված զինվորականին վարկաբեկելը, ծանր հանցագործության մեջ մեղադրելը, ոչ այլ ինչ է, քան ուղիղ հարված բանակի հիմքերին, զինվորականներին և բոլոր այն անձանց, ովքեր նվիրական ծառայություն են կրել ու կրում հայկական բանակում:
Ձեր ուզած ցուցմունքները չի՞ տվել, չի՞ համաձայնել «համագործակցել» հայրենիքի հանձնման գործում, թե՞ ուղղակի սկզբունքային է, չկոտրվող ու դա է ձեզ հունից հանում:
44-օրյա պատերազմի բոլոր դրվագները պետք է խոշորացույցով ուսումնասիրվեն ու յուրաքանչյուրն իր մաս պատասխանատվությունը կրի հայրենիքի կորուստի և հազարավոր զոհերի համար, սակայն դա պետք է իրականացվի օբյեկտիվ, բազմակողմանի քննության, այլ ոչ թե փաշինյանական համակարգի սցենարային ու նախապես գրված «եզրակացություններով»»:
Մեծերիս պարտքն է անել ամեն ինչ, որ երեխաներն ապրեն, մեծանան և իրացնեն իրենց կարողությունները
«Պատիվ ունեմ»-ի նախընտրական շտաբի պետը ընտրակաշառք տալու համար դատապարտվել է 4 տարի ազատազրկման
Կապան-Աղվանի-Տաթև ճանապարհը 2 տարի անընդմեջ «հիմնանորոգում» են ու ամեն անգամ անելուց հետո խայտառակ վիճակ է
Կարելի էր ուղղակի բանակի գեներալների վրա ցեխ չշպրտել, դրանով հեղինակությունը բարձրացնել. Մանուկյան
Հայտնի է՝ երբ այս տարի կնշվի Վարդավառը
Այս տարի ճակատագրական է. դուրս ենք շպրտելու ներքին և արտաքին թշնամուն
Տեր ենք մեր հայրենիքին․ ՀՅԴ-ն պետականության վերականգման 105-ամյակի առթիվ կազմակերպում է միջոցառում
Դու ո՞վ ես, ինչո՞ւ չես հեռանում, որ ամեն օր չտեսնենք պարտված դժգույն դեմքդ. Վարդանյանը՝ Փաշինյանին
Էս մարդը տալու է ամեն ինչ և բերելու է պատերազմ, իսկ մյուսներս ի՞նչ ենք անում սպասվող արհավիրքից առաջ
«Не то, Марта, не то». Վլ. Վարդանյանը դժգոհեց դատավորի թեկնածուի տված պատասխանից
Ամենադիտված 
Բրիտանացի գիտնականները վերջապես պարզեցին, որ Նիկոլը պարոն գնդապետենցն ա․ Արման Դավթյան
