Լավրովի ընտանիքի հարսանիքը Վրաստանում. բողոքի ակցիա է նախատեսվում․ Aliq.ge

Ռուսաստանի Դաշնության արտաքին գործերի նախարար Սերգեյ Լավրովի դուստրը՝ Եկատերինա Լավրովան, ամուսնու՝ Ալեքսանդր Վինոկուրովայի հետ հանգրվանել է Վրաստանի Կախեթիի մարզի Kvareli Lake Resort հյուրանոցային համալիրում, հայտնում է Aliq.ge-ն՝ հղում անելով «Մթավարի արխի» ընդդիմադիր հեռուստաընկերությանը։

Նշվում է, որ Կղվարելիում նախատեսված է Եկատերինա Լավրովայի ամուսնու եղբոր հարսանիքը:

Ուկրաինայում ՌԴ-ի սանձազերծած պատերազմի մեկնարկից հետո Լավրովն ու նրա ընտանիքի անդամները, այդ թվում դուստրը, գտնվում են Արևմուտքի պատժամիջոցների ներքո։

Այսօր հարսանիքին զուգահեռ բողոքի ակցիա է նախատեսվում հյուրանոցի մոտ, ակցիայի մասնակիցներն արդեն հավաքվում են տարածքում։ Հյուրանոցի շրջակայքը հսկում են մեծաթիվ ոստիկանական ուժեր։

Ըստ տեղեկությունների՝ ակցիային մասնակցելու են ընդդիմադիր կուսակցությունների ներկայացուցիչներ և քաղաքացիական ակտիվիստներ Կախեթիից և Թբիլիսիից։

Տեղում է նաև Վրաստանի գլխավոր ընդդիմադիր «Միացյալ ազգային շարժում» (ՄԱՇ) կուսակցության նախկին նախագահ Նիկա Մելիան: Նա ասել է՝ հյուրանոցի տնօրինությունից իրենց հաստատել են, որ համալիրում ռուս հյուրեր կան, այդ թվում՝ Լավրովի դուստրը:

Մանրամասները՝ սկզբնաղբյուր կայքում։

Այս թեմայով Ձեր առջև այժմ նստած են իրական կվադրոբերներ. Ավետիք Իշխանյան Լավրովը բացատրել է, թե ինչու էր իրեն հետաքրքրում Հայաստանում «կվադրոբերների» հարցը Լավրովը Միրզոյանին հարցրել է, թե արդյոք Հայաստանում կան «կվադրոբերներ» Լաչինը, Մեղրին, Մոլոդեչնոն հերթականությամբ կստանան ԱՊՀ մշակութային մայրաքաղաքի կարգավիճակ․ Լավրով Լավրովը ՌԴ-ում ՀՀ դեսպանի հետ քննարկել է հայ-ռուսական հարաբերություններին առնչվող հարցեր