Հակասություններ՝ ՔՊ-ական նախարարների և պատգամավորների միջև. Սիսակ Գաբրիելյան-Ժաննա Անդրեասյան

Որքան էլ, որ ՔՊ ներսում փորձում են տպավորություն ստեղծել, որ ներթիմային որևէ լարվածություն տեղ չունի հեղափոխականների շրջանում, մի բան ակնհայտ է՝ վերջին շրջանում ՔՊ-ական տարբեր պաշտոնյաներ չեն թաքցնում հակասությունների այն շարանը, որն առկա է հատկապես գործադիրի անդամ ՔՊ-ականների և խորհրդարանում բազմած ՔՊ-ականների միջև։

Դիցուք՝ ԿԳՄՍ նախարար ժաննա Անդրեասյանը և ԱԺ կրթության, գիտության, սպորտի և մշակույթի հանձնաժողովի նախագահ Սիսակ Գաբրիելյանը: Նախ և առաջ սկսենք նրանից, որ մինչ Ժաննա Անդրեասյանի կողմից նախարարի պաշտոնը ստանձնելը Գաբրիելյանն ինքն էլ ուներ նախարարարական ամբիցիաներ: 2022 թվականի սեպտեմբերի 12-ի-13-ի հարձակումից առաջ ՀՀ Ազգային ժողովի «Քաղաքացիական պայմանագիր» խմբակցության պատգամավոր, Գիտության, կրթության, մշակույթի, սփյուռքի, երիտասարդության եւ սպորտի հարցերի մշտական հանձնաժողովի նախագահ Սիսակ Գաբրիելյանը հանդես էր եկել ԿԳՄՍ նախարար Վահրամ Դումանյանի դեմ մի յուրօրինակ նախաձեռնությամբ: Նա, ով մշտապես բողքում է ԿԳՄՍ նախարար Դումանյանի գործունեությունից, նաեւ ստորագրահավաք էր արել՝ շուրջ 20 պատգամավորների մասնակցությամբ, որպեսզի գործադիր մարմինը նախարարի պաշտոնազրկման գործընթաց սկսի: Երկրում սահմանային լարված իրավիճակով պայմանավորված՝ գործընթացն իր վերջնարդյունքին չի հասել: Ճիշտ է, ինքը՝ Գաբրիելյանը, հերքել է այս տեղեկությունը, սակայն ինչպես ասում են՝ չկա ծուխ առանց կրակ: 

Այնուհետև նախարար-պատգամավոր հակասությունները դրսևորվեցին արդեն գործնական հողի վրա: Ինչպես գիտենք՝ Կրթության, գիտության, մշակույթի և սպորտի նախարարությունում աշխատանքային տարբերակով քննարկում էր Բրյուսովի անվան համալսարանը և Ֆիզկուլտուրայի ինստիտուտը Մանկավարժակական համալսարանի հետ միավորելու, կրկնվող մասնագիտությունները խմբավորելու որոշման նախագիծ: Առաջին երկու բուհում սա բողոքի ալիք էր բարձրացրել, Մանկավարժականում նույնպես որոշ անհամաձայնություն ունեին: Եվ անչափ ուշագրավ էր, որ այդ փուլում ՔՊ-ական պատգամավորը կարծիք էր հայտնել, որ եթե կառավարությունը գնում է ոլորտի ամբողջական, գլոբալ բարեփոխումների, մի փոքր աննպատակահարմար է այդ ընթացքում առանձնացնել և 2-3 բուհի ինչ-որ կարճաժամկետ խնդիրներ լուծել: Փաստացի, սա հենց կառավարության առաջ քաշած ծրագրի և դրա առանձին մեխանիզմի բացահայտ քննադատություն էր:

Ամիսներ առաջ էլ ԱԺ-ում քննարկվում էր ««Կրթության մասին» օրենքում լրացումներ կատարելու մասին›› օրենքի նախագիծը, որն ուղղված է ոչ ֆորմալ, ինֆորմալ կրթության ճանաչմանը: Հիմնական զեկուցող, ԱԺ գիտության, կրթության, մշակույթի, սփյուռքի, երիտասարդության և սպորտի հարցերի մշտական հանձնաժողովի նախագահ Սիսակ Գաբրիելյանի խոսքով՝ նախագծով փորձ է արվում կարգավորելու լրացուցիչ կրթական ծրագրերի իրականացման կարգը՝ առաջարկելով պայմաններ ստեղծել` ճանաչելու քաղաքացիների ստացած ոչ ֆորմալ ու ինֆորմալ կրթությունը: Ըստ նախագծի համահեղինակի՝ օրենսդրական նախաձեռնությամբ հնարավոր կլինի կարգավորել օրենսդրական ճգնաժամը, ամրապնդել լրացուցիչ կրթական ծրագրերի կազմակերպման և իրականացման գործընթացները, ինչպես նաև առավել արդյունավետ իրականացնել ոչ ֆորմալ և ինֆորմալ ուսուցման արդյունքների գնահատման, ճանաչման ու վկայագրման ոլորտում ներդրված պետական քաղաքականությունը, ապահովել ստանձնած միջազգային պարտավորությունների կատարումը: Եվ այստեղ էլ արդեն ուշագրավ է նախարարության գնատահականը, քանի որ իր ելույթում Ժաննա Անդրեասյանը ընդգծեց, որ գործադիրը ներկայացրել է որոշ տեխնիկական ու խմբագրական բնույթի առաջարկներ՝ օրենքի նախագծի հետ ամբողջությամբ համաձայն չլինելով:

Սիսակ Գաբրիելյանի վերաբերմունքը գործադիրի կոլեգաների հանդեպ անգամ հանձնաժողովների նիստերում է հաճախ արտահայտվում, որտեղ վերջինս տեր ու տիրակալի պես է իրեն պահում՝ ցույց տալով, որ որոշումներ կայացնողը ինքն է։

Այս թեմայով «Հայոց պատմության» դասագրքի անվանափոխությունը ուղղված է հենց իրական հայրենքի խնդրին. Անդրեասյան Դպրոցներում տարհանման կարիք չկա, իրավապահներն աշխատում են. Ժաննա Անդրեասյան Ժաննա Անդրեասյանն ընդունել է Ֆրանկոֆոնիայի խաղերի միջազգային կոմիտեի պատվիրակությանը ՌԴ շուկա արգելել են մտնի հայկական կաթնամթերքը, բայց իրանցը դրված ա մեր վաճառասեղաններին. Գաբրիելյան Ժաննա Անդրեասյանը Լուվրի թանգարանի տնօրենին սեպտեմբերին հրավիրել է Հայաստան Ժաննա Անդրեասյանը հանդիպումներ է ունեցել ՅՈՒՆԵՍԿՕ-ի գլխավոր տնօրենի տեղակալների հետ Փաշինյանը Ժաննա Անդրեասյանին գործուղում է Թուրքմենստան Ժաննա Անդրեասյանի գլխավորած պատվիրակությունը Փարիզում կմասնակցի Փարաջանովի 100-ամյակի հոբելյանական միջոցառումներին «Ժողովուրդ». Սիսակ Գաբրիելյանի և «Հայաստան» խմբակցությունից Աշոտ Սիմոնյանի մասնակցությամբ քրգործը դատարանում կանգ է առել Ժաննա Անդրեասյանն ու ՀՀ վարչապետի տիկինը մասնակցել են Աուտիզմի իրազեկման միջազգային օրվան նվիրված միջոցառմանը