Մենք տեղեկություն ունենք, որ ԱՄՆ-ն և իր դաշնակիցները հայերին ասում են՝ եկեք մեզ մոտ, ռուսներին քշեք ձեր տարածքից. Լավրով

«Ես գիտեմ (մենք նման տեղեկություն ունենք), որ հայերին ասում են՝ եկեք մեզ մոտ, ռուսներին քշեք ձեր տարածքից, սահմանապահներին էլ՝ հանե՛ք ռազմաբազան, ամերիկացիները կօգնեն ապահովել անվտանգությունը։ Սացահայտ սադրանք է։ Սա դիվանագիտություն չէ»,-հայտարարել է ՌԴ ԱԳ նախարար Սերգեյ Լավրովը՝ «Ցարգրադ» հեռուստաալիքին տված հարցազրույցում:

«Որտե՞ղ է արևմտյան դիվանագիտությունը: Այլևս ոչ մի դիվանագիտություն չկա։ Կա ուղիղ կաշառում։ Ավելին, մենք տեսնում ենք, թե ինչպես է Արևմուտքն իրեն պահում նրանց հետ, ում վրա նախկինում ինչ-որ խաղադրույք է կատարել։ Նրանք լքեցին Եգիպտոսի նախագահ Համիդ Մուբարաքին, ով «արաբական գարնան» սկզբին արժանապատվորեն հրաժարական տվեց, չփախավ, գնաց Եգիպտոսի այն հատվածը, որը մեզ հայտնի է որպես Շարմ էլ-Շեյխ։ Ապրեց այնտեղ, թոշակի անցավ։ Ամերիկացիները թույլ տվեցին իշխանության եկած «Մուսուլման եղբայրներին» վանդակի մեջ գտնվող տարեց տղամարդուն բերել դատարանի դահլիճ և ծաղրել նրան։ Այնուհետև մենք դիմեցինք նախագահ Օբամայի վարչակազմին: Այդ տարիներին Ռուսաստանի նախագահ Դմիտրի Մեդվեդևը նրանց ասաց, որ Մուբարաքը հարգված անձնավորություն է, Միացյալ Նահանգների դաշնակիցն է, մեր ընկերն է, միշտ փորձել է միջին դիրք գրավել՝ արտահայտելով իր երկրի շահերը։ Նա առաջարկել է «ազդանշան» ուղարկել «Մուսուլման եղբայրներին»՝ իրեն ազատ արձակելու համար։ Նրանք պետք է լսեն Օբամային, քանի որ նա անմիջապես աջակցեց նրանց իշխանության գալուն։ Ամերիկացիները «մտան թփերի մեջ»։

Միացյալ Նահանգները լքեց Աֆղանստանի ղեկավարությունը, որի վրա հենվեցին երկրի քսանամյա օկուպացիայի ժամանակ: Այն ոչինչ չի բերել՝ բացի կործանումից, ահաբեկչության և թմրանյութերի վաճառքից: Հուսով եմ, որ ժամանակակից քաղաքական գործիչները ուշադրություն կդարձնեն պատմությանը, թե ինչպես են զարգանում հարաբերությունները հեգեմոնի հետ, ով ցանկանում է իր այս կարգավիճակը պարտադրել բոլորին»,-հավելել է Լավրովը։

Այս թեմայով Նախքան ասելը, որ ՀԱՊԿ-ը պարտավոր է սահմանել իր պատասխանատվության գոտին, պետք է սահմանել ՀՀ սահմանները. Լավրով Հայաստանին ուզում են արագացված տեմպերով պոկել Ռուսաստանի Դաշնությունից. Լավրով Ակնկալում ենք Հայաստանի ղեկավարության քաղաքական սթափությունը. ՀԱՊԿ գլխավոր քարտուղար Հայաստանը զգալիորեն կրճատել է իր գործունեության ծավալը որպես ՀԱՊԿ անդամ․ Տասմագամբետով Հայաստանը չի մասնակցել ՀԱՊԿ ռազմական խորհրդի նիստին Արևմուտքը չի ցանկանում, որ իրականացվեն ՌԴ-ի օգնությամբ Հայաստանի և Ադրբեջանի միջև ձեռք բերված պայմանավորվածությունները. Լավրով Լավրովը ժամանել է Մինսկ՝ մասնակցելու ԱՊՀ ԱԳ նախարարների խորհրդի նիստին ՀԱՊԿ-ի խաղաղապահները գալու էին, և աստիճանաբար լուծարվելու էր մեր պետությունը. Փաշինյան ՀԱՊԿ-ն ասում է, որ ՀՀ սահմանները չի ճանաչում․ ԱԳ նախարար Երազելը վնաս չէ. Լավրով