Փողոցի ճնշմամբ իշխանություն փոխելու համար պետք է շատ մարդ, շատ-շատ մարդ․ Բաբայան
ԲլոգոսֆերաԵրբ պայքարը կդառնա իրոք գաղափարական այլ ոչ թե սելֆի անելու համար գուցե ստացվի կապիտուլյանտից ազատագրվել։ Այդ մասին ֆեյսբուքյան գրառում է արել «Ռեֆորմիստներ» կուսակցության նախագահ Վահան Բաբայանը։
«1.Փողոցի ճնշմամբ իշխանություն փոխելու համար պետք է շատ մարդ,շատ շատ մարդ
2.Այդ շատ մարդիկ պետք է լինեն ոչ միայն շատ այլ նաև երկար,շատ երկար կարողանան մնալ նույն տեղում,որտեղ որ իրենց կասի առաջնորդը:
3.Այդ երկար,շատ երկար նույն տեղում մնացած մարդկանց պետք է ամեն ժամ կրկին շատ,ավելի շատ մարդիկ միանան:
4.Օդում պետք է փոփոխության «քամի» փչի,առանց դրա չի ստացվի:
5.Էդ բոլոր մարդկանց պետք է առաջնորդի ոչ միայն իշխանություն փոխելու մոտիվացիան,այլ կարճ ժամանակում ավելի բարեկեցիկ և ապահով կյանք ունենալու տեսլականը,մարդիկ ուզում են լավ ապրել,շատ գործիչներ մոռանում են էս կարևոր գործոնը և փորձում միայն բացասական ֆոնի տակ համախմբում կազմակերպել,ինչը չի ստացվում:
6.Պահը պետք է հասունացած լինի,ոչ ուշ լինի,ոչ շուտ:
7.Եվ վերջապես էս բոլոր կետերի իրականացմանը հետևող,գնահատող և կազմակերպող առաջնորդ է պետք,այլ ոչ թե գաստրալյորներ կամ օդի մեջ խոսողներ:
Եթե այս ամենը չկա ուրեմն մնացյալը պարապ ժամանակի վատնում է լինելու»,-գրել է նա: