ՊԵԿ-ը բացահայտել է Իրանի Իսլամական Հանրապետությունից առանց մաքսային վճարների վճարման խոշոր քանակի ապրանքների ներմուծման դեպք

Նախնական հաշվարկով պետությանը պատճառվել է շուրջ 170 միլիոն ՀՀ դրամի վնաս

ՀՀ ՊԵԿ հետաքննության և օպերատիվ հետախուզության, ներքին անվտանգության վարչություններն ու Հարավային մաքսատուն-վարչությունը, տնտեսական հանցագործությունների դեմ պայքարի շրջանակում, համատեղ բացահայտել են Իրանի Իսլամական Հանրապետությունից հանցավոր սխեմայի միջոցով, առանց մաքսային վճարների վճարման` ապրանքների ներմուծման դեպք:

Մասնավորապես, օպերատիվ տվյալներ էին ստացվել, որ մի խումբ անձինք պատրաստվում են հանցավոր ճանապարհով Իրանի Իսլամական Հանրապետությունից Հայաստանի Հանրապետություն ներմուծել մեծաքանակ կարագ և սերուցք` առանց մաքսային վճարների վճարման: Ստացված օպերատիվ տվյալներն իրացնելու նպատակով մշակվել և շուրջ ամիս ձեռնարկվել են բազմակողմանի և մեծածավալ հետախուզական միջոցառումներ:

Փաստական տվյալներ են ձեռք բերվել, որ մի խումբ անձանց կողմից կազմակերպվել և իրագործվել է հանցավոր սխեմա, որի արդյունքում, պարտականությունից ազատող փաստաթղթեր կեղծելու միջոցով՝ խուսափել են առանձնապես խոշոր չափի Այսպես, Հայաստանի Հանրապետությունում տեղակայված ռուսական 102-րդ ռազմաբազայի անունով 11 բեռնատարի միջոցով ՀՀ տարածք է ներմուծվել շուրջ 280 տոննա կարագ և սերուցք` ընդհանուր 750 հազար ԱՄՆ դոլար արժեքով:

Մինչև նշված բեռները կհասնեն ՀՀ տարածք, հանցավոր խմբի կողմից կազմվել և ՀՀ պետական եկամուտների կոմիտե է ուղարկվել կեղծ փաստաթուղթ, որով ՌԴ պաշտպանության նախարարության Հարավային ռազմական օկրուգի պաշտոնատար անձը հայտնում էր, թե 11 բեռնատարով ներմուծված ապրանքները նախատեսված են ՀՀ-ում տեղակայված ռուսական 102-րդ ռազմաբազայի կարիքների համար և պահանջում է անհապաղ ներմուծումն ազատել մաքսային վճարներից:

Ձեռնարկվող օպերատիվ-հետախուզական բազմակողմանիությունը և ամբողջականությունն ապահովելու, հանցավոր շղթայում ներգրավված բոլոր անձանց ինքնությունն ու դերակատարությունը, ինչպես նաև ներմուծված բեռների իրական սեփականատերերին պարզելու նպատակով հիշյալ համաձայնագրի շրջանակում բեռները բաց են թողնվել` ծածկագրված եղանակով` գտնվելով ՊԵԿ աշխատակիցների 24 ժամյա դիտման տակ:

Այդ ընթացքում  բեռնատարները Մեղրիի սահմանային անցակետից շարժվել են Երևան քաղաքում գտնվող մաքսային տերմինալ, որտեղ մաքսային ձևակերպումները կատարելուց հետո դուրս են եկել տերմինալից, սակայն չեն գնացել ռուսական 102-րդ ռազմաբազայի պահեստներ, այլ կայանվել են Երևանի մոտակայքում գտնվող ավտոկայանատեղիում և այնտեղ մնացել 3 օր: Այդ ընթացքում փաստական տվյալներ են ձեռք բերվել, որ ներմուծված բեռները որևէ առնչություն չունեն ռուսական  ռազմաբազայի հետ, միաժամանակ, ճշտվել են հանցավոր սխեմայի բոլոր դերակատարները:

Ձեռքբերված փաստական տվյալների հիմքով կատարվել է պետությանը պատճառված վնասի նախնական պատճառվել է շուրջ 170 միլիոն ՀՀ դրամի վնաս: Դեպքի առիթով, ՀՀ քննչական կոմիտեի տնտեսական հանցագործությունների և մաքսանենգությունների քննության գլխավոր վարչությունում, նախաձեռնվել է քրեական վարույթ:

Միաժամանակ, բոլոր բեռնատարները ՊԵԿ աշխատակիցների ուղեկցությամբ հիշյալ ավտոկայանատեղիից տեղափոխվել են ՊԵԿ հսկողության գոտի: Ծանուցում. հանցագործության համար մեղադրվողը համարվում է անմեղ, դեռ նրա մեղավորությունն Հանրապետության քրեական դատավարության կարգով՝ դատարանի՝ օրինական ուժի մեջ մտած դատավճռով:

Մանրամասները՝ տեսանյութում.

Այս թեմայով Մեկ օրում բացահայտվել է 63 հանցագործության դեպք. գրանցվել է 15 ավտովթար. զոհվել է 1, վիրավորվել 17 մարդ Դատավորը օրինականացրել է խոշոր գումար և հողամաս, պատճառվել է 1,8 մլրդի վնաս. քրգործ է հարուցվել Ստեղծված դժվարին ժամանակաշրջանում պետք է պահպանել ակտիվ հաղորդակցություն․ Փաշինյանը՝ Իրանի դեսպանին Երեք օրում բացահայտվել է 118 հանցագործության դեպք. գրանցվել է 31 ավտովթար. զոհվել է 1, վիրավորվել՝ 38 մարդ Ուր են և ինչու են լռում Հայաստանի խոշոր գործարարներն ու պաշտոնյաները. մաս 4. Կարեն Կարապետյան Իրանի ԶՈւ-ն կարող է խաղաղապահ առաքելություն ստանձնել. Mehr ՀՀ-ում Ֆրանսիայի և Իրանի դեսպանները քննարկել են տարածաշրջանային վերջին զարգացումները Սեպտեմբերի 20-ից 22-ը բացահայտվել է հանցագործության 86 դեպք․ ոստիկանություն Արցախում գիշերն անցել է առանց ռազմական բախումների. Դավիթ Թորոսյան Ողբերգական դեպք Երևանում․ «Սուրբ Աստվածամայր» բժշկական կենտրոնում 9 ամսական աղջնակ է մահացել