Հայաստան մեկ տոննա կոկաին ներմուծած «Մրգենի» ՍՊ ընկերության գնման բաժնի պետը ձերբակալվել է

ՀՀ ազգային անվտանգության ծառայության քննչական գլխավոր վարչությունում 2023 թվականի մայիսի 13-ին նախաձեռնված և իրականացվող թիվ 58221423 քրեական վարույթի նախաքննության ընթացքում կատարված լայնածավալ քննչական և վարութային այլ գործողությունների արդյունքում ձեռք բերված փաստական տվյալների հիման վրա քննիչի միջնորդությամբ հսկող դատախազի կողմից որոշում է կայացվել հանցավոր խմբի անդամ, «Մրգենի» ՍՊ ընկերության ներմուծումների և գնման բաժնի պետ Մ.Ղ.-ի նկատմամբ խմբի կազմում, նախնական համաձայնությամբ առանձնապես խոշոր չափերով թմրամիջոց ապօրինի իրացնելու և առանձնապես խոշոր չափերով թմրամիջոցի մաքսանենգություն կատարելու համար ՀՀ քրեական օրենսգրքի համապատասխան հոդվածներով հանրային քրեական հետապնդում հարուցելու մասին: Վերջինս դատարան ներկայացվելու համար ձերբակալվել է: Հայտնում է ԱԱԾ-ն։

Քրեական վարույթով շարունակվում են ձեռնարկվել ծավալուն և տարաբնույթ օպերատիվ-հետախուզական և քննչական ու վարութային այլ գործողություններ՝ կատարված հանցագործությունների ամբողջական պատկերի բացահայտման, դեպքերի հետ առնչություն ունեցած այլ անձանց ինքնությունները պարզելու, նրանց նկատմամբ հանրային քրեական հետապնդումներ հարուցելու և արդյունքում քրեական պատասխանատվության անխուսափելիության սկզբունքներն արդյունավետ կենսագործելու ուղղությամբ։

Ծանուցում. հանցագործության համար մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանած կարգով՝ դատարանի՝ օրինական ուժի մեջ մտած դատավճռով։

Այս թեմայով Էրդողանը «սադրանք» է անվանում Հայաստան-Ֆրանսիա ռազմական համագործակցությունը Նիկոլ Փաշինյանը Ղազախստանի նախագահին հրավիրել է Հայաստան․ հրավերն ընդունվել է Կաշառք ստանալու մեջ մեղադրվող Մարտունու ՌՈ տարածքային բաժանմունքի պետի վերաբերյալ քրեական վարույթը մեղադրական եզրակացությամբ ուղարկվել է դատարան Մասիս համայնքում ավազի ապօրինի արդյունահանում է իրականացվել. հանրային քրեական հետապնդում է հարուցվել ընկերության տնօրենի նկատմամբ Բոլորս էլ գոռում էինք «Արցախը Հայաստան է և վերջ». ԼՂ հարցը, սակայն, մինչև 2018-ն է լուծվել Բացահայտվել է 93-ամյա կնոջ սպանությունը․ ձերբակալվել է 24-ամյա համագյուղացին ՌԴ ՄԻՊ գրասենյակը 6 տոննա մարդասիրական օգնություն է ուղարկել Հայաստան «Շուկայի ազատականացումը ընկերության գործառույթներին որևէ կերպ չի խոչընդոտում». ՀԷՑ-ից արձագանքում են ՀՀ նախագահ Վահագն Խաչատուրյանի հայտարարություններին. «Փաստ» Գավառը հռչակվել է 2024 թ. երիտասարդական մայրաքաղաք Վահագն Խաչատուրյանն ընդունել է Լիտվա-Հայաստան բարեկամական խմբի պատվիրակությանը