Քրեական դատարանի դատավոր է նշանակվել

Նախագահ Վահագն Խաչատուրյանը մարտի 24-ին հրամանագիր է ստորագրել, որում ասվում է․

«Հիմք ընդունելով Սահմանադրության 139-րդ հոդվածի 1-ին և 166-րդ հոդվածի 6-րդ մասերը, ինչպես նաև Բարձրագույն դատական խորհրդի 2023 թվականի մարտի 20-ի ԲԴԽ-35-Ո-119 որոշմամբ ներկայացված առաջարկությունը.

Գեղարքունիքի մարզի առաջին ատյանի ընդհանուր իրավասության դատարանի դատավոր Անի Դանիելյանին նշանակել Երևան քաղաքի առաջին ատյանի ընդհանուր իրավասության քրեական դատարանի դատավոր»:

Նորանշանակ դատավորի կենսագրությունը․

Ծնվել է 15.01.1991թ. Երևան քաղաքում:

Կրթություն

2008-2012թթ. սովորել է Երևանի պետական համալսարանի իրավագիտության ֆակուլտետի բակալավրիատում, որն ավարտել է գերազանցության դիպլոմով:

2012–2014թթ. սովորել է նույն ֆակուլտետի մագիստրատուրայում՝ այն ավարտելով գերազանցության դիպլոմով:

2014թ.-ին ընդունվել է նույն համալսարանի ասպիրանտուրա, որն ավարտել է 2018թ.-ին, թեկանածուական ատենախոսությունը մասնագիտական խորհրդի կողմից երաշխավորվել է պաշտպանության և պաշտպանության է նշանակվել 29.04.2019թ.-ին:

Աշխատանքային փորձ

07.07.2009-30.07.2009թթ. աշխատել է ՀՀ Դատական դեպարտամենտ ՊԿՀ–ում՝ որպես Կենտրոնական մարմնի ցրիչ:

03.08.2009-18.03.2011թթ. աշխատել է Երևան քաղաքի Կենտրոն և Նորք-Մարաշ համայնքների ընդհանուր իրավասության դատարանի աշխատակազմում՝ որպես գրասենյակի գործավար:

18.03.2011-31.01.2012թթ. աշխատել է «Տնտեսական անվտանգության ծառայության «ԱՎՏ-Ջ» » ՍՊԸ–ում՝ որպես գլխավոր տնօրենի խորհրդականի օգնական:

01.03.2012-15.08.2012թթ. աշխատել է ՀՀ վերաքննիչ քաղաքացիական դատարանում՝ որպես դատավորի գործավար, ապա՝ մինչև 14.03.2014թ.-ը՝ որպես դատավորի օգնական:

14.03.2014-01.09.2016թթ. աշխատել է ՀՀ վճռաբեկ դատարանում՝ որպես քրեական պալատի նախագահի ավագ օգնական:

Այնուհետև մինչև 01.06.2018թ.-ը զբաղեցրել է ՀՀ դատական դեպարտամենտի միջազգային համագործակցության վարչության պետի պաշտոնը՝ ստանալով առաջին դասի խորհրդականի դասային աստիճան:

01.06.2018-01.11.2019թթ. աշխատել է «Դիջիթեյն» ՍՊԸ–ում՝ որպես իրավաբան:

01.11.2019-03.08.2020թթ. աշխատել է Երևան քաղաքի առաջին ատյանի ընդհանուր իրավասության դատարանում՝ որպես դատավորի օգնական:

2016թ.-ի սեպտեմբերից առ այսօր դասավանդում է ԵՊՀ իրավագիտության ֆակուլտետում (քրեական դատավարության և կրիմինալիստիկայի ամբիոն):

2017թ.-ից դասավանդում է ՀՀ Արդարադատության ակադեմիայում՝ դատավորների, իսկ 2018թ.-ին՝ նաև դատախազների վերապատրաստման ծրագրերի շրջանակներում:

Հեղինակ (համահեղինակ) է 17 գիտական հոդվածների և մեկ մենագրության:

09.09.2019-04.05.2020թթ. հանդիսացել է ՀՀ արդարադատության ակադեմիայի ունկնդիր:

Բարձրագույն դատական խորհրդի 2020 թվականի օգոստոսի 24-ի ԲԴԽ-56-Ո-124 որոշմամբ ներկայացված առաջարկությամբ՝ ՀՀ նախագահի 2020թ. օգոստոսի 25-ի  թիվ ՆՀ-194-Ա հրամանագրով նշանակվել է Գեղարքունիքի մարզի առաջին ատյանի ընդհանուր իրավասության դատարանի դատավոր:

Այլ տեղեկություններ

Ազատ տիրապետում է անգլերենին և ռուսերենին, ինչպես նաև MS Office, Internet ծրագրերին: Ամուսնացած է, ունի մեկ երեխա:

Այս թեմայով Երևանում սպանված քրեական հեղինակություն «Գնունեցի Վարազիկ»-ի հայրը փորձել է վերջ տալ կյանքին. Armlur.am Ադրբեջանցին կկանգնի Հայաստանի դատարանի առաջ՝ ՀՀ տարածքում ՀՀ քաղաքացու՝ ԶՄՊԿ պահնորդի սպանության համար. Հայտնի է նիստի օրը Քիչ առաջ Գայանե Մարտիրոսյանի խափանման միջոցը փոխվեց. Վերաքննիչ դատարանի որոշումը Ո՞վ է երգչուհի Բրյունետի հայրը և ի՞նչ առնչություն է ունեցել քրեական հեղինակություն «Երրորդմասցի Լյովիկի» սպանության գործի հետ. Hayastan.news Դիլիջանի քրեական հետախուզության պետի կողմից ծեծի ենթարկված տղան առ այսօր ինքնամփոփ է, չի շփվում, վախեր ունի Երեկ Երևանում կնոջ կողմից իր մանկահասակ երեխայի հետ շենքից ցած նետվելու դեպքի առթիվ քրեական վարույթ է նախաձեռնվել Անչափահասին ծեծի ենթարկած Դիլիջանի քրեականի պետի լիազորությունները դադարեցվել են Քննիչը քրեական վարույթով կեղծել է ապացույցներ և ստացել խոշոր չափի կաշառք. դատախազը գործն ուղարկել է դատարան «Նեպտուն» մարզահամալիրի մոտ տեղի ունեցած սպանության դեպքի առթիվ քրեական վարույթ է նախաձեռնվել. մեկ անձ ձերբակալվել է ՀՀ վերաքննիչ քաղաքացիական դատարանում դատավորներ են նշանակվել