Մոսկվայի բնակչին բերման են ենթարկել մզկիթի շինհրապարակում խոզի գլուխ թաղելու կասկածանքով

Մոսկվայում բերման են ենթարկել կառուցվող մզկիթի տարածքում խոզի գլուխ թաղած տղամարդուն, հայտնում է  «Осторожно, Москва»-ն։

Միջադեպը տեղի է ունեցել մայրաքաղաքի արևելքում գտնվող Կոսինո-Ուխտոմսկի շրջանում։ Պարզվել է, որ վերջերս այն տարածքում, որտեղ մեծ մզկիթի կառուցման աշխատանքներ են ընթանում, մի տղամարդ խոզի գլուխ է թաղել։ Նա այդ արարքը կատարել է մարտի 14-ի երեկոյան:

Ավելի ուշ սոցցանցերում հրապարակված տեսանյութում տեղի ունեցածի հեղինակը խնդրել է այդ արարքը դիտարկել որպես բողոքի նշան։ Տեսանյութն ավարտվում է այն հայտարարությամբ, որ արարքը կատարված է։ Հայտնի է, որ տեղի բնակիչներից շատերը զանգվածաբար դեմ են արտահայտվել թաղամասում մզկիթի կառուցմանը։

Տղամարդը հայտնաբերվել և ձերբակալվել է։

Ոստիկանության աշխատակիցներն արդեն պարզել են, որ հենց նա է մասնակցել տեսանյութի նկարահանմանն ու մզկիթի շինհրապարակի պղծմանը, որը նա իրականացրել է իր ծանոթի հետ։

Ներկա պահին իրավապահները ստուգում են հավատացյալների զգացմունքները վիրավորելու փաստը։

Այս թեմայով Աֆղանստանում կրկին մզկիթ են պայթեցրել․ բազմաթիվ զոհեր կան Ադրբեջանցի պատգամավորները Երևանում այցելել են Կապույտ մզկիթ ու այն անվանել «ադրբեջանական» Մզկիթ՝ Ստեփանակերտում Էրդողանն իր էջում տեղադրել է Կարսի հայկական Առաքելոց եկեղեցին որպես մզկիթ Ավստրիայում կփակվեն «արմատական մզկիթները» Ադրբեջանի հարվածից վնասվել է Շուշիի իրանական «Գոհար Աղա» մզկիթի պատը Ստամբուլում Սուրբ Սոֆիայի տաճարը գրանցվել է որպես մզկիթ․ Anadolu Եթե հարձակումը եկեղեցու փոխարեն մզկիթի վրա լիներ, լուռ կմնայի՞ք․ Փայլան Երևանի Թափաբաշի մզկիթի արտաքին պատի քարերը թուլացել են և թափվել Չեչնիայում բացվել Է Եվրոպայի ամենամեծ մզկիթը