Կինը գնացել է փայտ հավաքելու ու մահացել է ընձառյուծի բերանում

Հնդկաստանի Օդիշա (Օրիսա) նահանգի Սունաբեդա քաղաքի մերձակայքում գտնվող արգելոցում ընձառյուծը հոշոտել է մի կնոջ, ով գնացել էր փայտ հավաքելու: Այս մասին հայտնում է Outlook India-ն։

Արգելոցի մոտ գտնվող գյուղից 65-ամյա Սանամաթի Բարիիկը անտառ էր գնացել փայտ հավաքելու համար։ Հանկարծ մի խոշոր գիշատիչ հարձակվել է կնոջ վրա և քարշ տալով նրան տարել։ Կենդանու հարձակման հետեւանքով կինը մահացել է։

Երբ հնդիկ կինը տուն չի վերադարձել, նրա հարազատները խուզարկություն են կազմակերպել։ Առավոտյան նրանք ջունգլիներում գտել են նրա մասնակի կրծոտված մարմինը։

Ի սկզբանե, ելնելով կնոջը հասցված վնասվածքների բնույթից, ենթադրվում էր, որ կնոջ վրա հարձակվել է բենգալյան վագրը, սակայն ավելի ուշ պարզվել է, որ հնդկուհուն սպանել է ընձառյուծը, քանի որ բենգալյան վագրերի առկայությունն այդ անտառում չի հաստատվել։

Կնոջ ընտանիքին փոխհատուցում կտրվի։ Անտառների պահպանության վարչության աշխատակիցները տեղի բնակիչներին խորհուրդ են տվել չմտնել անտառ։ 

Այս թեմայով Ուրախալի լուր. տեսախցիկները Կովկասյան ընձառյուծ են ֆիքսել (տեսանյութ) Կովկասյան ընձառյուծի ցերեկային զբոսանքն «Արփա» պահպանվող լանդշաֆտում (տեսանյութ) «Արևիք» ազգային պարկում տեսանկարահանող սարքերը կովկասյան ընձառյուծ են արձանագրել Ենոքավանում հայտնված կովկասյան ընձառյուծին շնորհվել է Ընծա անունը Ֆոտոբռնիչ սարքերը կրկին կովկասյան ընձառյուծ են արձանագրել «Արևիք» ազգային պարկում (լուսանկարներ) Հետաքրքիր փաստ Ենոքավանի ընձառյուծի անցած ճանապարհի մասին 50 տարվա դադարից հետո ընձառյուծը վերադարձել է Տավուշի մարզ․ ֆիքսել են WWF Հայաստանի տեսախցիկները Ինչպես է Կարմիր գրքում գրանցված ընձառյուծը զննում տեսախցիկը (տեսանյութ) Կովկասյան ընձառյուծի զբոսանքը «Արևիկ» ազգային պարկում Կովկասյան ընձառյուծը հերթական զբոսանքն է կատարել Խոսրովի արգելոցում