Ճապոնիայում ձերբակալել են զանգվածային սպանության կասկածյալին. զոհերի թիվն ավելացել է

Ճապոնիայի Նականո քաղաքում ոստիկանությունը ձերբակալել է 31-ամյա տղամարդու՝ կապված զանգվածային հրաձգության և դանակահարության հետ: Միջադեպի հետևանքով զոհերի թիվը հասել է 4-ի: Այս մասին հաղորդում է NHK-ն:

Ձերբակալված Աոկի Մասանորին Նականոյի քաղաքային ժողովի խոսնակ Աոկի Մասամիչիի որդին է:

Կասկածյալը երեկվանից փակվել էր իր հոր տանը: Նա տնից դուրս է եկել այս առավոտյան ժամը 4:30-ին, և ոստիկանությունը ձերբակալել է նրան:

Ինչպես ավելի վաղ հաղորդել էր «Արմենպրես»-ը, մայիսի 25-ին Ճապոնիայի Նագանոյի պրեֆեկտուրայում տղամարդը դանակահարել էր մեկ կնոջ, իսկ երբ դեպքի վայր էին ժամանել ոստիկանները, նա կրակ էր բացել նրանց ուղղությամբ՝ սպանելով երկուսին:

Ավելի ուշ հաստատվել է, որ դեպքի վայրում ևս մեկ կնոջ մարմին է հայտնաբերվել:

Կասկածյալը փախուստի էր դիմել և փակվել իր հոր տանը, որտեղից փախել էին երկու կանայք, այդ թվում՝ կասկածյալի մայրը:

NHK-ն նշում է, որ Ճապոնիայում հազվադեպ են հրաձգություններ տեղի ունենում, քանի որ այնտեղ շատ դժվար է հրազեն ձեռք բերելը: Անցյալ տարի, ըստ լրատվամիջոցի, հրազենի կիրառմամբ միայն 9 միջադեպ է տեղի ունեցել, որոնց հետևանքով 4 մարդ է մահացել:

Այս թեմայով 1.5 մլն զոհերի անուն-ազգանունները ճշտելը նշանակում է տրվել Թուրքիայի օրակարգին. Մարուքյան (տեսանյութ) ՀՀ 3-րդ նախագահ Սերժ Սարգսյանը թոռան հետ ծաղիկներ խոնարհեց Ցեղասպանության զոհերի անմար կրակի մոտ Քրեակատարողական և Հարկադիր կատարումն ապահովող ծառայությունները ևս հարգանքի տուրք են մատուցել Հայոց ցեղասպանության զոհերի հիշատակին Սուրեն Պետրոսյանը կոչ էր անում Տավուշում պայքարը շարունակել, նրան Փաշինյանի հրահանգով են ձերբակալել Փաշինյանը, Խաչատուրյանը և Ալեն Սիմոնյանը ծաղկեպսակներ դրեցին Ցեղասպանության զոհերի հուշակոթողի մոտ Գեղակերտի 62-ամյա բնակչի սպանության համար մեղադրանք է ներկայացվել վերջինիս որդուն Որոնվող 63-ամյա տղամարդու սպանության մեղադրանքով կալանավորվել է Կապանի բնակիչ Տավուշում ձերբակալել են «Մարտական եղբայրության» անդամներին Գազայի հատվածում զոհերի թիվը հասել է 34 049-ի (լուսանկարներ) Հայաստանից դրամական փոխանցումները դեպի Ռուսաստան նվազել են, դեպի ԱՄՆ՝ ավելացել