Ռուսաստանը կփակի Սանկտ Պետերբուրգում Շվեդիայի գլխավոր հյուպատոսությունը

Շվեդիայի դեսպան Մալենա Մարդն այսօր կանչվել է Ռուսաստանի ԱԳՆ, որտեղ նրան հայտնել են ռուսաստանցի դիվանագետների արտաքսման պատասխան միջոցների մասին, այս մասին հայտարարություն է տարածել ՌԴ արտգործնախարարությունը:

Դիվանագետին հաղորդել են, որ Ստոկհոլմի առճակատման քաղաքականության պատճառով Մոսկվան որոշել է սեպտեմբերի 1-ից դադարեցնել Գյոթեբորգում Ռուսաստանի գլխավոր հյուպատոսության աշխատանքը։

«Միաժամանակ Շվեդիայի դիվանագիտական ​​ներկայացուցչության ղեկավարին տեղեկացրել են 2023 թ. սեպտեմբերի 1-ից ռուսական կողմից Սանկտ Պետերբուրգում Շվեդիայի գլխավոր հյուպատոսության գործունեության վերաբերյալ իր համաձայնությունը հետ կանչելու մասին», - նշել են գերատեսչությունում։

ՌԴ ԱԳՆ-ն բացահայտ թշնամական քայլ է որակել Ստոկհոլմի կողմից 2023 թ. ապրիլի 25-ին Շվեդիայում Ռուսաստանի արտասահմանյան ներկայացուցչությունների հինգ աշխատակիցներին պերսոնա նոն գրատա հայտարարելը։

«Շվեդական իշխանությունների այս գործողություններն է՛լ ավելի են խորացրել իրավիճակը երկկողմ հարաբերություններում, որոնք հասել են աննախադեպ ցածր մակարդակի, այդ թվում՝ Շվեդիայում շարունակվող ռուսաֆոբ արշավի արդյունքում», - ընդգծել են նախարարությունում։

Շվեդիայի դեսպանին տեղեկացրել են, որ ի պատասխան՝ ռուսական կողմը որոշում է ընդունել պերսոնա նոն գրատա հայտարարել հինգ շվեդ դիվանագետների, այդ թվում՝ Մոսկվայում Շվեդիայի դեսպանատանն առընթեր պաշտպանության հարցերով կցորդի աշխատակազմի երեք աշխատակիցների։

«Նրանց պատվիրվել է լքել Ռուսաստանի Դաշնությունն այն նույն ժամկետներում, որոնք շվեդական իշխանությունները հատկացրել էին ռուս դիվանագետների մեկնման համար», - եզրափակել են նախարարությունում։

Այս թեմայով Սանկտ Պետերբուրգ-Երևան չվերթի ժամանումից հետո հայտնաբերվել է պայուսակ, որում եղել է 10 հազար դոլար Շվեդիայի եւ Գերմանիայի հայ համայնքները հանդես են եկել Փաշինյանի հայտարարությունը դատապարտող հայտարարություններով Գնել Սանոսյանը Երևան ՋԷԿ ՓԲԸ-ի աշխատակազմին է ներկայացրել նոր գլխավոր տնօրենին Հայաստանի և Վրաստանի գլխավոր դատախազները քննարկել են երկուստեք հետաքրքրություն ներկայացնող մի շարք հարցեր Գլխավոր դատախազության աշխատակազմի ղեկավարը պետությունից 5 մլն դրամի աջակցություն է ստացել նոր կառուցվող տների աջակցության ծրագրով. Խանումյան ՌԴ «տանիքի» ներքո հայ նախկին օլիգարխները, գեներալները, նախկին գլխավոր դատախազը միասին քեֆ են անում Գլխավոր դատախազն այցելել է Սարդարապատի հուշահամալիր և ծաղիկներ խոնարհել հերոսների հիշատակին Ռուսաստանը հյուպատոսություն կբացի Սյունիքում Ռուսաստանը և Ուկրաինան հայտնել են փոխադարձ հարվածների մասին. քաղաքացիական բնակչության շրջանում կան զոհեր և վիրավորներ ԱԳ փոխնախարարն ու ՄԱԿ Գլխավոր քարտուղարի հատուկ խորհրդականը անդրադարձել են ԼՂ հումանիտար ճգնաժամին