Լրացավ ՀՀԿ-ի հիմնադրման 33-ամյակը. մեր պահպանողականությունը ապագայատենչ է. Արտակ Զաքարյան

ՀՀ ՊՆ նախկին փոխնախարար Արտակ Զաքարյանը գրում է.

«1990 թ. ապրիլի 2-ին Երևանում հիմնադրվեց Հայաստանի Հանրապետական կուսակցությունը: Այսօր լրանում է ՀՀԿ հիմնադրման 33-ամյակը:

Հանրապետականը քաղաքական դաշտում գործող եզակի կազմակերպություններից է, որն ունի տասնամյակների գաղափարական-քաղաքական արմատներ, հարուստ կենսագրություն, պետական շահերով առաջնորդվող բազմափորձ լիդեր, գործունեության ինստիտուցիոնալ բնույթ և կազմակերպական կառույցներ, քաղաքական և մասնագիտական փորձառու կադրեր, սոցիալական հենարան, երիտասարդական ավյուն, քաղաքական հստակ ծրագրեր ու աշխարհայացք:

Հանրապետականն ազգային պահպանողական կուսակցություն է, որի նպատակներն ու գործունեությունը բխում են Ազգի և Հայրենիքի հավիտենության գաղափարներից:

Հայոց գերագույն նպատակը, որ իմաստավորումն է իր գոյության, հարատևումն է Հայրենիքում, հաստատումը իր կենսական ուժի, ստեղծագործ հանճարի ու ազատ կամքի: Այդ նպատակի իրագործման գրավականը Հայ ազգային գաղափարախոսությունն է, որում էական տեղ ունի Գարեգին Նժդեհի ուսմունքը:

Իր առաքելության գիտակցումն ունեցող յուրաքանչյուր ազգ, ելնելով սեփական աշխարհընկալումից, սահմանում է իր արժեքների համակարգը, նպատակներն ու իղձերը, նախանշում իր հարատևման ռազմավարությունը, որոնց ամբողջությունը հանդես է գալիս իբրև տվյալ ազգի գաղափարախոսություն: Հայ ազգային գաղափարախոսությունը կառուցվում է հայոց արժեհամակարգի ու պատմամշակութային փորձի զուգակցումով` ազգային և համամարդկային արժեքների համադրմամբ: Այն պետք է ամրապնդի հայության հավատը սեփական ուժերի ու ապագայի նկատմամբ և իբրև գաղափարախոսական համակարգ` մշտապես զարգացում ապրի:

Մենք դավանում ենք պահպանողականություն, քանզի այն մարդկության կողմից դրականորեն գնահատված և պատմականորեն արդարացված հիմնարար արժեքների, բարոյական նորմերի պահպանումն է: Այն ոչ թե առհասարակ հնի, այլ` հավերժի հաստատումն է: Այն ոչ թե անցյալի, այլ մնայունի պաշտպանն է. այն արժեքավորի, որ ստեղծվել է անցյալում և ստեղծվելու է ապագայում: Այս առումով, պահպանողականությունը ոչ միայն անցյալապաշտություն չէ, այլև` ապագայատենչ է, քանզի ապահովում է պատմության անխզելիությունը, ժամանակների կապը, որով` հավիտենական արժեքների անդադար արարումը:

Հայ իրականության մեջ գործող բոլոր հասարակական, քաղաքական ուժերի, անհատների հետ Հայաստանի Հանրապետական կուսակցությունն իր հարաբերությունները կառուցում է ազգային և պետական շահերի առաջնայնության սկզբունքով, որոնք բարձր է դասում անձնական և հատվածական շահերից:

Պետության հզորացումն է այն միակ երաշխիքը, որն ապահովելու է մեր ժողովրդի զարգացումն ու հարատևությունը, քաղաքացիների բարեկեցությունը, մեր սահմանների պաշտպանությունը, մեր տեղն ու դերը միջազգային ասպարեզում»:

Այս թեմայով «Չեմ կարողանում հասկանալ էս խնդրի լուծումը». Լևոն Զաքարյան Կա մտավախություն, որ ՀՀ դավաճանության ղեկավարը Հայաստանը կարող է վերածել 2-րդ Ուկրաինայի․ Զաքարյան Հազարավոր ոստիկաններով պաշտպանված կապիտուլյանտը բռնաբարում է մի ողջ ժողովրդի խաղաղ ապագան․ Զաքարյան Մեր փրկությունը մեր ուժի մեջ է, իսկ ուժը՝ կամքի, համարձակության ու գաղափարականության. Արտակ Բեգլարյան Նիկոլի իշխանության հիմնական թիրախը Սերժ Սարգսյանն է․ Արտակ Զաքարյան «Եթե Շարմազանով-42 գրելով կխուսափեինք Արամ-18 կամ Արտակ-19-ից՝ ջհանդամը, թե մեր լենտերը չէիք փակցնի» «Գեմատոմաներ են առաջացել»․ փաստաբանը «Նուբարաշեն» ՔԿՀ-ում այցելել է Արտակ Գալստյանին (տեսանյութ) Սարքերով ցավ պատճառելու սադիստական գործողություններ՝ Արտակ Գալստյանի հանդեպ (տեսանյութ) Արտակ Գալստյանին քննչական կոմիտեում 7-8 հոգով ծեծել են՝ ֆիզիկական ներգործություն, հարվածներ, կտտանքներ սարքերի միջոցով․ փաստաբան․ Tert.am Ի՞նչ է ենթադրում «Քաղաքացու տոնը» իրականում, ի՞նչ «գնով» և ի՞նչ «նպատակով» է առաջացել այն․ Զաքարյան