16-ամյա տղային ծեծի ենթարկած Դիլիջանի քրեականի պետի նկատմամբ հետապնդում չհարուցելու որոշումը վերացվել է

Դիլիջանի հյուրանոցներից մեկում 16-ամյա մատուցողին ծեծի ենթարկած ՆԳՆ Դիլիջանի քրեական հետախուզության պետի՝Արսեն Ղայթմազյանի, նկատմամբ քրեական հետապնդում չհարուցելու որոշումը դատախազի որոշմամբ վերացվել է՝ բարձրացված աղմուկից հետո։ ՀՀ գլխավոր դատախազությունը տեղեկությունն առայժմ ոչ հաստատում, ոչ հերքում են։ ՀՀ գլխավոր դատախազությունից «Փաստինֆո»-ի հետ զրույցում ասացին, որ այսօր հաղորդագրություն կտարածեն թեմայի վերաբերյալ։

Հիշեցնենք, որ «Արմլուր» լրատվականը երեկ տեսանյութ էր տարածել՝ գրելով, որ 16-ամյա տղային ծեծի ենթարկողը Ներքին Գործերի Նախարարության Տավուշի մարզի Դիլիջան քաղաքի քրեականի պետ Արսեն Ղայթմազյանն է։

Ինչպես պարզվեց՝ դեպքը տեղի է ունեցել այս տարի՝ ապրիլի 10-ին։ Նույն օրը հանցագործության մասին հաղորդում է ներկայացվել, ՀՀ ՔԿ Տավուշի մարզային քննչական վարչությունում ՀՀ քրեական օրենսգրքի 195-րդ հոդվածի 2-րդ մասի 3-րդ կետով նախաձեռնվել է քրեական վարույթ և կատարվել նախաքննություն։ Քրեական վարույթի շրջանակներում 16-ամյա պատանին, որը ռեստրանային համալիրում մատուցող է աշխատում, տուժող է ճանաչվել, սակայն տղային դաժանաբար ծեծի ենթարկելու համար պաշտոնյայի նկատմամբ քրեական հետապնդում այդպես էլ չի հարուցվել։

ՔԿ մամուլի քարտուղար Գոռ Աբրահամյանը «Փաստինֆո»-ի հետ զրույցում հայտնել էր, որ նախաքննության ընթացքում Ա․ Ղ․-ն վարույթ իրականացնող մարմնին ներկայացրել է դիմում, այն մասին, որ ամբողջությամբ զղջում է կատարածի համար, հանդիպել է տուժողին և ներողություն խնդրել նրանից, պատրաստ է ներողություն խնդրել նաև նրա ծնողներից, լրիվությամբ հասկացել և գիտակցում է, որ դրսևորել է ոչ պատշաճ վարքագիծ և խնդրել է իր նկատմամբ հանրային քրեական հետապնդում չհարուցել՝ գործուն զղջալու հիմքով:

«Հաշվի առնելով վերոգրյալը, ինչպես նաև այն հանգամանքը, որ Ա․ Ղ․-ն վարույթի շրջանակում համագործակցել է վարույթ իրականացնող մարմնի հետ, որևէ կերպ չի վիճարկում իրեն մեղսագրվող արարքը, որը համարվում է ոչ մեծ ծանրության հանցավոր արարք՝ 2023թ․ մայիսի 29-ին միջնորդություն է ներկայացվել քրեական վարույթով հսկող դատախազին՝ նրա նկատմամբ ՀՀ քրեական օրենսգրքի 195-րդ հոդվածի 2-րդ մասի 3-րդ կետով, գործուն զղջալու, այսինքն՝ ոչ ռեաբիլիտացնող հիմքով, քրեական հետապնդում չհարուցելու մասին, որը բավարարվել է»,- մեզ հետ զրույցում ասել է Գոռ Աբրահամյանը։

ՀՀ ոստիկանությունից մեզ տեղեկացրել էին, որ ծառայողական քննություն է իրականացվում, ինչով պայմանավորված Արսեն Ղայթմազյանի լիազորությունները ժամանակավորապես դադարեցվել են։

Մասնագիտական հանրության և քաղաքացիների շրջանում բարձրացված աղմուկից հետո իրավապահները որոշել են ընթացք տալ և ինչպես պարզվեց՝ դատախազը վերացրել է քրեական հետապնդում չհարուցելու որոշումը։

Այս թեմայով ԵՄ-ն Իրանի նկատմամբ նոր պատժամիջոցներ կսահմանի Որոնվող 63-ամյա տղամարդու սպանության մեղադրանքով կալանավորվել է Կապանի բնակիչ Ովքեր և ինչու ողջունեցին կամ չողջունեցին Տավուշում Հայաստանի կողմից զիջումների գնալու որոշումը. Անդրանիկ Թեւանյան Շուտով նիկոլիստները կարող են հայտարարել, որ 96-ամյա Լենա տատիկը ՌԴ հատուկ ծառայությունների գործակալ է. Շարմազանով Մետրոյի վագոնի տակ ընկած 28-ամյա տղամարդն Արցախից էր (տեսանյութ) Ի՞նչ տարբերություն, ստեղ քնեմ թե տանը. ես իմ գերեզմանների տերն եմ. 97-ամյա Լենա տատիկ (տեսանյութ) ԱՄՆ-ում հարգանքի տուրք են մատուցել Հայոց ցեղասպանությունը վերապրած 109-ամյա հայ կնոջը Այսօր Գյումիում «Մերսեդես»-ով քաղաքապետարանի աստիճանների վրա հայտնված տղամարդը քաղաքի կոմունալի պետի եղբայրն է Կիրանցի 96-ամյա բնակչուհին համագյուղացիների հետ վաղ առավոտից փակել է Երեւան-Թբիլիսի ճանապարհը Երևանում կինը տղային իր փոխանցելիս ընկել է հորը. նրան տեղափոխել են հիվանդանոց