«Փաստ». Բաբայանը փակուղում է հայտնվել

«Փաստ» օրաթերթը գրում է. «Ստեղծված անվտանգային լարված իրավիճակին զուգահեռ Արցախում ներքաղաքական ինտրիգները շարունակվում են։ Ինչպես հայտնի է, օրերս Արայիկ Հարությունյանը հանդես եկավ ուղերձով, որտեղ, ի թիվս այլ կետերի, առանձին անդրադարձ կար ներքաղաքական գործընթացներին։ Մասնավորաբար, Հարությունյանը նշել էր, որ ճգնաժամային ծանր իրադրությամբ պայմանավորված՝ դադարեցնում է արտահերթ նախագահական և խորհրդարանական ընտրություններ կազմակերպելու շուրջ բոլոր տեսակի քննարկումները, ինչպես նաև վերջին օրերին ԱԺ նախագահի կողմից առաջարկված վստահության հանրաքվե կազմակերպելու շուրջ մտքերի փոխանակումները:

Նաև ընդգծել էր, որ պատրաստ է բոլոր խորհրդարանական և արտախորհրդարանական ուժերի հետ համագործակցության, որի ինստիտուցիոնալ հիմնական հարթակը Անվտանգության խորհուրդն է: Այս կերպ նա փաստացի ակնարկում է, որ Արցախի պետական կառավարման համակարգում նոր կառույց ստեղծելու մասին գաղափարը հօդս է ցնդում։

Ի դեպ, հատկանշական է, որ Սամվել Բաբայանին քաղաքական քննարկումներ անցկացնելու առաջարկն արել էր Հարությունյանի թիմակից Արթուր Թովմասյանը. թերթի տեղեկություններով, Թովմասյանը դա արել է Սամվել Բաբայանի դրդմամբ։ Մեր աղբյուրների փոխանցմամբ, Հարությունյանի հայտարարության նշյալ կետն ուղղակիորեն հասցեագրված էր Բաբայանին, որն ակտիվ քաղաքական կոնսուլտացիաներ է իրականացնում Արցախում՝ հանդիպելով հանրության տարբեր շերտերի հետ։

Արցախյան մեր աղբյուրը հայտնում է, որ Բաբայանը, որն իր վերջի հանրահավաքի ժամանակ հայտարարել էր, թե պատրաստվում է 10 օրից նոր հանրահավաք կազմակերպել, այս փուլում «պաուզա» է վերցրել և փորձում է թեման շրջանցել, քանզի հասկացել է, որ հանրահավաքին մարդ չի հավաքվելու, և հերթական անգամ այն ձախողվելու է։
Թերթի տեղեկություններով, Բաբայանն այսօր Արցախում փաստացի ոչ մի աջակցություն չունի, ընդ որում՝ ոչ միայն քաղաքական, այլև հանրային տիրույթում, իսկ միակ քաղաքական «կռիշը» Նիկոլ Փաշինյանն է, որն իր տեղեկատվական բլոկի միջոցով փորձում է հանրային տիրույթում Բաբայանին «հարց լուծող» ներկայացնել և որպես միֆական կերպար մատուցել։

Մեր տեղեկություններով, Բաբայանին Փաշինյանն է հորդորել, որ Արցախի ներսում կարող է իշխանություն վերցնել, իսկ Հարությունյանի կողմից իրականացված քայլերից հետո Բաբայանը հայտնվել է փակուղում և չգիտի իր հետագա քայլերի հաջորդականությունը»:

Առավել մանրամասն՝ թերթի այսօրվա համարում

Այս թեմայով Առաջինը Սամվել Բաբայանը պետք է կանգնի դատարանի առջև. ՀՅԴ պատգամավոր Աշխարհի երեսպաշտ «հումանիզմը». էս ինչ էլ շուտ եկաք. «Փաստ» «Փաստ». Բռնի տեղահանված արցախցիները միայնակ չեն «Փաստ». Շուռնուխում բնակելի թաղամասի կառուցումը դեռ չի ավարտվել, դրամական օգնության տրամադրումը կշարունակվի «Փաստ». «Կարևորագույն նպատակներից մեկը Փաշինյանին հնարավորինս անցնցում եղանակով իշխանությունից հեռացնելն է» «Փաստ». Բացառիկ մանրամասներ Լևոն Քոչարյանին կալանավորելու օպերացիայից «Փաստ». ԶՊՄԿ-ն Սյունիքում զգալի աշխատանք է կատարել. ի՞նչ է հայտարարել տնօրենը Մեծամասնությունը վաղուց Փաշինյանի հետ չէ. մեղքը ժողովրդի «գրպանը» պետք չէ գցել. «Փաստ» Խոշոր ավտովթար Կոտայքի մարզում․ Howo-ն կողաշրջված, Nissan-ը մեջտեղից կիսված՝ հայտնվել են ձորում․ ՀՀ ՊՆ ծառայողը տեղում մահացել է Որոշել եմ այսօր Ստեփանակերտից մեկնել Շուշի. Դավիթ Բաբայանը հայտարարություն է տարածել