Գործադուլի պատճառով շատ ավիաընկերություններ չեղյալ են հայտարարում դեպի Իսրայել թռիչքները

Մի շարք երկրների ավիաընկերություններ երկուշաբթի օրը չեղարկել են չվերթները դեպի Իսրայել՝ դատաիրավական բարեփոխումների դեմ զանգվածային ցույցերի և գործադուլների ֆոնին, հայտնում է РИА Новости-ն՝ Ynet պորտալին հղումով։

Երկուշաբթի ավելի վաղ Իսրայելի գլխավոր օդային նավահանգիստի՝ Բեն Գուրիոնի օդանավակայանի աշխատանքը կաթվածահար էր եղել այն պատճառով, որ օդանավակայանի աշխատակիցները միացել էին Բենիամին Նեթանյահուի կառավարության դատական ​​բարեփոխումների դեմ բողոքի զանգվածային ցույցերին։ Տասնյակ չվերթեր չեն կարողացել թռիչք կատարել Թել Ավիվից, իսկ ազգային ավիափոխադրող ElAl-ը հայտարարել է թռիչքների դադարեցման մասին։

Ավիաընկերությունները, որոնք չեղարկել են իրենց որոշ չվերթներ դեպի Իսրայել, ներառում են Air Canada-ն, Turkish Airlines-ը, Finnair-ը, Wizz Air-ը, Etihad-ը և Emirates-ը:

Իսրայելում և նրա սահմաններից դուրս Նեթանյահուի կառավարության կողմից իրականացվող դատական ​​բարեփոխումների դեմ հազարավոր բողոքի ցույցեր են տեղի ունենում արդեն 12-րդ շաբաթն անընդմեջ։ Ըստ իսրայելական լրատվամիջոցների գնահատականների, անցած կիրակի ավելի քան 600 հազար մարդ դուրս է եկել փողոց: Առաջարկվող օրինագիծը կսահմանափակի Գերագույն դատարանի ազդեցությունը հիմնական օրենքների ընդունման գործընթացի վրա, թույլ կտա խորհրդարանականներին վիճարկել այս դատարանի որոշումները և կառավարությանը վերահսկել դատավորների նշանակման ընթացակարգը, ասում են ցուցարարները:

Իսրայելի նախագահը երկրում բողոքի ցույցերի ֆոնին կոչ է արել երկրի կառավարությանը անհապաղ դադարեցնել դատական ​​բարեփոխումների ընդունումը։

Այս թեմայով Իսրայելի և Պաղեստինի միջև հրադադար է հայտարարվել Իսրայելի ուղղությամբ արձակվել է 277 հրթիռ (տեսանյութ) Իսրայելը ցանկանում է ԱՄՆ-ի օգնությամբ վերականգնել հարաբերությունները Սաուդյան Արաբիայի հետ Իսրայելում ընթանում են զանգվածային բողոքի ցույցեր՝ ընդդեմ դատաիրավական բարեփոխումների Իսրայելի պատվիրակությունը լքել է ՄԱԿ ԱԽ նիստը Երկու հավաքարարներ ձերբակալվել են իսրայելական բանակի զինամթերք գողանալու համար ԱՄՆ-ի և Իսրայելի պատվիրակությունները շարժվում են դեպի Ադրբեջանի և Իրանի սահման. ԶԼՄ Նեթանյահուն հայտարարել է, որ ցանկանում է հարաբերությունների բարելավում և խաղաղություն Սաուդյան Արաբիայի հետ Իսրայելը Կիևին զենք մատակարարելու վերաբերյալ որոշումներ չի կայացրել․ Նեթանյահու Թել Ավիվում մեքենան մխրճվել է ամբոխի մեջ. տուժել է յոթ մարդ