Ստեփանակերտը Բաքվի հետ բանակցային գործընթացը հնարավոր է համարում միայն միջազգային ձևաչափում

Արցախում Ստեփանակերտի ու Բաքվի միջև բանակցային գործընթացը հնարավոր են համարում միայն ու միայն միջազգային ձևաչափում ու ստանձնած պարտավորությունների կատարման երաշխիքների առկայության պայմաններում, այս մասին ասաց Արցախի ԱԳ նախարար Սերգեյ Ղազարյանը Ադրբեջանի կողմից Արցախի շրջափակման 100-րդ օրվա կապակցությամբ կազմակերպված ասուլիսում՝ անդրադառնալով հարցին, թե ո՞ր դեպքում Բաքու- Ստեփանակերտ հանդիպումները կարող են դառնալ բանակցություն:

Սերգեյ Ղազարյանը հիշեցրեց, որ 44-օրյա պատերազմից հետո ռուս խաղաղապահների միջնորդությամբ Բաքվի և Ստեփանակերտի միջև տեղի են ունեցել հանդիպումներ՝ կապված տարբեր հումանիտար, տեխնիկական հարցերի հետ: Ընդ որում, ադրբեջանական կողմը փորձել է խեղաթյուրել վերջին հանդիպման օրակարգը:

«Սակայն այդ հանդիպման նպատակը կայանում էր նրանում, որ քննարկվեին ապաշրջափակման իրավիճակով պայմանավորված էլեկտրամատակարարման, գազամատակարարումների խափանման հետ կապված հարցերը: Ադրբեջանական կողմի հանդիպման օրակարգը խեղաթյուրելու փորձերն անընդունելի են: Սակայն միևնույն ժամանակ մենք, ռուսական խաղաղապահների միջնորդությամբ, նույն ձևաչափով պատրաստ ենք նշված հարցերի լուծման համար հանդիպումներ ունենալ»,-ասաց Ղազարյանը:

Իսկ ինչ վերաբերում է լիարժեք բանակցային գործընթացին՝ նախարարն ասաց. «Բազմիցս նշել ենք, որ միայն ու միայն միջազգային ձևաչափում կարող են տեղի ունենալ նման հանդիպումներ: Հիմնավորումները բավականին պարզ են»:

Նա նկատեց՝ եթե անգամ ԵԱՀԿ Մինսկի խմբի ձևաչափում ընթացող բանակցություններով ձեռքբերված բանակցություններն Ադրբեջանը խախտեց, ինչպե՞ս կարող է երկկողմ ձևաչափով ձեռք բերված պայմանավորվածությունները չխախտել: «Միայն միջազգային ձևաչափով և նման գործընթացի կարևորագույն բաղադրիչը պետք է լինեն ստանձնած պարտավորությունների կատարման երաշխիքները»,-ասաց ԱԳ նախարարը:

Այս թեմայով Երկու առևանգված հայ զինծառայողների հարցով դիմել եմ միջազգային կառույցներին՝ ազատ արձակելու համար Սպասվում է կարճատև անձրև և ամպրոպ, առանձին հատվածներում հնարավոր է կարկուտ ԱԺ այգին միայն այսօր բաց կլինի. Ալեն Սիմոնյանը կարծում է՝ ընդդիմադիրներն այգին կօգտագործեն քաղաքական նպատակներով Այսօր ակնհայտ է, որ արվող քայլերը հնարավոր պատերազմը առնվազն հետաձգում են. Ալեն Սիմոնյան Հունահռոմեական ոճի ըմբիշները 3 ոսկե, 4 արծաթե և 9 բրոնզե մեդալ են նվաճել միջազգային հուշամրցաշարում Խարդախությունները վերացնելու համար հարկատուները պետք է ներկայացնեն միայն իրենց բանկային հաշիվը Ավտոմատացվել է կատարողական վարույթներով կատարված վճարումների մշակման գործընթացը Այն, որ Վաշինգտոնում դրական լույսի ներքո են արձագանքում Բաքվի թաքնված շանտաժին, հղի է ծանր հետևանքներով. Աբրահամյան Այսօր երեխաների պաշտպանության միջազգային օրն է Նախագահն ու Մոնղոլիայի դեսպանը խոսել են միջազգային հարթակում երկու երկրների համագործակցության մասին