Ովքեր են ԵՊՀ ձերբակալված դասախոսները

Այսօր տեղեկացանք, որ ԵՊՀ Տնտեսագիտության և կառավարման ֆակուլտետի դեկանն ու նույն ֆակուլտետի երեք դասախոս ձերբակալվել են` կաշառք վերցնելու համար: Հակակոռուպցիոն կոմիտեն հաղորդել է, որ․ «ՀՀ ազգային անվտանգության ծառայությունում նախաձեռնված և ՀՀ հակակոռուպցիոն կոմիտեում քննվող քրեական վարույթի շրջանակներում փաստական տվյալներ են ստացվել, որ Հայկ Սարգսյանը, 2000 թվականից զբաղեցնելով Երևանի պետական համալսարանի տնտեսագիտության և կառավարման ֆակուլտետի դեկանի պաշտոնը, նույն ֆակուլտետի ամբիոնի դոցենտ Գ. Տ.-ի և այլ դասախոսների հետ խմբի կազմում՝ 2023 թվականի փետրվարից մարտն ընկած ժամանակահատվածում, ֆակուլտետի տարբեր կուրսերում սովորող ուսանողների օգտին ապօրինի գործողություններ կատարելու դիմաց որպես կաշառք պահանջել և ստացել են տարբեր չափի գումարներ: 

Մասնավորապես՝ Գ. Տ.-ն, ֆակուլտետի ուսանողի օգտին ապօրինի գործողություններ կատարելու, այն է՝ առանց նրա գիտելիքները փաստացի ստուգելու վերջինիս դրական գնահատականներ նշանակելու գործընթացը կազմակերպելու համար, ուսանողից պահանջել է յուրաքանչյուր քննության համար 120.000-ական, ընդհանուր՝ 480.000 ՀՀ դրամ կաշառք, այնուհետև այդ մասին տեղեկացրել է ֆակուլտետի դեկան Հ. Ս.-ին: Ստանալով դեկանի համաձայնությունը՝ Գ. Տ.-ն վերջինիս հետ՝ նշված ուսանողին դրական գնահատական նշանակելու խնդրանքով դիմել են քննություններն ընդունող դասախոսներին: Արդյունքում ուսանողն առանց անհրաժեշտ գիտելիքների ստուգման ստացել է դրական գնահատականներ»:

«Հրապարակը» փորձեց ԵՊՀ Տնտեսագիտության և կառավարման ֆակուլտետից մեկնաբանություն ստանալ, թե ի վերջո ի՞նչ է տեղի ունեցել, ո՞ր դասախոսների մասին է խոսքը, ո՞վ կամ ովքե՞ր են նրանց կաշառք տվել, ապա հաղորդում ներկայացրել: Տնտեսագիտության ֆակուլտետի մեր աղբյուրի պնդմամբ, ձերբակալվածներն են` Տնտեսագիտության և կառավարման ֆակուլտետի դեկան, տնտեսագիտության դոկտոր Հայկ Սարգսյանը, ԵՊՀ դասախոսներ Գագիկ Տոնոյանն ու Արմեն Ներսիսյանը, մյուս դասախոսի անունը դեռևս հայտնի չէ իրենց: Մեր աղբյուրի խոսքով` կաշառքի միջադեպը կապված է նույն ֆակուլտետի հեռակա բաժնի ուսանողների հետ:

Ըստ մեր աղբյուրի` ԵՊՀ-ում առանձնապես ցածր առաջադիմությամբ սովորում են հիմնականում հեռակա բաժնի ուսանողները։ Ինչպես մեր աղբյուրն է ասում` առանց գրքի երես տեսնելու կուրսից կուրս են տեղափոխվում և եթե կաշառքի դեպք իսկապես եղել է, ապա ուսանողներն իրենք են նախաձեռնել կաշառք տալ, այլ ոչ թե դասախոսներն են պահանջել: Միևնույն ժամանակ` մեր աղբյուրը նշում է, որ ԵՊՀ ռեկտոր Հովհաննես Հովհաննիսյանն իր առջև խնդիր է դրել ազատվել բոլոր հին դեկաններից, նշանակելով այսպես ասած իր մարդկանց, այնպես որ շատ հնարավոր է, որ սա հենց ռեկտորի ձեռքի գործն է:

Հիշեցնենք նաեւ, որ Հայկ Սարգսյանը պարբերաբար քննադատում էր ՔՊ-ական իշխանություններին՝ իր վարած տնտեսական սխալ քաղաքականության համար՝ տարբեր հարցերում։

Այս թեմայով Արվեստի գործիչներից ովքեր են միացել տավուշցիների շարժմանը (տեսանյութեր) Ովքեր և ինչու ողջունեցին կամ չողջունեցին Տավուշում Հայաստանի կողմից զիջումների գնալու որոշումը. Անդրանիկ Թեւանյան Ձերբակալված տղային ծեծողներն ինչո՞ւ են դիմակավորված եղել․ վերևներում ո՞նց կիմանան իրենք էին, որ պարգևատրեն․ լրագրող Լրատվությունից իմացա, շատ բան չգիտեմ, չեմ հարցաքննվել․ Ավանեսյանը՝ ԱՆ ձերբակալված պաշտոնյանի մասին ԱԱԾ-ն պարզում է, թե ովքեր են կանգնած դպրոցներում սպասվող ահաբեկչությունների լուրերի հետևում (տեսանյութ) «Ժողովուրդ». Ջալալ Հարությունյանի գործով հարցաքննվել են 3 վկաներ․ ովքեր են նրանք Ովքեր իրենց համարում են Հիսուս Քրիստոս` բուժվում են, միայն մեր երկրում է, որ դա ասողը ղեկավարում է Անշիրիմ թող մնան բոլոր նրանք, ովքեր հարգանք չունեն հերոսների շիրիմներին մատուցելու համար. Էդգար Ղազարյան Պայմանագրային զինծառայողին դանակահարած անձը ձերբակալված է․ ՔԿ-ն նախաձեռնել է քրեական վարույթ Բնակարանային ապահովման աջակցությունից կօգտվեն նրանք, ովքեր կդառնան ՀՀ քաղաքացի. հանդիպում՝ արցախցիների հետ