Արարատում դանակահարության դեպքը տեղի է ունեցել ոչ թե դպրոցի տարածքում, այլ բնակավայրի հուշարձանի մոտ

Քանի որ հարցեր են ուղղվում ինձ Արարատի մազրում երեկ երեկոյան տեղի ունեցած դանակահարության դեպքի մասին, տեղեկացնում եմ հետևյալը, գրում է ՀՀ ՔԿ նախագահի մամուլի խոսնակ Գոռ Աբրահամյանը։

25.05.2023թ-ին՝ ժամը 22:40-ին, հաղորդում է ստացվել, որ «որովայնի թափանցող վիրավորում» ախտորոշմամբ «Արտաշատի ԲԿ» է ընդունվել Արտաշատ համայնքի Այգեզարդ բնակավայրի 22-ամյա մի բնակիչ:

Հաղորդում է ստացվել նաև այն մասին, որ մայիսի 25-ին՝ ժամը 22:00-ի սահմաններում նշված բնակավայրի Չկալովի փողոցի սկզբնամասում անձնական հարցերի շուրջ առաջացած վիճաբանության ժամանակ, երիտասարդին դանակի հարվածով վնասվածքը հասցրել է 2001թ-ին ծնված տղամարդ։

Դեպքի առթիվ մայիսի 26-ին ՀՀ քննչական կոմիտեի Արարատի մարզային քննչական վարչությունում ՀՀ քրեական օրենսգրքի 166-րդ հոդվածի 1-ին մասի հատկանիշով նախաձեռնվել է քրեական վարույթ:

Վնասվածքներ ստացած 22-ամյա երիտասարդը ճանաչվել է տուժող։ Առողջական վիճակի պատճառով վերջինիս հետ դեռևս քննչական համապատասխան գործողություն չի իրականացվել, վերջինս տեղափոխվել է Երևան քաղաքի բուժհաստատություններից մեկը՝ տացիոնար բուժման:

Մայիսի 26-ին, գիշերը, հայտնաբերվել և հանցանք կատարած լինելու անմիջականորեն ծագած հիմնավոր կասկածի հիմքով ձերբակալվել է 2001թ․ ծնված անձը, ով տվել է ինքնախոստովանական ցուցմունք։

Վարույթի շրջանակներում կատարվել է դեպքի վայրի զննություն, հարցաքննվել են մի շարք անձինք։  Նշանակվել է դատաբժշկական փորձաքննություն։ Հետաքննության մարմնին տրվել է օպերատիվ-հետախուզական միջոցառումներ իրականացնելու հանձնարարություն:

Նախաքննությունը շարունակվում է, ձեռնարկվում են համապատասխան միջոցառումներ՝ դեպքի հանգամանքնեը լիարժեք պարզելու նպատակով։

Այս պահին առկա տվյալներով՝ դեպքը բնակավայրի դպրոցում «Վերջին զանգի» միջոցառման փորձի, աշակերտների հետ առնչություն չունի, իսկ կոնկրետ դանակահարության դեպքը տեղի է ունեցել ոչ թե դպրոցի տարածքում, այլ բնակավայրի հուշարձանի մոտ։  

Ծանուցում. հանցանքի համար մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով դատարանի` օրինական ուժի մեջ մտած դատավճռով:

Այս թեմայով ՀՀ տարածքում կան փակ ավտոճանապարհներ Վայոց ձորում իրանական համարանիշերով բեռնատարը կողաշրջվել է Սամվելի դեպքը այլանդակության գագաթնակետն է, աղմուկը շատ էր, դրա համար կալանք չկիրառվեց Կհստակեցվեն դպրոցի վարչատնտեսական կառավարչի գործառույթները Վահան Կոստանյանը հանդիպում է ունեցել Սաուդյան Արաբիայի տեղեկատվական տեխնոլոգիաների նախարարի տեղակալ Ահմադ Ալ-Սայանի հետ Բագրատ Սրբազանը չի մասնակցի Ոսկեպարում Փաշինյանի հետ հանդիպմանը Որքան եկամուտ են ունեցել Բայդեն ամուսինները անցած՝ 2023 թվականին Դա էմոցիոնալ պոռթկում չէր, կանխամտածված էր․ Ասլանյանը` երթուղայինում տեղի ունեցած միջադեպի մասին Ցեղասպանության զոհերի անվանացանկի թեման պատմականորեն եղել է թուրքական քաղաքականության ուղեգիծը. Էդգար Էլբակյան ՀՀ տարածքում կան փակ ավտոճանապարհներ. Ստեփանծմինդա-Լարս ավտոճանապարհը բաց է