Սամվել Ուզունյանին դեմ նոր վարույթ է սկսվել՝ ապօրինի գույքի գործով. Ավելի քան 3 տարի հետախուզման մեջ գտնվող Ուզունյանին հրավիրել են դատախազություն

ՀՀ գլխավոր դատախազությունն ուսումնասիրում է «Հոկտեմբերի 27»-ի գործը քննած դատավոր Սամվել Ուզունյանի գույքի օրինականությունը։ Նրան ու կնոջը ծանուցագրեր են ուղարկվել դատախազություն ներկայանալու համար։

«ՀՀ գլխավոր դատախազության ապօրինի ծագում ունեցող գույքի բռնագանձման գործերով վարչությունում Ձեզ պատկանող գույքի առնչությամբ իրականացվում է ուսումնասիրություն, որի արդյունքում կազմվել է ամփոփագիր»,- նշված է ծանուցագրում։

Դատախազությունից հայտնել են, որ նա պետք է դատախազություն ներկայանա ապրիլի 25 ին՝ ժամը 11:00-ին։

Նշենք, որ ծանուցագիր ուղարկվել է նաեւ Ուզունյանի կնոջը։

Հիշեցնենք, որ Սամվել Ուզունյանը 2019 թվականի դեկտեմբերից գտնվում է հետախուզման մեջ։ Նա մեղադրվում է կաշառք ստանալու մեջ։ Ըստ նախաքննական մարմնի՝ 2014 թվականի հոկտեմբերին ներկայացված քաղաքացիական հայցի գործով հայցվորի օգտին դատական ակտ կայացնելու համար միջնորդելու, մեկ այլ դեպքում՝ 2007թ. տեղի ունեցած դեպքի առթիվ հարուցված, ապա վարույթը կարճված քրեական գործով տուժողի օգտին գործողություններ կատարելու՝ ենթադրյալ հանցագործությունը կատարած անձանց քրեական պատասխանատվության ենթարկելուն՝ իր պաշտոնեական դիրքն օգտագործելով նպաստելու համար, նրանցից պահանջել և տարբեր ժամանակահատվածներում ստացել է առանձնապես խոշոր չափերով՝ մի դեպքում 13.000 ԱՄՆ դոլարին, մյուս դեպքում՝ 38.000 ԱՄՆ դոլարին համարժեք ՀՀ դրամի կաշառք:
2019ծ. դեկտեմբերի 20-ին ԲԴԽ-ն բավարարել էր գլխավոր դատախազի միջնորդությունը՝ նրա նկատմամբ քրեական հետապնդում հարուցելու և ազատությունից զրկելու վերաբերյալ, սակայն դրանից հետո նրան հաջողվել է անարգել հեռանալ երկրից. 2019 թվականի լույս դեկտեմբերի 21-ի գիշերը՝Երևան-Մոսկվա թիվ 1869 չվերթով Ուզունյանը մեկնել է Մոսկվա։

Այս թեմայով Կարող են ապօրինի հրաման չկատարել՝ պագոնները հանեն, գնան իրենց տուն. Գրիգոր Գրիգորյան (տեսանյութ) Ես խոնարհվում եմ Բագրատ Սրբազանի առջեւ. Սամվել Գրիգորյան «Սթրեսային վիճակում գտնվող երեխաների հետ աշխատանքն այլ առանձնահատկություն ունի». Արաքսիա Սվաջյան Սամվել Մարտիրոսյանը զգուշացնում է զանգվածաբար տարածվող հաղորդագրությունների վերաբերյալ Ալիևը Զելենսկիին հրավիրել է Բաքու «Ժողովուրդ». Ժողովրդավարությունը թիվ մեկ «բրենդ» հռչակած վարչապետը չի մեկնաբանել Սամվել Վարդանյանի հանդեպ կատարվածը «Ժողովուրդ». 36 կգ ոսկու եւ 293 միլիոն ռուբլու անհետացման գործով վկայի կարգավիճակում դատավոր է հարցաքննվել Սա հող հանձնել է նշանակում, ժողովուրդը պետք է զարթնի և ոչ ասի Տավուշի ապօրինի գործընթացին (տեսանյութ) Կանայք ավելի շատ են պայքարում, տղամարդկանց վախեցրել են․ նոյեմբերյանցի (տեսանյութ) Ինչպես են երկրապահի Ուազը վարում ապօրինի սահամանազատման դեմ բողոքող քաղաքացիների ուղղությամբ (տեսանյութ)