Հյուսիսկորեացի հաքերները 720 մլն դոլարի կրիպտոարժույթ են հափշտակել Ճապոնիայի հաշիվներից

Հյուսիսային Կորեայից չարագործների խմբերը 2017 թվականից շուրջ 720 միլիոն դոլար գումարի կրիպտոարժույթ են հափշտակել Ճապոնիայում բացված հաշիվներից: Ճապոնացիներից գողացված միջոցները կազմում են այդ ընթացքում միջազգային շուկայում ԿԺԴՀ-ի ցանցահենների կողմից գողացված կրիպտոակտիվների ընդհանուր արժեքի մոտ 30%-ը: Այդ մասին տեղեկացնում է Nikkei պարբերականը:

Բացի դրանից, շուրջ 540 միլիոն դոլարի կրիպտոարժույթ է հափշտակվել Վիետնամի քաղաքացիներից, ևս 497 միլիոն դոլար՝ ԱՄՆ քաղաքացիներից և 281 միլիոն դոլար՝ Հոնկոնգից: Ընդ որում, Ճապոնիան և Վիետնամն, ըստ հրատարակության, գլխավորում են այս ցուցակը թվային արժույթների աճող ժողովրդականության և տեղական ընկերությունների համակարգչային համակարգերի խոցելիության պատճառով։

Ըստ Ճապոնիայի Արտաքին առևտրի կազմակերպության տվյալների՝ երկրից գողացված 721 միլիոն դոլարը 8.8 անգամ գերազանցում է 2021 թվականին Հյուսիսային Կորեայի ընդհանուր արտահանման գումարը:

Ըստ Nikkei-ի՝ կիբերհարձակումները կարող են Հյուսիսային Կորեայի կողմից օգտագործվել որպես երկրի բյուջեի համալրման միջոց՝ պատժամիջոցների շրջանցմամբ։ Փհենյանը նաև կարող է ստացված միջոցներն օգտագործել իր հրթիռային ծրագրի ֆինանսավորման համար:

Ապրիլի 7-ին Ճապոնիայի, ԱՄՆ-ի և Կորեայի Հանրապետության ներկայացուցիչները Սեուլում կայացած հանդիպմանն անհանգստություն են հայտնել ԿԺԴՀ-ի հաքերների կիբերհարձակումների կապակցությամբ: Նրանք նաև ընդգծել են Փհենյանի «եկամուտների անօրինական հոսքերի արգելափակման համատեղ ջանքերի» կարևորությունը:

Այս թեմայով Ռուսաստանում սպանել են երկու ոստիկանի, հափշտակել նրանց զենքն ու դիմել փախուստի (լուսանկարներ) ԱՄՆ Ուկրաինային 61 մլրդ դոլարի ռազմական օգնություն կտրամադրի ՀՀ դրամն ԱՄՆ դոլարի նկատմամբ մարտին արժևորվել է 2.7 տոկոսով Հարավային Կորեան 200 մլն դոլարի մարդասիրական օգնություն կտրամադրի Ուկրաինային Մինչև 2020-ը Ադրբեջանը 27 մլրդ դոլարի զենք է գնել, իսկ Հայաստանը` 6.5-ից 7 մլրդ դոլարի Կոտայքում աշխատակիցը գաղտնի մուտք է գործել հանքավայր և հափշտակել մի քանի մլն դրամի ոսկու հանքանյութ Ավազի մեջ հայտնաբերվել է «Porsche Cayenne»-ը, որով երեկ հափշտակել էին 36 կգ ոսկի, 293 մլն ռուբլի Հոնկոնգի իշխանություններն առգրավել են 10 մլն դոլարի ոսկի՝ քողարկված որպես պահեստամասեր Թրամփը խարդախության գործով 175 միլիոն դոլարի գրավ է վճարել. ABC Հայաստանը 300 հազար դոլարի օգնություն կտրամադրի Ճապոնիային երկրաշարժից տուժածների կարիքների համար