Վերջ. այլևս հնչեցին Հայոց Եկեղեցու զորեղ զանգերը, արթնության և պատասխանատվության ղողանջները. Հայր Ասողիկ Կարապետյան

Առջևում ՄԱՅԻՍ 28-ն է: Արժանի՞ ենք այդ վսեմ խորհրդին, գրում է Մայր Աթոռ Սուրբ Էջմիածնի միաբան Ասողիկ աբեղա Կարապետյանը:

«Սիրելի հավատակիցներ, ազգակիցներ,

Վերջ. այլևս հնչեցին Հայոց Եկեղեցու զորեղ զանգերը, արթնության և պատասխանատվության ղողանջները:

Օրեր անց ՄԱՅԻՍ 28-ն է: Հայոց պետության վերականգնման նվիրական օրը, երբ Հայոց Եկեղեցու փայփայած ու պահպանված Հայոց պետականությունը փոխանցվեց, հիրավի, պետական գործիչներին՝ ի դեմս Արամ Մանուկյանի և մյուս անձնվեր այրերի:

Հայոց Եկեղեցու Գերագույն հոգևոր խորհրդի հայտարարությունն ամեն հայ քրիստոնյայի համար անվերապահ պատգամ է և առաքելություն: Արդ, այժմ է՛ ժամ գործով վկայելու մեր հայ քրիստոնյա լինելը, մեր պատկանելությունը մեր հարազատ, Ազգային Սուրբ Եկեղեցուն:

Քաղաքական դեմքեր և կուսակցություններ, դուք բոլորդ, որ այսքան ժամանակ չէիք կողմնորոշվում և նպատակային գործում՝ այլևս Արեգակի լույսից առավել ճառագայթեց ճշմարտությունը. Ձեր Ազգային Եկեղեցին Ձեզ վերստին հիշեցրեց Հայաստան պետության գոյությունը, Անկախության հռչակագիրը, Սահմանադրությունը, ազգային նպատակը և ծրագիրը:

Արդ, դուրս եկեք ստվերներից, էկրաններից, միավորվեցեք և գործեցեք՝ համաձայն սահմանադրական կարգի և իրավունքների:

Կամ կաք՝ որպես պետական-քաղաքական այրեր, կամ ի լուր համայն հայության հայտարարեցեք, որ ի զորու չեք առաջնորդելու, և Ազգն էլ կիմանա ինչպես պահպանի Հայրենիքը և ազգային նվիրական արժեքները, իղձերը, տեսլականը:

Առջևում ՄԱՅԻՍ 28-ն է: Արժանի՞ ենք այդ վսեմ խորհրդին»,- գրել է նա:

Այս թեմայով Երբ Բաբայանը խոսում էր շպիոնների մասին, այլևս հարց չի առաջանում՝ ինչու իրեն չձերբակալեցին Ոչ մեկս այլևս անվտանգ չենք Հայաստանի և որևէ կետում. Վրթանեսյան Սովորողների, աշխատողների կողմից կրթության իրավունքի խախտմանն ուղղված վարքագիծը հանգեցնելու է պատասխանատվության. ԵՊՀ Էթնիկ զտումների համար Ադրբեջանը պետք է պատասխանատվության ենթարկվի. Մարուքյան Ինչու է Հայոց լեզվի դասագրքի վրա ադրբեջանական դրոշ. աղմուկ է բարձրացել. «Ժողովուրդ» Սամանթա Փաուերը Ծիծեռնակաբերդում հարգանքի տուրք է մատուցել Հայոց ցեղասպանության զոհերի հիշատակին Ուր են և ինչու են լռում Հայաստանի խոշոր գործարարներն ու պաշտոնյաները. մաս 4. Կարեն Կարապետյան Նիկոլ Փաշինյանի ձեռամբ Արցախն այլևս հայտնվել է իր գոյությունը դադարեցնելու պարտադրանքի առջև. Խոսրով Հարությունյան Հայոց ցեղասպանություն 2023-ին. Օկամպոն անդրադարձել է ԱՀ-ի դեմ Ադրբեջանի ռազմական գործողություններին Անելանելի թվացող այս ծանր իրավիճակում չկա այլ ճանապարհ, քան համազգային համախմբումը. Ամենայն Հայոց Կաթողիկոսի ուղերձը