Ռուսաստանն ու Ադրբեջանը խորհրդակցություններ են անցկացրել

Ադրբեջանն ու Ռուսաստանը երեքշաբթի Մոսկվայում խորհրդակցություններ են անցկացրել Կասպից ծովի խնդիրների շուրջ։ Այս մասին հայտնում է Ադրբեջանի արտաքին գործերի նախարարության կայքը, հաղորդում է Gazeta.ru-ն։

Նախարարությունից հայտնում են, որ հանդիպմանը ադրբեջանական կողմը ներկայացրել է փոխարտգործնախարար, Ադրբեջանի նախագահի սահմանային և Կասպից ծովի հարցերով հատուկ ներկայացուցիչ Խալաֆ Խալաֆովը։ Ռուսական կողմը ներկայացրել է ՌԴ նախագահի՝ ԱՊՀ երկրների հետ ՌԴ պետական ​​սահմանի սահմանազատման և սահմանագծման հարցերով հատուկ ներկայացուցիչ և Կասպից ծովի բազմակողմ բանակցություններում ռուսական պատվիրակության ղեկավար Միխայիլ Պետրակովը։

Նշվում է, որ խորհրդակցություններին քննարկվել է Կասպից ծովում հնգակողմ համագործակցությանն առնչվող հարցերի լայն շրջանակ։ Նշվել է 2022 թվականի հունիսի 29-ին մերձկասպյան երկրների վեցերորդ գագաթնաժողովում ընդունված որոշումների կատարման կարևորությունը»,- ասված է հաղորդագրության մեջ։

ԱԳՆ-ից հայտնում են, որ խորհրդակցությունների ընթացքում մտքերի փոխանակություն է տեղի ունեցել մերձկասպյան երկրների միջև ոլորտային համագործակցության վերաբերյալ համաձայնագրերի նախագծերի շուրջ, որոնք գտնվում են համակարգման փուլում։ Բացի այդ, հանդիպման ընթացքում քննարկվել են Կասպից ծովի տարածաշրջանում անվտանգության հետ կապված հարցեր։

Այս թեմայով Ադրբեջանը հրապարակել է «վերաինտեգրման ծրագիրը» Ֆրանսիա-Ադրբեջան պատգամավորական բարեկամության խումբը դադարեցնում է իր գործունեությունը Ամենասարսափելին առջևում է. ՀՀ իշխանությունը կարող է այդ մարդկանցից շատերին հանձնել Ադրբեջանին. Aravot.am ՀՀ-ն Արցախում ռասսայական խտրականության գործով հայց է ներկայացրել Ադրբեջանի դեմ Եվլախում Ադրբեջանին առաջարկվել է Արցախում կազմակերպել բջջային կապի ծառայությունները Ադրբեջանի ԱԳ նախարարը և ՌԴ նախագահի խորհրդականը քննարկել են ԼՂ-ին առնչվող մի շարք հարցեր Ում մեքենայում է եղել Ադրբեջանի ԱԱԾ-ի կողմից ձերբակալված Դավիթ Մանուկյանը. ArmLur.am Ադրբեջանի հերթական վանդալիզմը Ադրբեջանում ձերբակալում են Արցախում Բաքվի գործողությունները քննադատող ակտիվիստներին Ադրբեջանը թարմացրել է իր զոհերի թիվը