Հայաստան - Թուրքիա՝ 1:1 առաջին խաղակեսում

Ֆուտբոլի Հայաստանի եւ Թուրքիայի հավաքականները Երեւանի Վազգեն Սարգսյանի անվան «Հանրապետական» ստադիոնում անցկացնում են Եվրո-2024-ի ընտրական մրցաշարի առաջին տուրի հանդիպումը, հայտնում է sport.news.am-ը։

Առաջին խաղակեսից հետո հաշիվը հավասար է՝ 1:1:

10-րդ րոպեին Հայաստանի հավաքականի եւ ղազախական «Աստանայի» պաշտպան  Կամո Հովհաննիսյանի սուր փոխանցումից հետո գերմանական «Հոֆենհայմի» պաշտպան Օզան Կաբակը գրավեց սեփական դարպասը։

28-րդ րոպեին Հայաստանի հավաքականը հարկադրված փոփոխություն կատարեց։ Վնասվածք ստացավ «Ալաշկերտի» պաշտպան Տարոն Ոսկանյանը։ Նրան փոխարինեց Երեւանի ԲԿՄԱ-ի պաշտպան Ստյոպա Մկրտչյանը։

35-րդ րոպեին հյուրերը վերականգնեցին հավասարությունը։ Ստամբուլի «Բեշիկթաշի» պաշտպան Օնուր Բուլուտի փոխանցումից հետո հեռվից դիպուկ հարված կատարեց հոլանդական «Ֆեյենորդի» կիսապաշտպան Օրկուն Կյոկչուն։

Առաջին խաղակեսում տարածքային եւ խաղային առավելություն ուներ Թուրքիայի հավաքականը՝ գնդակի 62 տոկոս վերահսկողությամբ եւ 7 գոլային հնարավորությամբ գրոհներով։

Ընդմիջում է։

Այս թեմայով «Մանչեսթեր Սիթի»-ն` Անգլիայի չեմպիոն Ուրարտուն՝ Հայաստանի քառակի գավաթակիր Արարատ-Արմենիան արտագնա խաղում հաղթեց Լեռնային Արցախին «Շուտով կստանամ հայկական անձնագիրը». Էդուարդ Բագրինցևը կխաղա Հայաստանի ֆուտբոլի հավաքականում Կանանց Մ-19 հավաքականը սկսում է նախապատրաստվել Եվրոպայի առաջնության ընտրական մրցաշարին Հայաստան-Կիպրոս ընկերական հանդիպումն ավարտվեց 2:2 հաշվով Հայաստան-Կիպրոս ֆուտբոլային հանդիպումը՝ 2։1 Հայաստան - Կիպրոս․ առաջին խաղակեսում հաղթեցին հյուրերը Հայաստանի ֆուտբոլի ընտրանու մեկնարկային կազմը Կիպրոսի դեմ խաղում Խաղալու ենք հաղթանակի համար. Վահան Բիչախչյանը` Կիպրոսի դեմ խաղի մասին