Վանաձորի բնակչուհին 7 գործընկերների հեռախոսներով առցանց կեղծ վարկային գործարքներ է կնքել և գումարներ հափշտակել

Պարզվել են Վանաձոր քաղաքի 28-ամյա բնակչուհու կողմից մի շարք գործընկերներից խարդախությամբ խոշոր չափի գումարներ հափշտակելու դեպքի հանգամանքները:

Ինչպես տեղեկացրին ՀՀ քննչական կոմիտեից, ՀՀ քննչական կոմիտեի Լոռու մարզային քննչական վարչությունում իրականացված քննչական և վարութային գործողությունների արդյունքում ձեռք բերված փաստական տվյալներով հիմնավորվել է, որ 28-ամյա կինը, աշխատելով Վանաձոր քաղաքում գործող կարի ֆաբրիկայում, իր անձնական կարիքները հոգալու նպատակով և կեղծ փաստաթղթեր կազմելով, դրամական միջոցներ հափշտակելու դիտավորությամբ, օգտվելով իր գործընկերների անուշադրությունից ու մոլորության մեջ գցելով նրանց, հափշտակել է տարբեր չափերի գումարներ:

«Մասնավորապես, գործընկերների բջջային հեռախոսներում տարբեր բանկերի և վարկային կազմակերպության բջջային հավելվածները ներբեռնելու և ակտիվացնելու պատրվակով, հավելվածների առկայության դեպքում՝ այլ պատրվակներով, վերցրել է նրանց բջջային հեռախոսները և առանձնացել նրանցից: Այնուհետև ներբեռնելով հավելվածները՝ գործընկերներից գաղտնի, նրանց անհատականացնող տվյալների օգտագործմամբ, առցանց եղանակով կնքել է վարկային պայմանագրեր՝ դրանցում ներառելով իրականությանը չհամապատասխանող տեղեկություններ, այդ թվում՝ գործընկերների՝ որպես վարկառու հանդես գալու և պայմանագրի դրույթներին համաձայնություն տալու մասին:

Այնուհետև օգտագործելով նշված էլեկտրոնային կեղծ փաստաթղթերը՝ խաբեության եղանակով, գործընկերների փոխարեն՝ իբրև որպես վարկառու, ստացել է վարկային կեղծ պայմանագրերով հատկացված գումարները հիշյալ գործընկերների հաշվեհամարներին, ապա վերը նշված բջջային հավելվածների միջոցով փոխանցելով մեկ այլ հաշվեհամարի, կանխիկացրել և տնօրինել է դրանք:

28-ամյա կնոջ կողմից նշված մեխանիզմով կատարված հանցավոր գործողություններից տուժել է 7 անձ, նա ամբողջությամբ վերականգնել է պատճառված վնասը»,- ասվում է հաղորդագրության մեջ։

Ըստ աղբյուրի՝ ձեռք բերված բավարար փաստերի հիման վրա Վանաձոր քաղաքի 28-ամյա բնակչուհուն մեղադրանք է ներկայացվել՝ ՀՀ քրեական օրենսգրքի 178-րդ հոդվածի 2-րդ մասի 2-րդ կետով, որը համապատասխանում է ՀՀ գործող քրեական օրենսգրքի 255-րդ հոդվածի 2-րդ մասի 3-րդ կետին (2 դրվագ) և 325-րդ հոդվածի 1-ին մասով որը համապատասխանում է ՀՀ գործող քրեական օրենսգրքի 457-րդ հոդվածի 1-ին մասին (9 դրվագ): Նրա նկատմամբ որպես խափանման միջոց է ընտրվել բացակայելու արգելքը:

Նշվում է, որ նախաքննությունն ավարտվել է: Քրեական վարույթի նյութերը, մեղադրական եզրակացությամբ, ուղարկվել են հսկող դատախազին՝ այն հաստատելու և դատարան ուղարկելու համար:

Հանցանքի համար մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով դատարանի` օրինական ուժի մեջ մտած դատավճռով:

Այս թեմայով Ոչ բարվոք վարկային պատմություն ունեցող կամ թմրանյութ օգտագործած ոստիկանը ատեստավորում չի անցնի Ռեկորդային գումարներ ենք ծախսել ԿԳՄՍ ոլորտում. Անդրեասյանը ներկայացնում է իրականացրած ծրագրերը Մեկնարկում է Հայաստան-Լատվիա հանդիպման տոմսերի առցանց վաճառքը Այս դատարկ իշխանության կեղծ արժեքները մերժելուց հետո կկարողանանք հաղթել ընթացող պատերազմը Քամու հետևանքով Երևանում մեծաթիվ ծառեր են տապալվել Ռուսական ալիքներով մեր մասին քննադատությունները քննարկում ենք գործընկերների հետ. Փաշինյան Ահա, թե ինչպես է մեկնաբանվում երեկ տեղի ունեցած «առևանգում» կոչվող կեղծ գարշաբեմադրությունը․ Իշխանյան Գյումրիում քովիդի դեմ պատվաստված լինելու կեղծ սերտեֆիկատներ են տրվել. նախաքննությունն ավարտվել է Ղազախստանն ու Չինաստանը համաձայնագիր են կնքել առանց վիզայի այցելությունների վերաբերյալ Հյուսիսկորեացի հաքերները 720 մլն դոլարի կրիպտոարժույթ են հափշտակել Ճապոնիայի հաշիվներից