Գյումրիի քաղաքապետն աչք է փակո՞ւմ ՔՊ-ական ավագանու անդամի խախտումների վրա

Գյումրիում 2002-2022 թվականներն ընկած ժամանակահատվածում հաշվառվել են 124 կիսակառույցներ, որոնք հասարակական նշանակության են։ Դրանք քաղաքի տարբեր հատվածներում են, հիմնականում՝ կենտրոնական։ Գյումրու քաղաքապետարանի կողմից տրվել է շինթույլտվություն, սակայն սեփականատերերը ավարտին չեն հասցրել։ Դրանք աղավաղում են քաղաքի տեսքը և դրանց դեմ «հուժկու» պայքար է սկսել Գյումրիի քաղաքապետ Վարդգես Սամսոնյանը: Այս տրամաբանությամբ շարժվելիս կարելի է ենթադրել, որ Սամսոնյանը նույն հուժկու պայքարը պետք է մղեր նաև ապօրինի շինարարության դեմ:

Սակայն, արի ու տես, որ ընդդիմադիր քաղաքապետը հոգով սրտով ՔՊ-ական է դարձել և չի նկատում ՔՊ-ական ավագանու անդամների թույլ տված խախտումները: Դիցուք, մամուլը գրել էր, որ  Գյումրիի կենտրոնական Տիգրան Մեծ փողոցում, հենց մայթի վրա մեկնարկել են շինարարական աշխատանքներ: Եւ սա այն բանից հետո, երբ Գյումրիի քաղաքապետարանը այն քանդելու պահանջով դիմել է ոստիկանություն, քանի որ անձը չունի համապատասխան շինթույլտվություն: ԳԱԼԱ-ն ահազանգ էր ստացել, որ Գյումրիի Լևոն Մադոյան և Տիգրան Մեծ փողոցների խաչմերուկում գտնվող մայթի վրա Գյումրիի ավագանու ՔՊ-ական անդամներից մեկը՝  Երվանդ Խանամիրյանն, իրականացնում է շինարարական աշխատանքներ՝ չունենալով համապատասխան շին.թույլտվություն: Այսինքն՝ քաղաքապետարանը դիմել է ոստիկանություն և այնուհետև պարզապես մոռացության է մատնել տվյալ դրվագը, քանի որ անգամ այդ դիմումից հետո էլ ինչպես գրում է մամուլը՝ շինարարությունը շարունակվում էր:

Արդյո՞ք Վարդգես Սամսոնյանը չի կարողանում, թե չի ցանկանում կանխել իր ղեկավարած քաղաքում տեղի ունեցող ապօրինի շինարարությունը: Ամեն դեպքում, պետք է փաստենք, որ առանձնակի ջանասիրություն այս հարցում քաղաքապետը չի դրսևորում...

Այս թեմայով Էլեն Ասատրյանն ընտրվել է Գլենդելի քաղաքապետ Գյումրիի ոստիկանները հետախուզվողին հայտնաբերեցին Բագրատաշենի սահմանային անցակետում Գյումրիի ոստիկանները հետախուզվողին հայտնաբերեցին Մասիսում Անետա Բաբայանը նշանակվել է Երևանի քաղաքապետի խորհրդական Երևանի քաղաքապետ Տիգրան Ավինյանն այցելել է ՍԻԱՍ Ակադեմիա Հայաստանի մայրաքաղաքի հանրային տրանսպորտում թյուրքական լեզվով գրություններ կան․ Հակոբ Կարապետյան Երևանի քաղաքապետ Տիգրան Ավինյանն այցելել է թիվ 1 տուն-ինտերնատ «Վերածնունդ» թաղամասի համար կա հաստատված «գենպլան», մենք ի՞նչ մեղավոր ենք, որ քաղաքապետ է փոխվել Մամիկոն Ասլանյանը մնում է կալանքի տակ, որովհետև իշխանությանը ոչ հաճո քաղաքապետ է. Մանուկյան Վանաձորի նախկին քաղաքապետ Մամիկոն Ասլանյանը կմնա կալանքի տակ