Առաջարկում ենք պայքար հանուն փրկության և պատրաստ ենք լինել այդ պայքարի և՛ զինվորը, և՛ առաջամարտիկը․ Իշխան Սաղաթելյան

Ապրիլի 2-ն ՀՅԴ Հայաստանի Գերագույն մարմնի նախաձեռնությամբ Սարդարապատի հուշահամալիրում տեղի է ունեցել երդման հանդիսավոր արարողություն, որի ընթացքում ՀՀ տարբեր մարզերից շուրջ 50 նորագիրներ համալրել են Հ․ Յ․ Դաշնակցության շարքերը։ Այս մասին հայտնում են ՀՅԴ Հայաստանի Գերագույն մարմնի Հանրային կապերի գրասենյակից:

Հանդիսավոր արարողության ժամանակ ներկաներին ուղղված խոսքով հանդես են եկել ՀՅԴ Բյուրոյի աշխատակազմի ղեկավար, իրանագետ Սարգիս Մկրտչյանը և ՀՅԴ Հայաստանի Գերագույն մարմնի ներկայացուցիչ, ՀՀ ԱԺ 《Հայաստան》 խմբակցության պատգամավոր Իշխան Սաղաթելյանը։

Անդրադառնալով վերջին շրջանում Հ․Յ․ Դաշնակցության դեմ սաստկացող բռնաճնշումներին՝ Սարգիս Մկրտչյանն իր խոսքում նշել է․

«Չի ներվում Դաշնակցության հայրենասիրությունը, սակայն ներվում են օտարների ծավալապաշտական նկրտումները։ Չի ներվում Դաշնակցության արդարամտությունը, բայց ներվում է Հայաստանում թե Հայաստանից դուրս ուժի իրավունքի կիրառումը։ Չի ներվում Դաշնակցության ժողովրդավարությունը, բայց ներվում են ժողովրդավարության քողի տակ Հայաստանում, թե Հայաստանից դուրս բռնապետության հաստատումը»։
Ընդգծելով մեր օրերում հայրենիքի ճակատագրի համար պատասխանատվություն ստանձնելու կարևորությունը, ՀՅԴ Հայաստանի Գերագույն մարմնի ներկայացուցիչ Իշխան Սաղաթելյանն իր խոսքում շեշտել է, որ Դաշնակցությունը մերժում է օրվա իշխանության առաջարկած «փրկությունը հանձնվելու մեջ է» բանաձևը՝ դա համարելով ինքնաոչնչացման ճանապարհ։

«Մենք մեր ժողովրդին առաջարկում ենք պայքար հանուն փրկության և պատրաստ ենք լինել այդ պայքարի և՛ զինվորը, և՛ առաջամարտիկը։

Դիմադրություն, միասնակաություն, պայքար. սա է Արցախը հայկական պահելու, Հայաստանը թշնամու ոտնձգություններից պաշտպանելու միակ ճանապահը»,- եզրափակել է իր խոսքը Սաղաթելյանը։

Միջոցառումն ավարտվել է Սրադարապատի հուշահամալիրում գտնվող Արամ Մանուկյանին նվիրված հուշաքարի մոտ տեղի ունեցած երդման խորհրդանշական արարողությամբ։

Այս թեմայով Մենք մահապարտներ ենք, ժողովուրդ, պատրաստ ենք մեռնելու, բայց պիտի գաք մեր հետևից. հստակ պիտի խոսել Առաջարկում եմ Փաշինյանին անձամբ «զննել» հրթիռները. Դավիթ Տոնոյան Նիկոլը վախենում է ու ճիշտ է անում, պատմությունը չի ներում դավաճաններին. Վազգեն Սաղաթելյան Այստեղ պայքար է, որ հողերը չհանձնվեն․ քաղաքացի «Առաջարկում եմ այս իշխանությանն ամբողջ կազմով ուղարկել այլ մոլորակ և որքան հնարավոր է արագ». «Փաստ» Քաղաքացիներին ներկայացրել ենք Հայաստանի առջեւ ծառացած մարտահրավերները․ Սաղաթելյան Սրանց ուրացման քաղաքականությունը պետք է արժանանա լրջագույն դիմադրության․ Սաղաթելյան (տեսանյութ) Աղմկահարույց լինեին, թե չլինեին քանդման աշխատանքները, որևէ մեկի ամառանոցը այգու մեջ չի կարող լինել Ռուսներին դարձրել է ՀՀ ինքնիշխանության «սպառնալիք», բայց ոչ մի թթու խոսք Թուրքիայի և Ադրբեջանի մասին. Սաղաթելյան (տեսանյութ) Չի կարող Ադրբեջանի հետ սահմանազատման գործընթաց լինել՝ առանց իրավական հիմքերի․ Արթուր Հովհաննիսյան