Կսկսի արդյո՞ք Արսեն Թորոսյանը «կոմպրոմատների պատերազմը»

Համավարակի ընթացքում կատարված չարաշահումների գործով կհարցաքննվի այդ ժամանակ առողջապահության նախարարի պաշտոնը զբաղեցրած Արսեն Թորոսյանը։ Այս մասին այսօր՝ մայիսի 31-ին, լրագրողների հետ զրույցում ասաց Հակակոռուպցիոն կոմիտեի նախագահ Սասուն Խաչատրյանը։

«Ինձ թվում է՝ հարցաքննության կարիքը կա, կհարցաքննենք, որովհետեւ ամեն դեպքում Արսեն Թորոսյանն է զբաղեցրել Առողջապահության նախարարի պաշտոնը, եւ պարոն Թորոսյանը պետք է իր վերաբերմունքը ցույց տա այդ իրողությունների վերաբերյալ, ինչպես նաեւ քննությունն էլ մի շարք հարցեր ունի»,- ասել էր Խաչատրյանը։

Հիշեցնենք, որ Հակակոռուպցիոն կոմիտեն քրեական վարույթ է նախաձեռնել 2020-2021 թվականներին Կորոնավիրուսի դեմ պայքարի ընթացքում կատարված չարաշահումների առնչությամբ։ Գործի շրջանակում մեկ ամսով կալանավորվել էր Երևանի փոխքաղաքապետ, առողջապահության նախկին փոխնախարար Գևորգ Սիմոնյանը։ ըստ Հակակոռուպցիոն կոմիտեի, այն ժամանակ Առողջապահության փոխնախարար եղած Սիմոնյանը, պատասխանատու լինելով պետական ֆինանսավորման բաշխման համար, քավոր-սանիկական կապ ունենալով «Մեդլայն» կլինիկայի տնօրեն Բաբկեն Շահումյանի հետ, բավարար վերահսկողություն չի իրականացրել, ինչի հետեւանքով «Մեդլայն Կլինիկ» ԲԿ–ի տնօրենը հափշտակել է շուրջ 120 միլիոն դրամ։ Շահումյանը կալանավորված է։

Ուշագրավ է, որ Արսեն Թորոսյանը շաբաթներ առաջ հանդես էր եկել գրառմամբ, որում տողատակով ակնարկում էր, որ եթե քրեական գործի քննությունը մոտենա ընդհուպ իրեն, ապա ինքը բավականաչափ ասելիք ունի: Շատերի կարծիքով՝ այդպիսով Թորոսյանը հասկացնում էր, որ իրեն քրեական գործի մեջ ներգրավվելու դեպքում որոշ կոմպրոմատներ են ջրի երես դուրս գալու, ասել է թե՝ Թորոսյանը շատ ավելի բարձրաստիճան պաշտոնյաների անուններ էր պատրաստվում հնչեցնել: Այժմ հարց է առաջանում՝ կգնա՞ Արսեն Թորոսյանը կոմպրոմատների պատերազմի, թե կոմպրոատների մասով կոնսենսուս է ձեռք բերվել և հակառակը՝ քրեական գործի շրջանակներում հարցաքննվելը Թորոսյանին մաքրելու հնարավորություն կընձեռի: Ամեն դեպքում, չնայած առողջապահության նախկին նախարարի մեսիջների՝ հակակոռուպցիոն կոմիտեն՝ ի դեմս Սասուն Խաչատրյանի, չի պատրաստվում ընկրկել...

Այս թեմայով Արցախում գիշերն անցել է առանց ռազմական բախումների. Դավիթ Թորոսյան 12։50-ի դրությամբ թշնшմին չի հասել և դրոշ չի դրել Ստեփանակերտի հրապարակում. Դավիթ Թորոսյան Այժմ ևս մերթընդմերթ լսվում են պայթյունների ձայներ, նկատելի են հարվածներից հետո ծխացող օջախներ. Դավիթ Թորոսյան ԱԱ. Արսեն Հարությունյանը համառ պայքարում պարտվեց աշխարհի չեմպիոնին Ժամանակին նախարար Արսեն Թորոսյանին չէին հետաքրքրում մրցակցությունն ու բիզնես շահը. Բադալյան Արսեն Թորոսյանը դժգոհ է ՔՊ-ականների օրինագծից, անվանում է «հակամրցակցային ու խտրական» Պարո՛ն Թորոսյան, անգամ ամենազարգացած երկրներում կան մարդկանց անուններով պետհամարանիշներ. Արշակյան «Ռեալ Սոսյեդադը» վատ լուր է հայտնել Զախարյանի առողջական վիճակի մասին Հնարավո՞ր է՝ 2024-ից այլևս ներքին այրման շարժիչով ծառայողական մեքենա ձեռք չբերվի. Թորոսյան Սոթքում զոհված 37-ամյա Արսեն Մկրտչյանը վարժական հավաքի մասնակից էր․ չհասցրեց տեսնել երրորդ զավակին