Առաջին հանրապետությունը երկար կյանք չունեցավ, բայց անուրանալի դասեր թողեց հայոց պատմության էջերում

ՀՀ ԱԺ նախագահ Ալեն Սիմոնյանի շնորհավորական ուղերձը Հանրապետության տոնի առթիվ․

«Սիրելի՛ հայրենակիցներ,

Շնորհավորում եմ Առաջին հանրապետության տոնի առթիվ:

Հանրապետության քաղաքացի լինելը, որքան էլ այդ ժամանակների համար անծանոթ իրողություն էր, այնուամենայնիվ, նոր դարաշրջանի սկիզբն էր, որն անշրջելի էր լինելու ժողովրդավարության եւ մեր օրերի Հանրապետությանը հասնելու համար:

Մեր ժողովրդի համար օրհասական պահին ստեղծված Հանրապետությունը ինքնակազմակերպման, ընտրությունների միջոցով կամարտահայտության եւ ազատատենչության կարեւոր մարմնավորումն էր:

Ամեն տարի այս օրը մենք հպարտությամբ ենք հիշում 1918 թվականի մայիսի 28-ին Սարդարապատի, Բաշ-Ապարանի, Ղարաքիլիսայի հերոսամարտերը, մեր հերոսներին, որոնց անհավանական սխրանքները փառավորում են մեր ինքնությունը, սնում մեր էությունը: Եվ ինչպես մեր գոյամարտի վերաբերյալ տարբեր աշխատություններում է գրված. «Ճակատամարտը շահված էր, Հայաստանը՝ փրկված»:

Առաջին հանրապետությունը երկար կյանք չունեցավ, բայց անուրանալի դասեր թողեց հայոց պատմության էջերում, որոնք ուսումնասիրման, առերեսման եւ խորհելու մեծ հնարավորություն են տալիս սերունդներին:

1918 թվականը մեր երկրի վերածննդի խորհրդանիշն է ու ժառանգությունը, մեր պետականության հիմնաքարը, որի դրական եւ մնայուն արժեքները պահպանելու եւ ամրացնելու պատասխանատվություն ունենք:

Շնորհավոր տոնդ Հայաստանի առաջին հանրապետություն, հարգանք եւ խոնարհում պետականության ճանապարհին ընկած հերոսների եւ այն կերտող պետական գործիչների հիշատակին»։

Այս թեմայով Սամանթա Փաուերը Ծիծեռնակաբերդում հարգանքի տուրք է մատուցել Հայոց ցեղասպանության զոհերի հիշատակին «Նիկոլը չէր հանձնի Արցախը, եթե ՀՀ-ում մարդիկ թույլ չտային դա անել»․ այս միտքը կանցնի պատմության մեջ Խարդախության զոհ է դարձել Երևան քաղաքի առաջին ատյանի դատարանի առաջատար մասնագետը. նրանից կորզել են 1 մլն դրամ Արցախյան շարժման առաջին օրերին այսպիսի համախմբվածությունն էր տիրում Դժոխքի մեջ մի կտոր կյանք․ Մարտակերտն այս պահին (լուսանկարներ) Հայոց ցեղասպանություն 2023-ին. Օկամպոն անդրադարձել է ԱՀ-ի դեմ Ադրբեջանի ռազմական գործողություններին «Ստեփանակերտում իրավիճակը լարված է, բայց ադրբեջանցիների կողմից ոչ մի ճնշում չկա խաղաղ բնակչության վրա» ՌԴ խաղաղապահներ Կրկժանը դատարկ է անվտանգության բարձր ռիսկերի պատճառով․ ադրբեջանական ուժերը մտել են առաջին տներ «Հրապարակ». Պատրաստ են գետնին քնել, բայց չվերադառնալ տուն Խաղաղապահները ապաստարան են տվել, բայց այլեւս չեն կարող նրանց սնունդ բաժանել. «Հրապարակ»