Կարծես թե, ՀՀ-ն ու Ադրբեջանը դեմ չեն՝ սահմանագծման աշխատանքների համար հիմք վերցվեն 1975-ի քարտեզները. Փաշինյան

«Եթե փորձեմ կոնկրետացնել` ինչ եմ խոսել, որոնք են եղել թեմաները. առաջինը` Պրահայում պայմանավորվեցինք, որ Հայաստանը և Ադրբեջանը փոխադարձաբար պիտի ճանաչեն միմյանց տարածքային ամբողջականությունը Ալմա Աթայի հռչակագրի վրա. այն ստորագրվել է ԽՍՀՄ փլուզումից հետո: Դա այն մասին էր, որ երկրները ճանաչում են տարածքային ամբողջականությունը, սահմանների անխախտելիությունը գոյություն ունեցող սահմանների շրջանակներում»: Այս մասին Մոլդովայի հայ համայնքի հետ հանդիպմանը հայտարարեց ՀՀ վարչապետ Նիկոլ Փաշինյանը։

«Բրյուսելում մենք մի քայլ էլ գնացինք առաջ, եկանք այն ըմբռնման, որ Ադրբեջանը ճանաչում է ՀՀ 29 800 քկմ տարածքային ամբողջականությունը, Հայաստանն` Ադրբեջանի 86 600 քկմ-ը: Մեր ըմբռնումն այն էր, որ ԼՂ հայության իրավունքների և անվտանգության հարցը պետք է քննարկվի Բաքու-Ստեփանակերտ երկխոսության ֆորմատով, որը պետք է գործի միջազգային ներգրավվածությամբ, որ օրակարգը մոռացության չմատնվի»,- ասաց նա:

Փաշինյանը նշեց, որ Քիշնևում կայացած հանդիպումից նախնական մի դետալ կա, որը կարևոր է, իսկ ինչու` նախնական, որովհետև, նրա խոսքով, պետք է ստուգել նաև Ադրբեջանի արձագանքը:

«Եվս մի քայլ այն էր, որ, կարծես թե, կողմերն ընդգծեցին` դեմ չեն, որ Հայաստանի և Ադրբեջանի միջև հետագա սահմանագծման աշխատանքների համար որպես հիմք վերցվեն 1975 թ. քարտեզները, սա նշանակում է` ևս մի քայլ` վերահաստատելու 29 800 քկմ և 86 600 քկմ տարածքային ամբողջականությունը, բայց արդեն` մոտավոր, ոչ թե ճշգրիտ պատկերացում` որպես հիմք»,- նշեց Փաշինյանը:

Վարչապետը հայտարարեց, որ 29․800 քառակուսի կիլոմետր տարածքի մեջ մտնում է նաև Արծվաշենը:

«Մտնում են Տավուշի մարզի Բերքաբեր գյուղի այն տարածքները, որոնք 1990-ականների սկզբից գտնվում են Ադրբեջանի վերահսկողության տակ։ Պառավաքար գյուղը այդպիսի հողեր ունի, այդպիսի հողեր ունի Այգեհովիտ գյուղը, Վազաշեն գյուղը։ 75 թվի քարտեզով մտնում են նաև Սոթք-Խոզնավար հատվածի այն տարածքները, որոնք օկուպացվել են վերջին շրջանի հարձակումնների պարագայում»,- ասաց նա։

Խոսելով տարածաշրջանային կոմունիկացիաների մասին` վարչապետը նշեց՝ վերահաստատել են, որ կողմերի սուվերենության և իրավազորության ներքո պատրաստ են այդ կոմունիկացիաների բացմանը` 2020 թ. եռակողմ հայտարարության 9-րդ կետի իրականացման մասով: 

Այս թեմայով Նիկոլ Փաշինյանն էլ մի օր կգնա, տակը կմնաք դուք ու ձեր դեմքը․ Արփինե Հովհաննիսյան «Ժողովուրդ». Ինչու է դատախազն ակտիվ ապօրինի ծագման գույք որոնում միայն Նիկոլ Փաշինյանին ընդդիմացողների շրջանում Ի՞ նչ գին է վճարելու Հայաստանը՝ Փաշինյանի արևմտյան կտրուկ շրջադարձի դիմաց ՀՀ որ բնակավայրերի տարածքով է Փաշինյանը պատրաստվում միջանցք տրամադրել Ալիևին ԼՂ-ից տեղահանված մեր հայրենակիցները կստանան 100 հազարական դրամ․ Նիկոլ Փաշինյան Ձերբակալվել է փաստաբան Մուշեղ Շուշանյանը. Նիկոլ Փաշինյանի նկատմամբ հնչեցրած բռնության կոչերի համար ԼՂ բռնագաղթվածների թոշակները կվճարենք նույն ՀՀ թոշակների համակարգին համապատասխան. Փաշինյան Առաջիկա օրերին Լեռնային Ղարաբաղում հայ չի մնա. Փաշինյան Ինչ սպասել Փաշինյան-Ալիև հանդիպումից. «Ժողովուրդ» Իսկ Սամվել Բաբայանը Նիկոլ Փաշինյանին ասելիք չունի՞. «Փաստ»