ԵԽԽՎ-ի հանձնաժողովն Ադրբեջանին հորդորել է անհապաղ կատարել Արդարադատության միջազգային դատարանի որոշումը

ԵԽԽՎ-ի իրավական և մարդու իրավունքների հարցերով հանձնաժողովն Ադրբեջանին կոչ է արել անհապաղ կատարել Լաչինի միջանցքը բացելու վերաբերյալ Արդարադատության միջազգային դատարանի որոշումը: Այս մասին հաղորդում է «Արմենպրես»-ը՝ վկայակոչելով ԵԽԽՎ-ի հանձնաժողովի տարածած հայտարարությունը:

Հայտարարությունում նշվում է, որ Եվրոպայի խորհրդի խորհրդարանական վեհաժողովի իրավական հարցերով և մարդու իրավունքների հարցերով հանձնաժողովը մեծապես մտահոգված է Լաչինի միջանցքի շարունակվող արգելափակման պատճառով առաջացող հումանիտար ճգնաժամով:

«Այս միջանցքը կյանքի ճանապարհ է Լեռնային Ղարաբաղում և Հայաստանում ապրողների միջև» - գրում է հանձնաժողովը՝ աջակցություն հայտնելով ԵԽԽՎ-ի համազեկուցողների կողմից արված հրապարակային հայտարարությանը, որով կոչ է արվում շտապ գործողություններ ձեռնարկել և անհապաղ վերջ դնել Լաչինի միջանցքի անօրինական շրջափակմանը:

«Հանձնաժողովը նաև կոչ է անում Ադրբեջանի իշխանություններին անհապաղ իրականացնել միջոցառումները՝ հասցեագրված Արդարադատության միջազգային դատարանի կողմից 2023 թ. փետրվարի 22-ին և Մարդու իրավունքների եվրոպական դատարանի կողմից 2022 թ. դեկտեմբերի 21-ին, որոնց որոշումներում նշվում էր 2020 թ. նոյեմբերի 9-ին ստորագրված եռակողմ հայտարարությամբ Ադրբեջանի ստանձնած պարտավորությունը՝ «երաշխավորելու Լաչինի միջանցքով երկու ուղղություններով մարդկանց, տրանսպորտային միջոցների և բեռների տեղաշարժի անվտանգությունը» (Եռակողմ հայտարարության 6-րդ հոդված)», - նշվում է հայտարարությունում:

ԵԽԽՎ-ի իրավական հարցերով և մարդու իրավունքների հարցերով հանձնաժողովը նաև վկայակոչում է այս հարցին առնչվող միջազգային այլ հայտարարություններ՝ ուղղված Ադրբեջանի իշխանություններին:

Այս թեմայով Հունահռոմեական ոճի ըմբիշները 3 ոսկե, 4 արծաթե և 9 բրոնզե մեդալ են նվաճել միջազգային հուշամրցաշարում Այսօր երեխաների պաշտպանության միջազգային օրն է ՄԻՊ-ն ու ԵԽԽՎ պատգամավորը քննարկել են Լաչինի միջանցքի շրջափակման հետևանքով ստեղծված իրավիճակը Նախագահն ու Մոնղոլիայի դեսպանը խոսել են միջազգային հարթակում երկու երկրների համագործակցության մասին Նիկոլ Փաշինյանը ԵԽԽՎ հանձնաժողովի նախագահի տեղակալի հետ քննարկել է Լաչինի միջանցքի արգելափակումը ՄԻԵԴ-ը Ադրբեջանին մինչև հունիսի 6-ը ժամանակ է տվել հայ զինվորների մասին տեղեկություն հայտնելու համար Հաշվի առնելով Բաքվի օրեցօր սաստկացող հռետորաբանությունը՝ միջազգային հասցեական գնահատականի կարիք կա ԵՄ-ն ի վիճակի է իր խոստումները կատարել, 87 նոր ավտոբուսներ արդեն Երևանում են. Անդրեա Վիկտորին Միջազգային կառույցները պետք է սատարեն Արցախի ժողովրդի ինքնորոշման իրավունքի իրացմանը․ ՀԲԸՄ կոչը ՄԻՊ-ը միջազգային կառույցներին կոչ է անում ջանքեր գործադրել առևանգված զինվորներին վերադարձնելու համար