«Իմ հասցեին հնչեցվել են սիրողական մակարդակի քննադատություններ, բացահայտ զրպարտանքներ ու վիրավորանքներ». Արցախի պետնախարար

Կառավարության գործունեության և տարբեր պաշտոնատար անձանց, այդ թվում իմ հասցեին վերջերս հնչեցվել են սիրողական մակարդակի քննադատություններ, բացահայտ զրպարտանքներ ու վիրավորանքներ, հայրենափրկության անվամբ ներկայացվող քաղաքական գործընթացների տակ քողարկված հայտարարություններ: Այս մասին գրառում է կատարել Արցախի պետնախարար Գուրգեն Ներսիսյանը։
 
«Դրանցից որոշների բովանդակությունից ակնհայտ է դառնում, որ դրանց հեղինակները բացարձակ տեղեկացված չեն պետական կառավարումից, պետական համակարգից և այս կամ այն գործընթացին պետության միջամտության հնարավորություններից ու սահմանների թույլատրելիությունից, Արցախում ստեղծված իրավիճակից, որևէ դերակատարություն չունեն այդ իրավիճակից բխող խնդիրները մեղմելու գործում։

Ես բազմիցս եմ հայտարարել, որ գործադիր իշխանության ներկայացուցիչը պետք է լինի հանդուրժող ու քննադատության մտավախությունից զերծ, բայց դա չի նշանակում, որ ճշմարտությունը չներկայացնելով կամ զրպարտանքները չհերքելով պետք է թույլ տանք միասնականություն և համախմբվածություն քարոզող ոմանց ապատեղեկատվությամբ շեղելու կամ թունավորելու հասարակությանը:
 
Այդ նպատակով առաջիկա օրերին կհրավիրեմ մամուլի ասուլիս և կներկայացնեմ վերջին երեք ամսում կառավարության կողմից կատարված աշխատանքները և մի շարք գործընթացների վերաբերյալ իմ գնահատականները, դրա շրջանակում կանդրադառնամ նաև վերոհիշյալ հայտարարություններին:
 
Միաժամանակ ուզում եմ իմ երախտագիտությունը հայտնել Ստեփանակերտում և հեռավոր գյուղական համայնքներում ապրող մեր բազմաթիվ այն հայրենակիցներին, ովքեր զգալով կառավարության կողմից իրականացվող մեծածավալ աշխատանքները, կանգնել են մեր կողքին և իրենց ակտիվ ներգրավվածությամբ ու ամենօրյա աշխատանքով նպաստում են կառավարության գործունեության ընթացքում թույլ տրվող թերություններն ու բացթողումները շտկելուն, իրենց կարգապահությամբ ու բարեխղճությամբ օրինակ են ծառայում մյուսների համար:

Շնորհակալություն եմ հայտնում Հանրային խորհրդի անդամներին հանրությանը հուզող հարցերը պարբերաբար մեզ ներկայացնելու և դրանց լուծմանն աջակցելու համար:
 
Շնորհակալություն եմ հայտնում հասարակական կազմակերպությունների ներկայացուցիչներին, զոհված զինծառայողների ծնողներին, հարազատներին, ովքեր իրենց վիշտն ու խնդիրները թողած՝ սրտացավորեն կանգնել են կառավարության կողքին և անձնուրաց նվիրվածությամբ, պատասխանատվությամբ և հոգատարությամբ են վերաբերում սեփական երկրին ու ժողովրդին՝ սատար ու աջակից լինելով ցանկացած իրավիճակում»,- գրել է նա:

Այս թեմայով Բողոքի ակցիա դիվանագիտական ներկայացուցչությունների դիմաց՝ ի աջակցություն Արցախի. ՈՒՂԻՂ «Արցախի վերածնունդ ենք ունենալու». ինչպես են աշակերտները դիմավորում բռնի տեղահանված դասընկերոջը «Կար ժամանակ, երբ խաղաղ էր Արցախի երկինքը, իսկ մենք հաղթանակած սերունդ էինք». Արփի Գաբրիելյան (տեսանյութ) «Նույնիսկ Արցախի նկատմամբ ադրբեջանական վերահսկողությունը շատերին ռացիոնալության դաշտ չբերեց» Արցախի նախկին նախագահները Երեւան չեն տեղափոխվել ԵԱՀԿ Մինսկի համանախագահները հանդիպում էին Արցախի ղեկավարության հետ, խոսում էին տեռորիստների հե՞տ, իսկապե՞ս. Օսկանյան Արցախի նախագահը դեռ կմնա Արցախում․ հայտարարություն Չհուսահատվե՛ք, չընկրկե՛ք, սատանայի կամքին չհանձնվե՛ք․ Արամ Ա-ն Արցախի զորակցական աղոթք է կատարել Ադրբեջանը Հայաստանն ամբողջությամբ ներկայացնում է իբրև իրենց պատմական երկիր՝ բացահայտ կեղծիքներով. Արման Թաթոյան Արևմուտքի համար Ալիևը «լավ» բռնապետ է ու իրեն չեն պատժելու. ադրբեջանագետ