Հունիսի 12-ին վտանգավոր աստերոիդը կանցնի Երկրի կողքով

1994 XD անունն ստացած 300-800 մետր տրամագծով աստերոիդը շուտով կանցնի Երկրի կողքով։ Տպավորիչ չափերի պատճառով այն համարվում է պոտենցիալ վտանգավոր, բացատրում են գիտնականները, սակայն զգուշացնում են, որ խուճապի մատնվել պետք չէ, հայտնում է inbusiness.kz-ը։

Ինչպես հայտնել են Մոսկվայի պլանետարիումի մամուլի ծառայությունում, աստերոիդը վտանգ չի ներկայացնում մեր մոլորակի համար։

1994 XD աստերոիդը կանցնի Երկրի կողքով հունիսի 12-ին՝ Երևանի ժամանակով ժամը 04:53-ին։ Այն շարժվում է վայրկյանում 21 կիլոմետր արագությամբ եւ Երկրին կմոտենա մոտ 3,16 մլն կիլոմետր հեռավորության վրա։ Այս հեռավորությունը գրեթե ութ անգամ գերազանցում է Երկրի և Լուսնի միջև եղած հեռավորությունը:

Մոսկվայի պլանետարիումը բացատրել է, որ օբյեկտը համարվում է պոտենցիալ վտանգավոր, եթե այն հատում է Երկրի ուղեծիրը 7,5 միլիոն կմ-ից պակաս հեռավորության վրա, իսկ օբյեկտի տրամագիծը գերազանցում է 100-150 մետրը։

Այս թեմայով Մարտի 25-ին Երկրին կմոտենա 44-99 մ տրամագիծ ունեցող աստերոիդ NASA-ն հայտարարել է պոտենցիալ վտանգավոր աստերոիդի մասին «Սուրբ Ծննդյան գիսաստղը» 50000 տարվա մեջ առաջին անգամ մոտենում է Երկրին Ինչպես է պոտենցիալ վտանգավոր աստերոիդն անցնում Երկրի կողքով (տեսանյութ) Երկրի կողքով պոտենցիալ վտանգավոր աստերոիդ է անցել Երկրին է մոտենում Քեոփսի բուրգից մեծ աստերոիդ Մարզադաշտի չափ ունեցող աստերոիդ Է մոտենում Երկրին