Դիլիջանի քրեականի պետը ձերբակալվել է. նրան կալանավորելու միջնորդություն կներկայացվի․ News.am

Դիլիջանի քրեականի պետ Արսեն Ղայթազյանը ձերբակալվել է: Այս մասին NEWS.am-ին հայտնեց ՔԿ մամուլի խոսնակ Գոռ Աբրահամյանը:

Նշենք, որ առաջիկայում նրան կալանավորելու միջնորդություն կներկայացվի դատարան:

Հիշեցնենք՝ armlur.am-ը հրապարկել էր տեսանյութ, որտեղ երեւում է թե ինչպես է Դիլիջանի քրեականի պետ Արսեն Գայթամազյանը ռեստորանհյուրանոցային համալիրում ծեծի ենթարկում 16-ամյա երիտասարդին։ Դեպքը տեղի է ունեցել ապրիլի 10-ին։

Դատախազություն-ից NEWS.am-ին հայտնել են, որ Ղայթմազյանի նկատմամբ հարուցվել է հանրային քրեական հետապնդում՝ ՔՕ 196-րդ հոդվածի 2-րդ մասի 3-րդ կետով (անչափահասին ֆիզիկական ուժեղ ցավ կամ հոգեկան ուժեղ տառապանք պատճառելը), այն բանի համար, որ Ա. Ղայթմազյանը 2023 թվականի ապրիլի 10-ին` ժամը 23:30-ի սահմաններում, գտնվելով Տավուշի մարզի Դիլիջան քաղաքի «Հաղարծին» ռեստորանային եւ հյուրանոցային համալիրում, անհիմն վիճաբանության մեջ է մտել ռեստորանի աշխատակից` անչափահաս Ա.Ա.-ի հետ, ձեռքի ափերով բազմաթիվ հարվածներ է հասցրել Ա.Ա.-ի գլխի եւ մարմնի տարբեր մասերին` անչափահասին պատճառելով ուժեղ ֆիզիկական ցավ:

NEWS.am-ի հետ զրույցում Քննչական կոմիտեի մամուլի խոսնակն ասել էր, որ մայիսի 10-ին քննչական վարչությունում ՔՕ 195-րդ հոդվածի 2-րդ մասի 3-րդ կետով (անչափահասի նկատմամբ ֆիզիկական ներգործությունը) նախաձեռնվել է քրեական վարույթ։ 2006 թվականին ծնված երիտասարդը ճանաչվել է տուժող։

Նախաքննության ընթացքում  քրեականի պետն իրականացնող մարմնին ներկայացրել է դիմում, այն մասին, որ ամբողջությամբ զղջում է կատարածի համար, հանդիպել է տուժողին եւ ներողություն խնդրել նրանից, պատրաստ է ներողություն խնդրել նաեւ նրա ծնողներից, լրիվությամբ հասկացել եւ գիտակցում է, որ դրսեւորել է ոչ պատշաճ վարքագիծ եւ խնդրել է իր նկատմամբ հանրային քրեական հետապնդում չհարուցել՝ գործուն զղջալու հիմքով:  Գործուն զղջալու, այսինքն ոչ ռեաբիլիտացնող հիմքով, քրեական հետապնդում չհարուցելու մասին, որը բավարարվել է:

ՆԳՆ ոստիկանության ներքին անվտանգության վարչությունում ապրիլի 14-ին սկսվել է ծառայողական քննություն եւ հաստատվել վերոհիշյալ փաստը: Մայիսի 5-ին նրա ծառայողական լիազորությունները ժամանակավորապես դադարեցվել են, իսկ ծառայողական քննության ընթացքում ձեռք բերված փաստաթղթերն ուղարկվել են ՀՀ Գլխավոր դատախազություն:

Այս թեմայով Հրդեհ է բռնկվել Դիլիջան քաղաքի Զինավան թաղամասում. տուժածներ չկան Այն, ինչ արգելվում էր նախկին համայնքապետին, թուլատրվո՞ւմ է գործողին Հանրային քրեական հետապնդում է հարուցվել Դիլիջան համայնքի նախկին ղեկավար Արմեն Սանթրոսյանի նկատմամբ Անչափահաս տղան առ այսօր ինքնամփոփ է, չի շփվում, վախեր ունի. տուժողի ներկայացուցիչ․ «Փաստինֆո» Փաշինյանը երեկ ծաղրածուի նման 20 մեքենայով գնացել էր Դիլիջան, ծխախոտի 2 բիչոկ էր հավաքում ՃՏՊ Վանաձոր-Դիլիջան ավտոճանապարհին․ կա զոհ Հրդեհի ահազանգ Դիլիջան քաղաքում «Դիլիջան» ազգային պարկի աշխատակիցներն անվտանգ վայր են տեղափոխել Դիլիջանում զբոսնող եղջերուներին Դիլիջան-Իջևան ճանապարհին մեքենան դուրս է եկել ճանապարհի երթևեկելի գոտուց և հայտնվել Աղստև գետում Հավելյալ գումար «Դիլիջան» ազգային պարկին՝ CNF-ի կողմից