Շիրակի մարզպետի «հպարտության» առիթը և «բուռն» աշխատանքի իմիտացիան

Այն, որ ՔՊ-ական մարզպետները մեղմ ասած պարապուրդի են մատնված՝ որևէ մեկի համար գաղտնիք չէ, վերջիններս ոչ ասուլիսներ են տալիս, ոչ իրենց աշխատանքի հաշվետվություններն են ներկայացնում, ոչ էլ մարզի բնակչության հետ հանդիպումներ են անցկացնում: Եթե անցկացնում էլ են, ապա հազվադեպ, ինչպես ասում են՝ միայն մեծ տոներով:

Շիրակի մարզպետ Մուշեղ Մուրադյանը նույնպես բացառություն չէ: Չնայած ի տարբերություն մյուս մարզպետների, Մուրադյանի մոտ գոնե աշխատանքի իմիտացիա անելն է լավ ստացվում: Օրինակ, վերջինս որոշել է նոր գյուղ հիմնել, ինչպես ինքն է ասում՝ կատարել ջրաձորցիների երկար տարիների երազանքը: Կկատարի, թե ոչ՝ ժամանակը ցույց կտա, սակայն պաթոսախառն անոնսը արդեն արված է:

Ընդհանրապես մարզպետի ֆեյսբուքյան էջը լի է միայն վերջինիս կողմից հնչեցրած շնորհավորանքներով, կամ տոնական առիթներով այս կամ այն հուշահամալիր այցելելություններով:

Կամ կիսվում  է կարտոֆիլի ցանքսի մեկնարկի մասին լուրով՝ խորհրդային միությունների կոլխոզների ղեկավարների լավագույն ավանդույթների շրջանակներում։

Իսկ բուռն աշխատանքի իմիտացիայի կուլմինացիան, անշուշտ, մարզի մուտքի մոտ նոր ցուցանակն է, որի տեղադրումը այնպես են ներկայացրել, ասես լուծել են դոմիկներում մինչ օրս բնակվող հարյուրավոր քաղաքացիների ՝ տասնյակ տարիներ ձգվող խնդիրը կամ մարզը ներդրումային բումի ռեկորդ է խփել։

Մարզպետը հպարտանում է նաև այն հանգամանքով, որ 2023 թվականի մայիսի 1-ի դրությամբ 2022 թ․ նույն ժամանակահատվածի համեմատ 103-ով ավելի ծնունդ է գրանցվել՝ ծնունդների թիվը 809 է եղել։ Թե ինչով է նպաստել դրան մարզպետարանը՝ դժվար է ասել:

Նշենք, որ մարզպետի պաշտոնավարման առաջին 100 օրերի ընթացքում քաղաքացիների ընդամենը 5 այցելություն է կազմակերպվել, ինչը անչափ վատ ցուցանիշ է իրենց ժողովրդի ծոցից ելած իշխանություն անվանող քաղաքական ուժի ներկայացուցիչների համար

Այս թեմայով Շիրակի մարզի Ախուրյան համայնքի Գետք բնակավայրում փորձարկվելու է շչակ Շիրակի մարզպետի գլխավորությամբ Մարալիկում տեղի է ունեցել մարզխորհրդի արտագնա նիստը Շիրակի թեմի առաջնորդարանում հանդիպում է կայացել, քննարկել են հայրենատիրական պայքարի ձևավորման հարցը Շիրակի մարզում ձյուն է տեղում «Ժողովուրդ». Փաշինյանը պաշտոնա՞նկ կանի Շիրակի մարզպետին Արտուր Հարությունյանը նշանակվել է Շիրակի մարզի առաջին ատյանի ընդհանուր իրավասության դատարանի դատավոր Շիրակի մարզպետարանի 2 աշխատակիցները կալանավորվել են Շիրակի մարզի որոշ բնակավայրերում դադարեցվել է գազամատակարարումը Շիրակի մարզում, Ապարանի տարածաշրջանում և Ջերմուկում ձյուն է տեղում Բնակարանային պայմանների բարելավման հնարավորություն կընձեռվի Լոռու և Շիրակի մարզի տարբեր բնակավայրերում բնակվող 181 ընտանիքի. «Փաստ»