Մրգավետ բնակավայրի ղեկավարը կեղծ դիպլոմ է ձեռք բերել և օգտագործել․ նրան մեղադրանք է առաջադրվել

ՀՀ ՔԿ Արարատի մարզային քննչական վարչությունում ավարտվել է Արտաշատ համայնքի Մրգավետ վարչական բնակավայրի ղեկավարի կողմից կեղծ դիպլոմ ձեռք բերելու և օգտագործելու դեպքի առթիվ նախաձեռնված քրեական վարույթի նախաքննությունը:

Ավելի վաղ ՀՀ քննչական կոմիտեն տեղեկացրել էր, որ ըստ քննությամբ ձեռք բերված փաստական տվյալների՝ Արտաշատ համայնքի Մրգավետ վարչական բնակավայրի ղեկավար Գ.Ս.-ն, իմանալով, որ «Տեղական ինքնակառավարման մասին» ՀՀ օրենքով սահմանված կարգով, 1000-ից ավելի հաշվառված բնակիչ ունեցող բնակավայրի վարչական ղեկավարը պետք է ունենա բարձրագույն կրթություն, ձեռք է բերել Ռուսաստանի Դաշնության գյուղատնտեսության նախարարության «Կ.Ա.Տիմիրյազևի անվան ՄԳՏԱ-Ռուսաստանի պետական ագրարային համալսարան»-ի դիպլոմ: Այնուհետև այն փաստաթղթաշրջանառության մեջ դնելով՝ ներկայացրել է Արտաշատ համայնքի ղեկավարին և վերջինիս 2021 թվականի դեկտեմբերի 24-ի որոշմամբ նշանակվել ու մինչ օրս հանդիսանում է Մրգավետ բնակավայրի վարչական ղեկավար:

Մինչդեռ քննությամբ պարզվել է, որ Գ.Ս.-ն չի ուսանել «Մոսկվայի Կ.Ա.Տիմիրյազևի անվան գյուղատնտեսական ակադեմիա» Դաշնային պետական կրթական հաստատությունում և նրա անձնական գործերում եղած՝ համապատասխան սերիայի դիպլոմ, կոնկրետ գրանցման համարով, նշված բուհի կողմից չի տրվել:

Ձեռք բերված փաստերի հիման վրա Արտաշատ համայնքի Մրգավետ վարչական բնակավայրի ղեկավարին մեղադրանք է ներկայացվել ՀՀ քրեական օրենսգրքի 457-րդ հոդվածի 1-ին մասով։

Նրա նկատմամբ խափանման միջոցներ են կիրառվել բացակայելու արգելքը և պաշտոնավարման կասեցումը:

Նախաքննությունն ավարտվել է, և վարույթի նյութերը մեղադրական եզրակացությամբ ուղարկվել են դատարան:

Ծանուցում. հանցանքի համար մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի օրինական ուժի մեջ մտած դատավճռով:

Այս թեմայով Սյունիքի մարզպետի դիպլոմը և՞ս կեղծ է․ Մելիքսեթ Պողոսյանը փորձում է հերքել փաստերը 10-ամյա տղան փրկել է ջրանցքում հայտնված քաղաքացու կյանքը. նրան շնորհվել է խիզախության մեդալ և դիպլոմ ՍԴ դատավոր կարող է դառնալ մագիստրատուրայի դիպլոմ չունեցող, բայց 15 տարվա փորձ ունեցող անձը. Արթուր Դավթյան Ռազմիկ Տոնոյանը մարզպետի տեղակալի պաշտոնից ազատվել է կեղծ դիպլոմ ներկայացնելու պատճառով Փաշինյանի՝ դիպլոմ կեղծած ազգականի խափանման միջոց ընտրվեց չհեռանալու մասին ստորագրությունը Կեղծ դիպլոմը ինքն է սարքել. «Ժողովուրդ» «Իրատես». Դիպլոմ կեղծած ՔՊ-ականին Փաշինյանը չի ներել Շրի Լանկայի բժշկական խորհուրդը կճանաչի ԵՊԲՀ դիպլոմը «Սպանելու լիցենզիա». Հայաստանից արաբներին բժշկի 40 կեղծ դիպլոմ են տվել Ուսանողուհին ամուսնացել է իր դիպլոմի հետ