«Աշխարհի ամենահրաշալի բանը երաժշտության հետ առնչվելն է». Էդգար Խաչատրյան

Աշնանը Լոս Անջելեսում մեծ պրեմիերա է սպասվում.  երաժշտասեր հանրությանը ներկայացվելու է՝ Կոմիտաս։ Բայց այն  զուտ համերգային երեկո չի լինելու:

Թեև կազմակերպիչները շատ փակագծեր չեն բացում, տեղեկացանք, որ Կոմիտասի դերերգով հանդես  է գալու ժողովրդական  և օպերային երգիչ  Էդգար Խաչատրյանը։

Էդգարն այն եզակի երգիչներից է, ում կոմիտասյան կատարումներն  ընդգրկվել են  «Նարեկացի» արվեստի միության կողմից հրատարակված  «Հարսանյաց ծեսն ու Կոմիտասը»  ձայնասկավառակում։ Էդգարը հանդես է գալիս յուրահատուկ ոճում՝ միախառնելով դասականն  ու ժողովրդական երգեցողությունը։

Արդեն երկու տարի է՝ Էդգարը բնակություն է հաստատել ԱՄՆ-ում ու առաջին իսկ օրվանից ձեռնամուխ է եղել հայ երգի տարածման  ու  հանրահռչակման գործին։

DLI Armenian Program-ի  ուսուցիչ-մասնագետ  Միգանուշ Մելքոնյանի հրավերով Էդգարն  այցելում է ԱՄՆ-ում գործող երկու հեղինակավոր դպրոցներ՝  R&D White Elementary School  և Thomas Jefferson elementary school՝  երեխաներին   ծանոթացնելու  հայ  և  համաշխարհային  երգարվեստի գոհարներին, կատարում   համաշխարհային օպերաներից հատվածներ։ Սա դառնում է պատճառ, որ Էդգարին պարբերաբար են հրավիրում Լոս Անջելեսում  մեծ ճանաչում ունեցող դպրոցներ՝ մաստեր-կլասներ անցկացնելու համար։

«Այս հանդիպումների ընթացքում ես բացահայտեցի շատ տաղանդավոր երեխաների  և նրանցից 4-ի հետ արդեն ստեղծել ենք փոքր խումբ, որոնք պարբերաբար ելույթ են ունենում ամերիկյան հեղինակավոր դպրոցներում, որտեղ  մեծ տեղ են հատկացնում հայկական երգ, երաժշտությանը»,- պատմում է Էդգար Խաչատրյանը։

Էդգարը հիշարժաններից  մատնանշում է Ծաղկազարդին, Մեծ Եղեռնին  նվիրված  համերգները։

Նա նշում է, որ  նման համերգների ավարտին միշտ լինում է զրույց հանդիսատեսի հետ։ Ու ամեն անգամ հաճելիորեն զարմանում է, երբ հայկական երգն ու երաժշտությունը ո՛չ միայն հայ հանդիսատեսին է հետաքրքրում։

«Երբ  մեր հայրենակիցներն են  հետաքրքրություն  ցուցաբերում հայկական  երգարվեստի նկատմամբ,  դա հասկանալի է, բայց առավել հաճելի  ու զարմանալի է, երբ Կոմիտասի, Սայաթ Նովայի, Խաչատուր Ավետիսյանի մասին  ցանկանում են  լսել ամերիկացի երխաները։ Ու ես ամեն անգամ մեծ հաճույքով եմ նրանց պատմում այդ մարդկանց մասին»,- ասում է Էդգարը։

Ազգային երգարվեստում նշանակալի ավանդի համար  2011թ. ՀՀ մշակույթի նախարարության Ոսկե մեդալի  արժանացած Էդգար Խաչատրյանն  իրեն հաջողակ մարդ է համարում, ասում է, որ եթե նորից ծնվեր, դարձյալ երգիչ էր դառնալու. «Աշխարհի ամենահրաշալի բանը երաժշտության հետ առնչվելն է։ Արդեն երգում եմ 20 տարուց ավելի ու ամեն անգամ երգելուց ինձ թվում է՝ ճախրում եմ երկնքում»։

Էդգար Խաչատրյանն առաջիկայում նախատեսում  է  հանդես գալ մեծ մենահամերգով՝ կենդանի նվագակցությամբ՝ ԱՄՆ-ի մի քանի քաղաքներում։

Նա  երաժշտությունն ու  արվեստը համարում է լավագույն միջոցը՝ արտահայտելու սերն   ու  նվիրվածությունը իր հայրենիքին ու ժողովրդին:

Արմինե Գևորգյան

Այս թեմայով Ի՞նչ է թաքցնում հանրությունից և ԶԼՄ-ից «Տեղեկատվության ազատության մասին» օրենքը կոպտորեն խախտած Գարեգին Խաչատրյանը 19 000 արցախցի է այս պահին հատել Կոռնիձորը, որից 2500 արդեն իրենց տեղակայման վայրերում են. Խաչատրյան Արցախից ՀՀ Ժամանող յուրաքանյուր մարդ պետք է վստահ լինի, որ կունենա կեցության պայմաններ. Խաչատրյան Հողերը տալո՞վ ես Հայաստանը պահում. աշխարհի չեմպիոնը՝ Փաշինյանին Ուր են և ինչու են լռում Հայաստանի խոշոր գործարարներն ու պաշտոնյաները. մաս 1. Գագիկ Խաչատրյան Եկեղեցին երբեք չի կարող համակերպվել այն իրողության հետ, որ Արցախը ադրբեջանական է․ փաստ է՝ Արցախը բնիկ հայկական հողատարածք է. Արշակ Արքեպիսկոպոս Խաչատրյան Ալեքսանյանը, Ղարիբյանը և Խաչատրյանը սկսում են պայքարն ըմբշամարտի աշխարհի առաջնությունում Արցախի ՊԲ-ն շատ կարճ ժամանակի խնդիր կարող էր լուծել, ոչ ավելին, ինչը պատվով արեց. Խաչատրյան Ողջ աշխարհի հայ ժողովուրդը պետք է հավաքվի, մենք պետք է գնենք զենքեր, պետք է վերադառնանք ուժեղ, մեծ հաղթանակով․ Լիլի Պողոսյան Ազատ ոճի ըմբշամարտի հավաքականը պատմական արդյունք է գրանցել աշխարհի առաջնությունում