Անչափահաս տղան առ այսօր ինքնամփոփ է, չի շփվում, վախեր ունի. տուժողի ներկայացուցիչ․ «Փաստինֆո»

ՆԳՆ Դիլիջանի քրեական հետախուզության պետ Արսեն Ղայթմազյանը Դիլիջանի հյուրանոցում հարձակվել և ծեծի է ենթարկել 16-ամյա մատուցողին, երբ վերջինս հայտնել է, որ հյուրանոցում սենյակ ամրագրելու համար պետք է կանխավճար թողնել։ Այս մասին «Փաստինֆո»-ի հետ զրույցում հայտնեց տուժող Արամ Ամիրյանի ներկայացուցիչ, փաստաբան Սասուն Ռաֆաելյանը։

Տուժողի ներկայացուցիչ, փաստաբան Սասուն Ռաֆաելյանը «Փաստինֆո»-ի հետ զրույցում մանրամասներ ներկայացրեց դեպքից՝ հայտնելով, որ դեպքը տեղի է ունեցել երեկոյան՝ ժամը 23.30-ի սահմաններում, երբ իր վստահորդը, գտնվելով աշխատավայրում, նկատել է, որ ավտոկայանատեղիում կայանվել է «Տոյոտա» մակնիշի սև գույնի ավտոմեքենա, ինչից հետո վարորդը իջել է ավտոմեքենայից, մոտեցել տղային՝ տուժողին, խնդրել, որ իրեն տրամադրեն սենյակ, ցանկացել է հյուրանոցային համալիրում գիշերել։

«Իմ վստահորդի կողմից, բնականաբար, որևէ առարկություն չի ներկայացվել, ուղղակի խնդրանք է ներկայացվել,որ նախապես վճարում կատարվի, ինչից ոստիկանության աշխատակիցը բորբոքվել է և հարձակվել Արամ Ամիրյանի վրա, սկսել հարվածներ հասցնել նրա գլխի և մարմնի տարբեր մասերին, ինչից հետո Ամիրյանը մի կերպ ուղղակի կարողացել է դիմել փախուստի»,- հայտնեց փաստաբանը։

Դիտարկմանը, որ հրապարակված կադրերում երևում է, որ դեպքին ականատես է նաև տղամարդ, որը փաստացի չի միջամտում՝ անչափահասին օգնություն տրամադրելու համար, Ռաֆաելյանն արձագանքեց՝ նշելով, որ հիշյալ անձի հետ որևէ խոսակցություն չի ունեցել, հավանաբար, վախեցել է։

«Եթե դատենք տուժողի տեսքից, ապա վերջինս փորձում է ընդամենը պաշտպանվել, անգամ չի փորձում հարվածել ինքնապաշտպանության նպատակով, ընդամենը պաշտպանվում է և հնարավորության դեպքում դիմում փախուստի»,-նշեց Ռաֆաելյանը։

Նրա խոսքով՝ դեպքից հետո անձն առ այսօր դարձել է ինքնամփոփ, չի շփվում այլ անձանց հետ, վախեր է առաջացել։ «Հաշվի առնենք, որ անձն ընդամենը 16 տարեկան է և, բնականաբար, լավ օրից չէ, որ 16 տարեկանում որոշել է մատուցող աշխատել։ Այսինքն՝ ունեցել է գումարի կարիք, 16 տարեկանում եկել է աշխատելու և բռնության ենթարկվել՝ ալկոհոլի ազդեցության տակ գտնվող ոստիկանության բարձրաստիճան պաշտոնյայի կողմից»,- ասաց տուժողի ներկայացուցիչը։

Մանրամասները՝ սկզբնաղբյուր կայքում։

Այս թեմայով «Դիլիջան» անտառպետությանը պատկանող տարածքում ապօրինի ծառեր են հատվել. պատճառվել է 200 հազար դրամի վնաս Պարզվում են Դիլիջան քաղաքում կատարված սպանության և ինքնասպանության դեպքի հանգամանքները (լուսանկարներ) Դիլիջան քաղաքում գործարկվելու է էլեկտրական շչակ Կայացել է «Դիլիջան կենսոլորտային տարածք»-ի ստեղծմանն ուղղված աշխատաժողովը ՔՊ-ականների կասկածելի որոշումները՝ խոշորացույցի տակ. Դավիթ Սարգսյան «Դիլիջան» ազգային պարկ» ՊՈԱԿ-ը կատարում է 9 հողակտորի հողհատկացում Փաշինյանի թիմակիցների մանիպուլյացիաները. Դավիթ Սարգսյան Փրկարարները մարել են Դիլիջան քաղաքում բռնկված հրդեհը ՀՀ տարածքում կան փակ և դժվարանցանելի ավտոճանապարհներ Դիլիջան-Վանաձոր ավտոճանապարհը փակ է կցորդով տրանսպորտային միջոցների համար