Դիլիջանի քրեականի պետը ներողություն է խնդրել անչափահաս տղայից․ քրեական հետապնդում չի հարուցվել. News.am

Լրատվականներից մեկում այսօր՝ հունիսի 1-ին, տարածված տեսանյութի իրադարձությունները, որտեղ երեւում է, թե ինչպես է Դիլիջանի քրեականի պետ Արսեն Ղայթմազյանը ծեծի ենթարկում 16-ամյա երիտասարդին, տեղի է ունեցել ապրիլի 10-ին։ Այս մասին NEWS.am-ի հետ զրույցում ասաց Քննչական կոմիտեի մամուլի խոսնակ Գոռ Աբրահամյանը։

Քաղաքացու հաղորդումը Դատախազությունից Քննչական կոմիտե է ստացվել մայիսի 10-ին և նույն օրը ՀՀ քննչական կոմիտեի Տավուշի մարզային քննչական վարչությունում ՀՀ քրեական օրենսգրքի 195-րդ հոդվածի 2-րդ մասի 3-րդ կետով (անչափահասի նկատմամբ ֆիզիկական ներգործությունը) նախաձեռնվել է քրեական վարույթ և կատարվել նախաքննություն։ 2006թ․ ծնված երիտասարդը, ով ռեստորանահյուրանոցային համալիրում աշխատում է որպես մատուցող, ճանաչվել է տուժող։

Արտաքին զննությամբ վերջինիս վրա մարմնական վնասվածքներ չեն հայտնաբերվել։

Նախաքննության ընթացքում  Ա․ Ղ․-ն վարույթ իրականացնող մարմնին ներկայացրել է դիմում, այն մասին, որ ամբողջությամբ զղջում է կատարածի համար, հանդիպել է տուժողին և ներողություն խնդրել նրանից, պատրաստ է ներողություն խնդրել նաև նրա ծնողներից, լրիվությամբ հասկացել և գիտակցում է, որ դրսևորել է ոչ պատշաճ վարքագիծ և խնդրել է իր նկատմամբ հանրային քրեական հետապնդում չհարուցել՝ գործուն զղջալու հիմքով: 

Հաշվի առնելով վերոգրյալը, ինչպես նաև այն հանգամանքը, որ Ա․ Ղ․-ն վարույթի շրջանակում համագործակցել է վարույթ իրականացնող մարմնի հետ, որևէ կերպ չի վիճարկում իրեն մեղսագրվող արարքը, որը համարվում է ոչ մեծ ծանրության հանցավոր արարք՝ 2023թ․ մայիսի 29-ին միջնորդություն է ներկայացվել քրեական վարույթով հսկող դատախազին նրա նկատմամբ ՀՀ քրեական օրենսգրքի 195-րդ հոդվածի 2-րդ մասի 3-րդ կետով, գործուն զղջալու, այսինքն ոչ ռեաբիլիտացնող հիմքով, քրեական հետապնդում չհարուցելու մասին, որը բավարարվել է:

Տեսանյութը՝ ArmLur TV–ի

Այս թեմայով Հանրապետության հրապարակում մեկնարկել է Ազգային կոմիտեի հրավիրած հանրահավաքը. ուղիղ Բնակարանները վարձակալությամբ տալու պատրվակով 48-ամյա կինը 5 անձից խարդախությամբ հափշտակություններ է կատարել. ՀՀ քննչական կոմիտեն զգուշացնում է Մուշեղ Շուշանյանը կալանավորվել է 2 ամսով. քննչական կոմիտե Փաշինյանի գլխավորությամբ գործադրվել է բիրտ ուժ ակցիայի մասնակիցների նկատմամբ․ «Ազգային կոմիտե» Հանրապետության հրապարակում ժամը 19-ին նախատեսված հանրահավաքը հետաձգվում է. Ազգային կոմիտե Վերսկսում ենք անհնազանդության ակցիաները, դո՛ւրս արի փողոց․ «Ազգային կոմիտե» Երևանի փողոցներից բերման է ենթարկվել 53 քաղաքացի. Ազգային կոմիտե Քննչական կոմիտեն Լևոն Քոչարյանին կալանավորելու միջնորդություն է մուտքագրել դատարան Մետրոյի փակվելու պատճառը 18:00-ի հանրահավաքն է. Ազգային կոմիտե Սեպտեմբերի 23-ի ինքնաբուխ անհնազանդության ակցիաների ուղեցույցը․ «Ազգային կոմիտե»