Նիկոլ Փաշինյանն ու Վրաստանի դեսպանը կարևորել են տարածաշրջանային կայունությունն ու խաղաղությունը

Նիկոլ Փաշինյանն այսօր ընդունել է Հայաստանում Վրաստանի նորանշանակ արտակարգ և լիազոր դեսպան Գիորգի Շարվաշիձեին: Այս մասին տեղեկանում ենք ՀՀ վարչապետի պաշտոնական կայքից։

Վարչապետը շնորհավորել է վրաց դիվանագետին՝ առաքելության մեկնարկի առթիվ և համոզմունք հայտնել, որ նա իր գործունեությամբ կխթանի հայ-վրացական փոխհարաբերությունների հետագա զարգացումը:

Գոհունակություն հայտնելով Հայաստան-Վրաստան համագործակցության ընթացքից՝ Նիկոլ Փաշինյանը կարևորել է տնտեսական կապերի առավել ընդլայնումը և առկա ներուժի լիարժեք իրացմանն ուղղված նախաձեռնությունները:

Վրաստանի նորանշանակ դեսպանը շնորհակալություն է հայտնել ջերմ խոսքերի համար և հավաստիացրել, որ պաշտոնավարման ընթացքում կներդնի առավելագույն ջանքերը՝ ի նպաստ հայ-վրացական կապերի առավել սերտացման:

Զրուցակիցները մտքեր են փոխանակել համագործակցության հեռանկարների շուրջ, անդրադարձել առևտրատնտեսական օրակարգին: Այս համատեքստում կարևորվել են գործարար շրջանակների միջև ակտիվ շփումները, փոխայցերը, ներդրումային ծրագրերում ներգրավվումը:

Հումանիտար կապերի ամրապնդման առումով նշվել է Հայաստանի և Վրաստանի քաղաքացիների համար փոխադարձ առանց մուտքի արտոնագրի ճամփորդելու մասին երկկողմ համաձայնագրի ստորագրման կարևորությունը:

Երկուստեք կարևորվել է տարածաշրջանային կայունությունն ու խաղաղությունը:

Այս թեմայով Փոխվարչապետը, Ավինյանն ու ԵՄ դեսպանը փորձարկում են ձեռքբերված ավտոբուսները Թուրքիայի սահման-Մարգարա-Վանաձոր-Տաշիր-Վրաստանի սահման ճանապարհ հատվածում նոր կամուրջ կկառուցվի Կարծում եմ, մեր հարևանն էլ պետք է դա գիտակցի և գնահատի այն քայլերը, որոնք անում եք Դուք և կառավարությունը․ նախագահ Նիկոլ Փաշինյանն աշխատանքային այցով կրկին կմեկնի Մոսկվա ՀՀ նախագահը և Սլովենիայի դեսպանը քննարկել են ՀՀ-ի և Սլովենիայի միջև համագործակցության մասին հարցեր Էշի ճակատին են ուղիղ խոսքն ասում, պարտադիր ա՞` քննչականին ասեն, թե Աշոտ Փաշինյանն ով ա Նիկոլ Փաշինյանը չի հասկացել Ալիևի ելույթը, այսքանից հետո մեկնելո՞ւ է Քիշնև բանակցի Նիկոլ Փաշինյանը շնորհավորել է Էրդողանին՝ Թուրքիայի նախագահի պաշտոնում վերընտրվելու կապակցությամբ «Վարչապետի գավաթ» մրցաշարերով ընդգծում ենք մեր պետականությունը, դրոշը, քաղաքացիությունը. Նիկոլ Փաշինյան Փաշինյանն ու Ալեն Սիմոնյանը ուղեկցող կորտեժներով հեռացան Սարդարապատից