Իրանը բանտարկյալների փոխանակման շրջանակներում ազատ է արձակել բելգիացի Օլիվիե Վանդեկաստելին

Իրանն ազատ է արձակել հումանիտար ոլորտում աշխատող բելգիացի Օլիվիե Վանդեկաստելին գրեթե 15 ամիս կալանքից հետո: Իրանի և Բելգիայի միջև տեղի է ունեցել բանտարկյալների փոխանակում, որին նպաստել է Օմանը: Այս մասին հաղորդում է France24 պարբերականը:

Բելգիայի վարչապետ Ալեքսանդր դե Կրոն ասել է, որ Վանդեկաստելը ժամանել է Օման և հավելել. «Եթե ամեն ինչ ընթանա ըստ նախատեսվածի, ապա նա մեզ հետ կլինի այսօր երեկոյան»։ Բելգիայի վարչապետի խոսքով՝ Օլիվիեն Թեհրանի բանտում է անցկացրել 455 օր։

Օմանի արտաքին գործերի նախարարությունն իր հերթին հայտարարել է, որ նպաստել է «փոխանակման գործարքի» կնքմանը՝ հավելելով, որ Բելգիայում պահվող մեկ իրանցի էլ մեկնել է Թեհրան:

Կառավարություններից ոչ մեկը չի բացահայտել ազատ արձակված իրանցու ինքնությունը, սակայն Թեհրանը պահանջում էր ազատ արձակել դիվանագետ Ասադոլլահ Ասադիին, որը Բելգիայում բանտարկված է 2018 թվականին Փարիզի մոտ իրանական ընդդիմության ցույցի ժամանակ ռմբակոծություն իրականացնելու փորձի համար:

Բելգիան միշտ պնդել է, որ Վանդեկաստելն անմեղ է, իսկ նրա դատավարությունը՝ կեղծված: Անցյալ տարվա հունվարին Օլիվիե Վանդեկաստելը լրտեսության համար դատապարտվել էր 40 տարվա ազատազրկման և մտրակի 74 հարվածի:

Այս թեմայով Հայաստանում Ֆրանսիայի դեսպան Օլիվիե Դըկոտինյին Հայոց ցեղասպանության տարելիցին նվիրված գրառում է արել Էդ Երկրապահ կոչեցյալը երկրորդ անգամ ա մարդկանց վրաերթի ենթարկում ու ազատ ման ա գալիս. Դանիելյան (տեսանյութ) Իրանը «հարգում է» Ադրբեջանի և Հայաստանի միջև ձեռք բերված պայմանավորվածությունները Տարածքների փոխանակման մասին խոսակցությունները հիմք չունեն. ՔՊ պատգամավոր, Նիկոլ Փաշինյանի քավոր Վահե Ղալումյան Դպրոցում աշակերտը պնևմատիկ ատրճանակով կրակոց է արձակել իր հետ վիճաբանողների ուղղությամբ Տարածքների փոխանակման հարցը շատ լուրջ հանրաքվեի անհրաժեշտություն ունեցող հարց ա. Նիկոլ Փաշինյան Իրանը «անհապաղ պատասխան չի տալու» Իսրայելին. Reuters Իրանը խոստացել է վայրկյանների ընթացքում պատասխանել իսրայելական հարձակմանը Կոչ ենք անում իրավապաշտպան կառույցներին գնահատական տալ Հայաստանում խոսքի ազատության իրավունքը ճնշելու իշխանության քաղաքականությանը. AntiFake.am «Անտիֆեյք»-ի լրագրողն ու օպերատորը բերման են ենթարկվել, ապա ազատ արձակվել